ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ອາການນອນກົນ ຫຼື ພາວະຫຍຸດຫາຍໃຈຂະນະນອນຫຼັບ ໄດ້ກາຍເປັນບັນຫາໃຫຍ່ສຳລັບຫຼາຍໆຄົນ. ໂດຍສະເພາະແມ່ນຄົນອ້ອມຂ້າງ ທີ່ນອນຮ່ວມຕຽງດຽວກັນ ຫລື ຫ້ອງດຽວກັນ. ເຊິ່ງສ່ວນຫຼາຍແລ້ວ ການນອນກົນ ແມ່ນມັກເກີດຂຶ້ນກັບຜູ້ທີ່ມີບັນຫາເລື່ອງນໍ້າໜັກ ແລະ ມີບັນຫາກ່ຽວກັບລະບົບຫາຍໃຈ

ຜົນກະທົບຕໍ່ຄົນທີ່ເປັນພາວະຫຍຸດຫາຍໃຈຂະນະຫຼັບ

ອາການນີ້ບໍ່ເກີດກັບທຸກຄົນ ແຕ່ຄົນທີ່ນອນກົນ ແລະ ຢຸດຫາຍໃຈຂະນະຫຼັບນັ້ນ ອາດມີຜົນກະທົບອື່ນໆ ແລະ ພະຍາດຕາມມາເຊັ່ນ: ປະສິດທີພາບໃນການເຮັດວຽກຫຼຸດລົງ ຄວາມຈໍາບໍ່ດີ ເຫງົ້ານອນງ່າຍ ແລະ ຫາກປະໄວ້ດົນຫຼາຍ ອາດເຮັດໃຫ້ເກີດພະຍາດ ຄວາມດັນເລືອດສູງ, ພະຍາດຫົວໃຈ, ຫຼອດເລືອດໃນສະໝອງໄດ້

ແຕ່ປັນຫາຂອງການນອນກົນ ສຽງດັງ ສາມາດຫລຸດຜ່ອນໄດ້ດ້ວຍວິທີທີ່ ອິນໄຊລາວ ໄດ້ນໍາມາສະເໜີໃນມື້ນີ້.​

ບ່ອນສະແດງໂຄສະນາ

ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ
  1. ການຄວບຄຸມນໍ້າໜັກ ແລະ ອາຫານ:​ ການປ່ອຍໃຫ້ນໍ້າໜັກເພີ່ມຂຶ້ນ ພຽງແຕ່ 2-3 ຂິດ ກໍ່ສາມາດນໍາໄປສູ່ການນອນກົນໄດ້ ເນື່ອງຈາກວ່າເນື້ອເຍື່ອໄຂມັນ ທີ່ສະສົມຢູ່ອ້ອມຄໍ ໄປຂັດຂວາງລະບົບເສັ້ນທາງຫາຍໃຈ ເຮັດໃຫ້ຫາຍໃຈບໍ່ດວກ
  2. ນອນສະແຄງ: ການນອນສະແຄງ ຫລື ຫັນໄປຂ້າງໃດຂ້າງໜຶ່ງ ຈະດີກວ່າການນອນຫງາຍ ເພາະການນອນຫງາຍ ແມ່ນເຮັດໃຫ້ລີ້ນຕົກລົງໄປດ້ານຫຼັງຕິດກັບຜານັງຊ່ອງຄໍ ເຊິ່ງເປັນສາເຫດທີ່ເຮັດໃຫ້ນອນກົນ
  3. ບໍ່ດື່ມແອວກໍຮໍ ກ່ອນເຂົ້ານອນ: ຜົນຂອງແອວກໍຮໍ ຈະເຮັດໃຫ້ກ້າມເນື້ອຢູ່ລໍາຄໍ ຢ້ານ ຫຼື ຄາຍຕົວກວ່າປົກກະຕິ ເຮັດໃຫ້ໄປອັດທາງເສັ້ນທາງຫາຍໃຈ ເຊິ່ງເປັນສາເຫດຂອງການນອນກົນ
  4. ຫຍຸດ ຫຼື ຫຼຸດຜ່ອນການສູບຢາ: ຄວັນຢາສູບເຮັດໃຫ້ເກີດການລະຄາຍເຄືອງໃນໂພງດັງ ແລະ ລໍາຄໍ. ຈົນອາການບວມ ແລະ ເຮັດໃຫ້ຂີ້ກະເທີ່ຢູ່ໃນຄໍໜ້ຽວຫຼາຍຂຶ້ນ ສົ່ງຜົນໃຫ້ຫາຍໃຈຍາກ
  5. ປຶກສາໝໍເພື່ອຫາວິທີຮັກສາ: ຫາກບັນຫາດັ່ງກ່າວ ແກ້ບໍ່ຕົກ ຄວນມີການປຶກສາໝໍ ເພື່ອຫາວິທີແກ້ໄຂ

ອ້າງອີງຂໍ້ມູນຈາກ: Chiangmai News. Mirror

LEAVE A REPLY

Please enter your comment!
Please enter your name here