ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ວັນທີ 23 ຕຸລາ 2020. ກອງບັນຊາການ ປກສ ນະຄອນຫຼວງວຽງຈັນ ໄດ້ອອກແຈ້ງການ ເລື່ອງ ການເພີ່ມທະວີປ້ອງກັນຮັກສາຄວາມສະຫງົບ ຄວາມເປັນລະບຽບຮຽບຮ້ອຍ ໃນໄລຍະບຸນທາດຫຼວງ ປະຈໍາປີ ພສ 2563 ລະຫວ່າງວັນທີ 29-31 ຕຸລາ 2020 ນີ້ ໂດຍມີຂໍ້ຫ້າມທັງໝົດ 11 ຂໍ້ຫ້າມດັ່ງລຸ່ມນີ້:

  • ຫ້າມໂຄສະນາທຸກຮູບແບບທີ່ຜິດຕໍ່ກົດໝາຍຂອງ ສປປ ລາວ
  • ຫ້າມຂາຍ ຫຼື ນຳເອົາອາວຸດທຸກປະເພດລວມທັງ ມີດ-ມ້າ, ງ້າວ, ກະຖຸນ, ສະໜັບມື, ສາຍແອວຫົວໃຫຍ່ເຂົ້າໄປໃນງານບຸນໂດຍເດັດຂາດ ( ຍົກເວັ້ນໄດ້ຮັບອະນຸຍາດຈາກເຈົ້າໜ້າທີ່ ).
  • ຫ້າມຂາຍ ແລະ ນໍາເອົາຢາເສບຕິດ, ທາດລະເບີດ, ທາດແຕກ, ທາດເບື່ອ, ສານເຄມີ ທີ່ອອກລິດຕໍ່ລະບົບປະສາດທຸກຊະນິດເຂົ້າມາໃນງານຢ່າງເດັດຂາດ
  • ຫ້າມນໍາເຂົ້າ, ຊື້ – ຂາຍ ຈູດໂຄມໄຟລອຍຟ້າ, ຈູດໝາກກະໂພກ ທຸກຊະນິດ, ທຸກລະດັບ ແລະ ຫ້າມຫຼີ້ນການພະນັນທຸກປະເພດ..
  • ຫ້າມວາງເຄື່ອງເກີນຂອບເຂດອອກມາໜ້າຮ້ານ, ຂາຍເຄື່ອງໃສ່ລໍ້ຍູ້ຊະຊາຍໃນງານບຸນຢ່າງເດັດຂາດ.
  • ຫ້າມຂາຍ ແລະ ນໍາເອົາຜະລິດຕະພັນວັດທະນະທໍາທີ່ລາມົກ, ເຊື່ອມຊາມຕ່າງໆເຂົ້າມາໃນງານຢ່າງເດັດຂາດ.
  • ຫ້າມດື່ມເຫຼົ້າ ເບຍ ແລະ ສິ່ງມືນເມົາ ເມື່ອຂັບລົດບໍ່ຄວນດື່ມສິ່ງມຶນເມົາ; ຫ້າມກໍ່ອາລະວາດຜິດຖຽງກັນ, ຕີກັນ, ສ້າງຄວາມບໍ່ສະຫງົບໃນງານບຸນຢ່າງເດັດຂາດ.
  • ສໍາລັບນັກສະແດງສິນລະປະ ແລະ ມວນຊົນ ທີ່ເຂົ້າມາຫຼີ້ນງານບຸນຕ້ອງແຕ່ງກາຍ, ນຸ່ງເຄື່ອງສຸພາບຮຽບຮ້ອຍໃຫ້ຖືກຕ້ອງຕາມຮີດຄອງປະເພນີລາວ.
  • ຫ້າມຕອກເຫຼັກ ຫຼື ສິ່ງຂອງຕ່າງໆໃສ່ພື້ນເດີ່ນພະທາດຫຼວງຢ່າງເດັດຂາດ.
  • ຫ້າມນໍາໃຊ້ໂດນ ຫຼື ອຸປະກອນຖ່າຍພາບທາງອາກາດ, ຍົກເວັ້ນແຕ່ທາງການອະນຸຍາດໃຫ້ພາກສ່ວນກ່ຽວຂ້ອງເທົ່ານັ້ນ.
  • ບັນດາຮ້ານທຸລະກິດບັນເທີງ, ຮ້ານກີນດື່ມ ໃຫ້ຢຸດເຊົາບໍລິການຕາມຄໍາສັ່ງ, ແຈ້ງການ ຂອງລັດຖະບານວາງອອກ ແລະ ພ້ອມກັນຈັດຕັ້ງປະຕິບັດມາດຕະການປ້ອງກັນການແຜ່ລະບາດພະຍາດ ໂຄວິດ 19 ຂອງຄະນະສະເພາະກິດແນະນໍາວິທີ່ປ້ອງກັນ ຢ່າງເຂັ້ມງວດ

ທັງນີ້, ເພື່ອເຮັດໃຫ້ງານບຸນນະມັດສະການພຣະທາດຫຼວງວຽງຈັນປີນີ້. ມີບັນຍາກາດເບີກບານມ່ວນຊື່ນ ຮັກສາໄວ້ເອກະລັກວັດທະນະທຳ ງານບຸນປະເພນີອັນງາມຂອງຊາດ, ຮັບປະກັນໄດ້ຄວາມສະຫງົບ, ຄວາມເປັນລະບຽບຮຽບຮ້ອຍ ແລະ ຄວາມຈົບງາມ

ບ່ອນສະແດງໂຄສະນາ

ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

LEAVE A REPLY

Please enter your comment!
Please enter your name here