ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ຈາກກໍລະນີທີ່ມີວິດີໂອ ຊາຍຊາວຈີນ ແລະ ນັກຮຽນລາວ ທີ່ມີການແຊຣໃນສື່ສັງຄົມອອນລາຍເປັນຈຳນວນຫຼາຍ

ມາຮອດວັນທີ 11 ຕຸລາ 2020, ກົມຕຳຫຼວດສະກັດກັ້ນ ແລະ ຕ້ານການຄ້າມະນຸດ ໄດ້ອອກໜັງສືສະເໜີ ເຖິງກົມຕຳຫຼວກກວດຄົນເຂົ້າ-ອອກເມືອງ ເລື່ອງ ການຊ່ວຍສະກັດກັ້ນ ແລະ ຈັບຕົວບຸກຄົນ ທີ່ພົວພັນກັບການກະທຳອານາຈານເດັກ

ຕາມປະມວນກົດໝາຍອາຍາ ລົງວັນທີ 26 ມິຖຸນາ 2017   ໝວດທີ 5 ການກະທຳຜິດຕໍ່ກຳມະສິດ ມາດຕາທີ 250 ການທຳຊຳເລົາເດັກ ຄື

ບ່ອນສະແດງໂຄສະນາ

ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ບຸກຄົນໃດ ຫາກໄດ້ຮ່ວມເພດກັບເດັກຍິງ ຫຼື ເດັກຊາຍ ທີ່ມີອາຍຸ ຕໍ່າກວ່າ 18 ປີລົງມາ ຫາ 15 ປີ ດ້ວຍການຕົວະຍົວະ, ຫຼອກລວງ, ຊວນເຊື່ອ, ຊື້ຈ້າງ, ຈອບອອຍ ຫຼື ຮູບການອື່ນ ເພື່ອໃຫ້ເດັກສົມຍອມ ແລະ ປະຕິບັດຕາມ ຈະຖືກລົງໂທດຕັດອິດສະລະພາບ ແຕ່ 1 ປີ ຫາ 3 ປີ ແລະ ຈະຖືກປັບ ໃໝ ແຕ່ 3.000.000 ກີບ ຫາ 5.000.000 ກີບ.

ນອກຈາກນີ້, ຍັງໄດ້ລະບຸຕື່ມອີກວ່າ:  ບຸກຄົນໃດ ທີ່ໄດ້ສະເໜີ, ຮັບເອົາ, ຈັດຫາ ຫຼື ສະໜອງເດັກ ທີ່ມີອາຍຸ ຕໍ່າກວ່າສິບແປດປີລົງມາໃຫ້ ຂາຍປະເວນີ້ ຖືວ່າເປັນການກະທຳຜິດ ແລະ ຈະຖືກລົງໂທດ ຕາມທີ່ໄດ້ກໍານົດໄວ້ໃນມາດຕາ 254 ຄື: ມາດຕາ 254 ການຄ້າປະເວນີຂອງບຸກຄົນອື່ນບຸກຄົນໃດ ຫາກຫາລາຍໄດ້ ດ້ວຍການຄ້າປະເວນີຂອງບຸກຄົນອື່ນ ຈະໃນຮູບການໃດກໍຕາມ ຈະຖືກລົງໂທດຕັດອິດສະລະພາບ ແຕ່ ຫົກເດືອນ ຫາ ສາມປີ ແລະ ຈະຖືກປັບໃໝແຕ່ 10.000.000 ກີບ ຫາ20.000.000 ກີບ.

ໃນກໍລະນີທີ່ຜູ້ກະທຳຜິດ ຫາກໄດ້ຖືເອົາການຄ້າປະເວນີຂອງບຸກຄົນອື່ນເປັນອາຈິນ ຫຼື ບັງຄັບບຸກຄົນທີ່ຢູ່ໃນຄວາມຄຸ້ມຄອງດູແລຂອງຕົນ ໃຫ້ເປັນໂສເພນີ ຈະຖືກລົງໂທດຕັດອິດສະລະພາບ ແຕ່ ສາມປີ ຫາເຈັດປີ ແລະ ຈະຖືກປັບໃໝ ແຕ່ 20.000.000 ກີບ ຫາ 100.000.000 ກີບ,

ແລະ ໃນມາດຕາທີ 256 ການເຜີຍແຜ່ສິ່ງລາມົກເດັກ ຍັງໄດ້ລະບຸໄວ້ວ່າ: ບຸກຄົນໃດ ຫາກໄດ້ຜະລິດ ຈຳໜ່າຍ ເຜີຍແຜ່ ນຳເຂົ້າ ສົ່ງອອກ ສະແດງ ຫຼື ຂາຍໜັງສື, ຮູບ, ຟີມ, ວິດີໂອ, ວິຊີດີ, ດີວິດີ ແລະ ສິ່ງອື່ນ ທີ່ລາມົກກ່ຽວກັບເດັກ ຈະຖືກລົງໂທດຕັດອິດສະລະພາບ ແຕ່ 1 ປີ ຫາ 3 ປີ  ແລະ ຈະຖືກປັບ ໃໝ ແຕ່ 3 ລ້ານກີບ ຫາ 15 ລ້ານກີບ

LEAVE A REPLY

Please enter your comment!
Please enter your name here