ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ອີງຕາມການລາຍງານຂອງ ທ່ານ ທອງລຸນ ສີສຸລິດ ນາຍົກລັດຖະມົນຕິ ແຫ່ງ ສປປ ລາວ ໃນກອງປະຊຸມສະໄຫມສາມັນ ເທື່ອທີ 10 ຂອງສະພາແຫ່ງຊາດ ຊຸດທີ VII, ໃນຄັ້ງວັນທີ 27 ຕຸລາ 2020 ທີ່ຜ່ານມານີ້.

ກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ແຜນງົບປະມານ ແລະ ແຜນເງິນຕາປີ 2020 ແລະ ທິດທາງແຜນການປີ 2021

ເພື່ອເຮັດໃຫ້ການຈັດຕັ້ງປະຕິບັດແຜນພັດທະນາເສດຖະ ກິດ-ສັງຄົມແຫ່ງຊາດ ບັນລຸຕາມຄາດຫມາຍທີ່ວາງໄວ້, ໃນປີ 2021 ຈະຕ້ອງໄດ້ເອົາໃຈໃສ່ ກໍານົດທິດທາງແຜນການດັ່ງນີ້:

ບ່ອນສະແດງໂຄສະນາ

ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

1) ຮັບປະກັນໃຫ້ມີສະຖຽນລະພາບທາງດ້ານການເມືອງ, ຄວາມສະຫງົບ ແລະ ຄວາມເປັນລະບຽບຮຽບຮ້ອຍ ໃນສັງຄົມຢ່າງຫນັກແຫນ້ນ, ສ້າງສັງຄົມສາມັກຄີປອງດອງ, ປອດໄພ, ສີວິໄລ ແລະ ຍຸຕິທໍາ

2) ປະຕິຮູບໂຄງສ້າງເສດຖະກິດເພື່ອຊຸກຍູ້ເສດຖະກິດໃຫ້ສືບຕໍ່ຂະຫຍາຍຕົວ ດ້ວຍຄຸນນະພາບທີ່ດີຂຶ້ນ ດ້ວຍການປະຕິຮູບໂຄງສ້າງເສດຖະກິດໃຫ້ມີຄວາມສົມດຸນຕາມຂົງເຂດ, ຂະແຫນງການ ແລະ ທ້ອງຖິ່ນ

3) ພັດທະນາຊັບພະຍາກອນມະນຸດ ໃຫ້ມີຄຸນນະພາບດີຂຶ້ນຕື່ມ ເພື່ອເປັນປັດໄຈຊຸກຍູ້ການພັດທະນາ ເສດຖະກິດ-ສັງຄົມ, ພັດທະນາຊົນນະບົດ ແລະ ແກ້ໄຂຄວາມທຸກຍາກຂອງປະຊາຊົນ ໃຫ້ມີຄຸນນະພາບຊີວິດທີ່ດີຂຶ້ນ ກວ່າເກົ່າ

4) ຫັນເປັນອຸດສາຫະກໍາ ແລະ ທັນສະໄຫມ ທີ່ຕິດພັນກັບອຸດສາຫະກໍາປຸງແຕ່ງ ແລະ ການຜະລິດເປັນສິນຄ້າ ໂດຍສະເພາະໃນຂະແຫນງການ ແລະ ທ້ອງຖິ່ນ ທີ່ມີເງື່ອນໄຂ ຕິດພັນກັບການສົ່ງເສີມການຜະລິດ ແລະ ບໍລິການຕາມແລວ ທາງລົດໄຟລາວ-ຈີນ, ທາງດ່ວນ ໃນພື້ນທີ່ ທີ່ມີທ່າແຮງຜະລິດເພື່ອເປັນສິນຄ້າ, ປັບປຸງການເຊື່ອມໂຍງ ແລະ ເຊື່ອມຈອດກັບ ພາກພື້ນ ແລະ ສາກົນ

5) ພັດທະນາເສດຖະກິດທີ່ສະອາດ ແລະ ເປັນມິດຕໍ່ສິ່ງແວດລ້ອມ, ປົກປັກຮັກສາ ແລະ ນໍາໃຊ້ ຊັບພະຍາກອນທໍາມະຊາດ ຢ່າງສົມເຫດສົມຜົນ, ຍືນຍົງ, ປະຢັດ ແລະ ມີປະສິດທິຜົນສູງສຸດ; ສົ່ງເສີມການຜະລິດອຸດສາຫະ ກໍາຂະຫນາດນ້ອຍ ແລະ ຂະຫນາດກາງ (SMEs), ສ້າງ ແລະ ຂະຫຍາຍຕົວແບບໃນການຜະລິດໃຫ້ຫຼາຍຂຶ້ນ ແລະ ກະກຽມ ຂະຫຍາຍກວ້າງອອກ;

6) ເອົາໃຈໃສ່ປະຕິຮູບລະບົບການບໍລິການຂອງລັດ ໃຫ້ມີຄວາມໂລ່ງລ່ຽນ, ກະທັດຮັດ, ວ່ອງໄວ, ໂປ່ງໃສ ໂດຍການຫັນເປັນທັນສະໄຫມ ບົນຈິດໃຈຮັບໃຊ້ ແລະ ບໍລິການປະຊາຊົນ ຢ່າງແທ້ຈິງ

7) ເພີ່ມທະວີການຮ່ວມມືກັບບັນດາປະເທດເພື່ອນມິດ ແລະ ຄູ່ຮ່ວມພັດທະນາ, ຕາມຫຼັກການຕ່າງຝ່າຍຕ່າງ ໄດ້ຮັບຜົນປະ ໂຫຍດ, ເປັນເຈົ້າການເຂົ້າຮ່ວມຂະບວນການເຊື່ອມໂຍງ ແລະ ເຊື່ອມຈອດກັບພາກພື້ນ ແລະ ສາກົນ ຢ່າງ ເອົາໃຈໃສ່

8) ສືບຕໍ່ພັດທະນາຊົນນະບົດ ແລະ ແກ້ໄຂຄວາມທຸກຍາກ ຕິດພັນກັບວຽກງານສ້າງແຂວງເປັນຫົວຫນ່ວຍຍຸດ ທະສາດ, ສ້າງເມືອງເປັນຫົວຫນ່ວຍເຂັ້ມແຂງຮອບດ້ານ ແລະ ສ້າງບ້ານເປັນຫົວຫນ່ວຍພັດທະນາ (3 ສ້າງ) ຢ່າງແຂງແຮງ ແລະ ເຂົ້າສູ່ລວງເລິກຕື່ມອີກ

9) ສ້າງສະຕິສັງຄົມ, ສັງຄົມ ໃຫ້ຫັນປ່ຽນການດໍາລົງຊີວິດປະຈໍາວັນ, ການທໍາມາຫາກິນດ້ວຍວິຖີຊີວິດໃຫມ່ ແບບປົກກະຕິ (New Normal) ເຖິງແມ່ນວ່າ ສະພາບການລະບາດຂອງພະຍາດໂຄວິດ 19 ຢູ່ລາວ ຍັງຢູ່ໃນໄລຍະຫຼໍ່ແຫຼມຢູ່ ຫຼື ພາຍຫຼັງໄດ້ມີການຄວບຄຸມໄດ້ແລ້ວນັ້ນ, ຢາກໃຫ້ສັງຄົມຂອງປະເທດເຮົາຫັນໄປສູ່ອັນໃຫມ່ ທີ່ກ້າວຫນ້າທັນສະໄຫມ ແລະ ມີລະບຽບວິໄນດີຂຶ້ນກວ່າເກົ່າ.

LEAVE A REPLY

Please enter your comment!
Please enter your name here