ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ສືບເນື່ອງຈາກມີຝົນຕົກ ໃນຫຼາຍເມືອງທາງພາກໃຕ້ ຕັ້ງແຕ່ຕອນເຊົ້າຂອງວັນທີ 8 ຕຸລາ 2020 ທີ່ຜ່ານມານີ້ ຈົນມາຮອດຕອນເຊົ້າຂອງມື້ນີ້ ເຮັດໃຫ້ເກີດນໍ້າຖ້ວມໃນຫຼາຍເຂດ ຢູ່ເມືອງວິລະບູລີ ເມືອງເຊໂປນ ຕະຫຼອດເຖິງຊາຍແດນລາວ-ຫວຽດນາມ

ຕອນເຊົ້າວັນທີ 9 ຕຸລາ 2020 ເຟສບຸກ Thongsouk Phimmavongsa ໄດ້ລາຍງານສະພາບນໍ້າຖ້ວມ ທີ່ແຂວງສະຫວັນນະເຂດ ໂດຍໄດ້ລະບຸວ່າ: ເສັ້ນທາງເລກທີ 9 ບ້ານ ເມືອງຈັນ ລະຫວ່າງທາງຈາກເຊໂປນ ຫາ ຊາຍແດນ ແມ່ນນໍ້າໄດ້ຖ້ວມທາງເປັນທີ່ຮຽບຮ້ອຍ

ໃນເບື້ອງຕົ້ນ, ທີມງານກູ້ໄພ ສະຫວັນນະເຂດ ແມ່ນໄດ້ລະດົມກຳລັງເຂົ້າຊ່ວຍເຫຼືອ ພ້ອມທັງມອບເຄື່ອງບັນເທົາທຸກໃຫ້ປະຊາຊົນຈໍານວນໜື່ງແລ້ວ

ບ່ອນສະແດງໂຄສະນາ

ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ເນື່ອງຈາກຝົນຍັງຕົກຢ່າງຕໍ່ເນື່ອງ ເຮັດໃຫ້ນ້ໍາຢູ່ຕາມຫ້ວຍ ແລະ ບັນດາແມ່ນນ້ໍາຕ່າງໆເຊັ່ນ: ຫ້ວຍຄຽງ, ຫ້ວຍແຍງ ແລະ ແມ່ນ້ໍາເຊກອກ ແລະ ແມ່ນ້ໍາອື່ນໆ ໄດ້ຍິ່ງຂຶ້ນ ແລະ ໄຫຼຖ້ວມ ທາງຫຼາຍຈຸດ, ໄຮ່ນາ ແລະ ບາງບ້ານ ຕາມເສັ້ນທາງ 28 A ຢູ່ ເມືອງວິລະບູລີ ແລະ ເສັ້ນທາງຫຼວງແຫ່ງຊາດເລກ 9 ຢູ່ເມືອງ ເຊໂປນ ແຂວງສະຫວັນນະເຂດ. ສຳລັບປະລິມານນໍ້າໃນແມ່ນໍ້າເຊບັງຫຽງ ວັດແທກໃນຕອນເຊົ້າຂອງມື້ນີ້ ແມ່ນຢູ່ທີ່ 12,50 ແມັດ ເຊິ່ງໃກ້ຈະຮອດເຂດອັນຕະລາຍຄື 13 ແມັດ ແລ້ວ

ກ່ອນຫນ້ານີ້ ກົມອຸຕຸນິຍົມ ແລະ ອຸທົກກະສາດໄດ້ແຈ້ງເຕືອນ ປະຊາຊົນເຂດພາກໃຕ້ ແລະ ພາກກາງໃຫ້ລະວັງລົມພັດແຮງ

ທີ່ຈະເຮັດໃຫ້ມີນ້ໍາຖ້ວມ ແລະ ນໍ້າຖ້ວມອັ່ງ ໃນໄລຍະວັນທີ 9 – 11 ຕຸລາ 2020 ນີ້ຍ້ອນວ່າຍ່ອມຄວາມກົດດັນອາກາດຕໍ່າ ຈະກໍ່ຕົວຢູ່ເຂດທະເລຈີນໃຕ້ຕອນກາງ ແລະ ຈະເພີ່ມກໍາລັງ ແຮງຂຶ້ນຕາມລໍາດັບທີ່ມີຄວາມເປັນໄປໄດ້ທີ່ຈະກາຍເປັນພະຍຸ 1 ຫມນເຂດຮ້ອນມາປົກຄຸມເຂດພາກໃຕ້ ແລະ ພາກກາງ.

LEAVE A REPLY

Please enter your comment!
Please enter your name here