ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ທ້າຍອາທິດນີ້,  ໃຜທີ່ຍັງຊອກຫາກິດຈະກຳດີໆ ເພື່ອເປັນການພັກຜ່ອນໃນທ້າຍອາທິດ ບໍ່ທັນໄດ້. ມື້ນີ້ພວກເຮົາມາແນະນຳ ໃຫ້ລອງປ່ຽນບັນຍາກາດຈາກການອອກໄປເຮັດກິດຈະກຳຢູ່ນອກເມືອງ ຫຼື ການຫຼີ້ນໂທລະສັບ ນອນເບິ່ງໂທລະພາບ ມາເປັນການແຕ່ງອາຫານວ່າງ ຊຸມແຊວກັບໝູ່ເພື່ອນໄດ້ແບບງ່າຍໆ 

ອາຫານເຍື່ອງນີ້ແມ່ນອາຫານເພື່ອສຸຂະພາບ. ບໍ່ເພີ່ມລະດັບ cholesterol ໂດຍສ່ວນປະກອບຂອງຜັກ ແລະ ສະໝຸນໄພ ຕາມຫຼັງບ້ານ ໂດຍສະເພາະກໍ່ແມ່ນ ຫົວສີໄຄ, ຂ່າ ໝາກເຜັດ, ກະທຽມ, ໃບໝາກໝີ້ເຍົາເປັນຕົ້ນ.

 “ຫມ້ຽງຫົວສີໄຄ” ອາຫານວ່າງພື້ນເມືອງຂອງຊາວລາວ ເປັນທີ່ຮູ້ຈັກ ແລະ ໄດ້ຮັບຄວາມນິຍົມມານັບຕັ້ງແຕ່ປູ່ຍ່າຕາຍາຍ 

ບ່ອນສະແດງໂຄສະນາ

ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ສ່ວນປະສົມໝ້ຽງຫົວສີໄຄ

  • ຫົວສີໄຄຊອຍ 8-10 ຫົວ
  • ໝາກເຜັດ 2-3 (ຫຼື ໃສ່ຕາມຕ້ອງການ)
  • ກະທຽມ 2 ກີບ
  • ເກືອ ½ ບ່ວງຊາ

ວິທີປຸງແຕ່ງ

ໃສ່ຫົວສີໄຄ, ໝາກເຜັດ, ກະທຽມ ແລະ ເກືອ ລົງຄົກແລ້ວຕໍາໃຫ້ມຸ່ນຕັກໃສ່ຖ້ວຍ ສາມາດນຳໄປກິນກັບຜັກໄດ້ເລີຍ

ຜັກສຳລັບພັນໝ້ຽງ

  • ໃບໝາກໝີ້ເຍົາ
  • ຍອດມັນຕົ້ນ
  • ໃບອ່ອນໝາກຖົ່ວ
  • ໝາກກ້ວຍອ່ອນ (ຊອຍເປັນຕ່ອນນ້ອຍບາງໆ)
  • ໝາກນາວ (ລ້າງໃຫ້ສະອາດ ແລ້ວຊອຍເປັນຕ່ອນນ້ອຍບາງ)

ຄຳແນະນຳ:

  • ສາມາດໃຊ້ຜັກພັນໄດ້ຫຼາກຫຼາຍຊະນິດ ແລ້ວແຕ່ຄວາມມັກ ແລະ ຄວາມຕ້ອງການຂອງແຕ່ລະຄົນ
  • ສາມາດນຳຍອດມັນຕົ້ນໄປລວກກ່ອນໄດ້ ຖ້າຕ້ອງການ

LEAVE A REPLY

Please enter your comment!
Please enter your name here