ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ຕອນຄໍ່າວັນທີ 12 ຕຸລາ 2020 ທີ່ຜ່ານມາ, ສະມາຄົມຫັດຖະກຳລາວ ໄດ້ຈັດພິທີເປີດງານມະຫາກຳ ສີມືຫັດຖະກຳລາວ ຄັ້ງທີ 19 ຂຶ້ນຢ່າງເປັນທາງການ. ທີ່ ສູນການຄ້າໄອເຕັກ, ນະຄອນຫຼວງວຽງຈັນ ໂດຍການເຂົ້າຮ່ວມຂອງ ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ແຫ່ງ ສປປ ລາວ, ທ່ານ ນາງ ເຂັມມະນີ ພົນເສນາ ລັດຖະມົນຕີ ກະຊວງ ອຸດສະຫາກຳ ແລະ ການຄ້າ ຕະຫຼອດເຖິງການນຳພັກ-ລັດ ທຸກພາກສ່ວນ

ທ່ານ ນາງ ສຸວິຕາ ປະເສີດ ປະທານສະມາຄົມຫັດຖະກຳລາວ ໄດ້ກ່າວໃນພິທີວ່າ: ເພື່ອປະຕິບັດປະເພນີ ສືບທອດມູນມໍລະດົກທາງປັນຍາ ແລະ ສີໄມ້ລາຍມື ຊື່ງຮັບທອດມາຈາກປູ່ຍ່າຕາຍາຍ ດ້ວຍຮູບການຈັດງານບຸນປາງໃຫ່ຍນີ້ຂຶ້ນ ທັງເພື່ອເປັນການກະຕຸ້ນເສດຖະກິດ ລັດຖະບານໄດ້ມີໂຄງການ ລາວທ່ຽວລາວ ເຊິ່ງງານຂອງພວກເຮົາກໍ່ຫວັງວ່າ ຈະໄດ້ຕໍ່ຍອດເປັນ ລາວຊື້ສິນຄ້າລາວ-ລາວສົ່ງເສີມລາວ ຄິດວ່າຈະແມ່ນທາງອອກທີ່ດີທີ່ສຸດ

ງານຫັດຖະກຳລາວ ແມ່ນໄດ້ຈັດຂຶ້ນທຸກໆປີ ເພື່ອຈາລຶກເຖິງ ບຸນຄຸນປູ່ຍ່າຕາຍາຍ ເຊິ່ງ ໃນສະໄໝດຶກດຳບັນນັ້ນ ປູ່ຍ່າຕາຍາຍ ເພິ່ນໄດ້ສອນລູກຫຼານດ້ວຍຕົນເອງ ໂດຍມີກ້ອງຕະລ່າງ(ຊັ້ນລຸ່ມຂອງເຮືອນຮ້ານ) ເປັນຫ້ອງຮຽນ ເຊິ່ງຫຼັກສູດຂອງເພີ່ນແມ່ນພາສາມື ເອີ້ນວ່າ: ພາສາຫັດຖະກຳ ກ່າວໂດຍທ່ານ ນາງ ສຸວິຕາ

ບ່ອນສະແດງໂຄສະນາ

ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ກິດຈະກຳຫຼັກຂອງງານ ແມ່ນການວາງສະແດງ ແລະ ຂາຍຜະລິດຕະພັນຫັດຖະກຳຂອງຫົວໜ່ວຍການຜະລິດ ແລະ ຊຸມຊົນ

ບັນດາເຜົ່າ ຈາກທົ່ວປະເທດ, ຫຼາຍກວ່າ 200 ຫ້ອງວາງສະແດງ ເປັນຕົ້ນແມ່ນ: ເຄື່ອງຫັກຖະກຳຜ້າໄໝ,​ ຜ້າຝ້າຍພື້ນເມືອງ, ເຄື່ອງເງິນ, ເຄື່ອງທອງເຫຼືອງ, ເຄື່ອງປັ້ນດິນເຜົາ, ເຄື່ອງຈັກສານ ແລະ ອື່ນໆ

ນອກຈາກນີ້, ພາຍໃນງານຍັງມີການສາທິດ ການຜະລິດສິນຄ້າຫັດຖະກຳລາວ ແລະ ຝຶກອົບຮົມ, ການປະກວດຕົບແຕ່ງຮ້ານງາມ, ການປະກວດ ອອກແບບຜະລິດຕະພັນໃໝ່ ຕໍ່ຍອດຈາກປູ່ຍ່າຕາຍາຍ

ພິເສດສຸດ ໃນຕອນຄໍ່າຂອງວັນທີ 16 ຕຸລາ 2020 ຈະມີການເດີນແບບຈາກຄອບຄົວການນຳ ລະດົມທຶນເພື່ອຊ່ວຍເຫຼືອແມ່ຍິງ ແລະ ເດັກນ້ອຍຜູ້ທຸກຈົນ ທີ່ຢູ່ຫ່າງໄກສອກຫຼີ້ກ ອີກດ້ວຍ

ສຳລັບງານ ແມ່ນເລີ່ມວາງສະແດງສິນຄ້າມາຕັ້ງແຕ່ວັນທີ 10 ຕຸລາ 2020 ທີ່ຜ່ານມາ, ໂດຍຈະໄດ້ດຳເນີນງານເປັນເວລາ 9 ມື້ ຈົນຮອດ ວັນທີ 18 ຕຸລາ 2020 ນີ້

LEAVE A REPLY

Please enter your comment!
Please enter your name here