ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

“ບາສີສູ່ຂັວນ” ຫຼື “ສູ່ຂັວນ” ແມ່ນພິທີການໜຶ່ງຂອງປະເພນີລາວ ເຊິ່ງຄົນລາວເຮົາມັກຈະຈັດພິທີນີ້ຂຶ້ນ ໃນງານສະເຫຼີມສະຫຼອງວັນສຳຄັນຕ່າງໆທີ່ມີຄວາມໝາຍ ແລະ ຄວາມປິຕິຍິນດີ ເປັນຕົ້ນແມ່ນ: ໃນວັນຂຶ້ນປີໃໝ່ລາວ, ສູ່ຂວັນນາກ, ຮັບຂັວນຄົນເຈັບໄຂ້, ງານດອງ, ຂຶ້ນເຮືອນໃໜ່, ເດັກເກີດໃໝ່ ຫຼື ອອກກຳ ແລະ ອື່ນໆ

credit: camera wedding production lao

ການຈັດພິທີບາສີສູ່ຂວັນນັ້ນ ແມ່ນຈະຈັດຂຶ້ນໄດ້ຕະຫຼອດທັງປີ, ແຕ່ໂດຍສ່ວນໃຫຍ່ແລ້ວ ເພິ່ນຈະອີງຕາມການຄິດໄລ່ຂອງຜູ້ເຖົ້າຜູ້ແກ່ ເພື່ອຫາມື້ສັນວັນດີ ເຊິ່ງອີງຕາມປະຕິທິນທາງສາສະໜາ ຄືອີງຕາມເດືອນແຮມ ຫຼື ເດືອນອອກໃໝ່

credit: Photographer Nakone Pakse

ນອກຈາກນີ້, ຄວາມເຊື້ອອີກຢ່າງໜຶ່ງຂອງຄົນລາວເຮົາ ແມ່ນຈະຈັດພິທີບາສີສູ່ຂວັນຂຶ້ນກ່ອນທ່ຽງ ຫຼື ກ່ອນຕາເວັນຕົກດິນ ເພາະມີຄວາມເຊື່ອວ່າ ຊີວິດຈະໄດ້ຮຸ່ງເຮືອງ

ບ່ອນສະແດງໂຄສະນາ

ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ຄວາມໝາຍຂອງການຈັດບາສີສູ່ຂວັນ

ຕາມການບອກກ່າວຂອງຜູ້ເຖົ້າຜູ້ແກ່ແລ້ວ ທຸກຄົນເກີດມາຕ້ອງມີອະໄວຍະວະຄົບຖ້ວນ 32 ປະການພ້ອມທັງມີຂັວນປະຈຳຢູ່ນຳແຕ່ລະສ່ວນ ຈຶ່ງຖືວ່າເປັນຄົນທີ່ສົມບູນແຂງແຮງ ທັງຮ່າງກາຍ ແລະ ຈິດໃຈ ຖ້າຂວັນ ຂອງອະໄວຍະວະ ໃດໜຶ່ງຫາກຫາຍ ຫຼືອອກຈາກໄປທີ່ອື່ນ ກໍອາດເຮັດໃຫ້ ຄົນໆນັ້ນ ບໍ່ສະບາຍເຈັບໄຂ້ໄດ້ປ່ວຍ ຫຼື ອາດໄດ້ຮັບເຄາະຮ້າຍ ຫຼື ບໍ່ມີໂຊກ ດັ່ງນັ້ນ ການສູ່ຂວັນ ຈຶ່ງເປັນພິທີອັນໜື່ງ ເພື່ອເອີ້ນຂວັນ ກັບຄືນມາຢູ່ນຳຮ່າງກາຍ ເພື່ອໃຫ້ຄົນໆ ນັ້ນມີສຸຂະພາບແຂງແຮງ, ມີໂຊກໄຊ ມີຄວາມສຳເລັດ ໃນການປະຕິບັດ ວຽກງານ ຫຼືມີຄວາມປອດໄພໃນການເດີນທາງ.

ແມ່ ໄກສອນ ວົງພະຈັນ ຜູ້ຢູ່ກັບພາຂວັນ ແລະ ຂັນໝາກເບັງງານດອງ ມາຫຼາຍກວ່າ 10 ປີ ໄດ້ໃຫ້ສຳພາດກັບອິນໄຊລາວວ່າ: ປະເພນີລາວໆ ແຕ່ບູຮານເຮົາ ໃນພາບາສີ ສູ່ຂວັນບ່າວສາວ ກໍ່ຈະກອບມີ ຕົ້ມໄກ່ 2 ໂຕ ເຊິ່ງຕ້ອງເປັນໂຕຜູ້ ແລະ ໂຕແມ່, ໄຂ່ຕົ້ມ ເຊິ່ງຕ້ອງແມ່ນໄຂ່ໄກ່ລາດ (ແຕ່ມາຮອດປັດຈຸບັນແມ່ນຫາຍາກແລ້ວ ເລີຍເປັນໄຂ່ໄກ່ທຳມະດາກໍ່ໄດ້). ນອກຈາກນີ້ ໃນພາຂວັນນັ້ນ ຕ້ອງມີຕິບເຂົ້າ 1 ຕິບ, ຕຸກນໍ້າ, ເຫຼົ້າຂາວ, ເຂົ້າຕົ້ມ -ຂົ້າໜົມ ແລະ ຂັນໝາກ

ແມ່ໄກສອນ ຍັງໃຫ້ຮູ້ຕື່ມວ່າ: ສຳລັບດອກໄມ້ທີ່ໃຊ້ປະດັບ ພາຂວັນຈະແຕກຕ່າງກັນຕາມເຫດການ ແລະ ກໍຂຶ້ນກັບລະດູຂອງດອກໄມ້ອີກ ເປັນຕົ້ນແມ່ນ: ໃນງານສູ່ຂວັນປີໃໜ່ລາວ ເພິ່ນກໍມັກໃຊ້ ດອກດາວເຮືອງ, ດອກສາມປີ, ດອກຄູນ, ໃບເງິນ ໃບຄຳ ແລະ ທີ່ຂາດບໍ່ໄດ້ເລີຍແມ່ນ ດອກຄູນ ແລະ ດອກຈໍາປາ ສ່ວນວ່າໃນພິທີແຕ່ງງານ ດອກໄມ້ທີ່ເພິ່ນມັກໃຊ້ ແມ່ນມີພຽງ ດອກຮັກ ແລະ ດອກດາວເຮືອງເທົ່ານັ້ນ.

LEAVE A REPLY

Please enter your comment!
Please enter your name here