ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດໂຄວິດ-19 ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ໄດ້ອອກຄຳແນະນຳ ເລກທີ 351/ຖວທ ລົງວັນທີ 7 ຕຸລາ 2020

ກ່ຽວກັບການຕິດຕາມກວດກາຮ້ານບັນເທີງ, ຄາຣາໂອເກະ ແລະ ການອະນຸມັດຈັດງານບຸນປະເພນີ, ງານດອງ ແລະ ການທ່ອງທ່ຽວເປັນກຸ່ມ ເພື່ອເປັນການປ້ອງກັນ, ຄວບຄຸມ ແລະ ສະກັດກັ້ນການແຜ່ລະບາດຂອງພະຍາດໂຄວິດ-19 ຢູ່ ສປປ ລາວ ໃຫ້ພະແນກ ຖວທ ນະຄອນຫລວງ, ແຂວງ, ຫ້ອງການ ຖວທ ເມືອງ ແລະ ພາກສ່ວນກ່ຽວຂ້ອງ ທົ່ວປະເທດ ຊາບວ່າ:

ໃຫ້ພະແນກ ຖວທ ນະຄອນຫລວງ, ແຂວງ, ຫ້ອງການ ຖວທ ເມືອງ ເປັນເຈົ້າການປະສານສົມ ທົບກັບກຳລັງປ້ອງກັນຄວາມສະຫງົບ ແລະ ຄະນະສະເພາະກິດນະຄອນຫລວງ, ແຂວງ, ເມືອງ ຕິດຕາມກວດກາຮ້ານບັນເທີງ, ຄາຣາໂອເກະ ໃຫ້ສືບຕໍ່ປິດ, ກໍລະນີກວດພົບຜູ້ລະເມີດ ໃຫ້ປະຕິບັດວິໄນຕາມລະ ບຽບການ; ການຈັດງານບຸນປະເພນີ ແລະ ເທສະການຕ່າງໆ ໃຫ້ປະຕິບັດຕາມມາດຕະການປ້ອງກັນການ ຕິດເຊື້ອ ແລະ ການແຜ່ເຊື້ອໃນຊຸມຊົນ ທີ່ຄະນະສະເພາະກິດວາງອອກຢ່າງຖືກຕ້ອງ ແລະ ເຂັ້ມງວດ ເປັນຕົ້ນ ປະຕິບັດຫລັກການສຸຂະອະນາໄມ, ແທກອຸນຫະພູມ, ໃສ່ຜ້າອັດປາກ-ດັງ, ໃສ່ເຈວລ້າງມື ແລະ ຫລີກລ້ຽງຄວາມແອອັດ

ບ່ອນສະແດງໂຄສະນາ

ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ການຈັດງານດອງ ໃຫ້ຖືເອົາການສູ່ຂວັນຕາມປະເພນີ ແລະ ຈົດທະບຽນສົມລົດເປັນຫລັກ, ສະເພາະງານລ້ຽງໃຫ້ຈັດແບບກະທັດຮັດ, ປະຢັດ ແລະ ໃຫ້ປະຕິບັດຕາມມາດຕະການປ້ອງກັນການຕິດເຊື້ອ ແລະ ແຜ່ເຊື້ອໃນຊຸມຊົນ ທີ່ຄະນະສະເພາະກິດວາງອອກຢ່າງຖືກຕ້ອງ ແລະ ເຂັ້ມງວດ ເປັນຕົ້ນ ປະຕິບັດຫລັກການສຸຂານາໄມ, ແທກອຸນຫະພູມ, ໃສ່ຜ້າອັດປາກ-ດັງ, ໃສ່ເຈວລ້າງມື ແລະ ຫລີກລ້ຽງຄວາມແອອັດ. ສ່ວນການທ່ອງທ່ຽວເປັນກຸ່ມ ສຳລັບນັກທ່ອງທ່ຽວທີ່ມາຈາກ ປະເທດທີ່ບໍ່ມີການລະບາດຂອງພະຍາດໂຄວິດ-19 ໃນຊຸມຊົນໃຫ້ປະຕິບັດຄື: ສະມາຄົມທ່ອງທ່ຽວ, ບໍລິສັດທ່ອງທ່ຽວເປັນຜູ້ຂົນຂວາຍ, ເຕົ້າໂຮມນັກທ່ອງທ່ຽວ ແລະ ດຳເນີນຕາມຂັ້ນຕອນການຂໍອະນຸຍາດ ຈາກຄະນະສະເພາະກິດເພື່ອປ້ອງ, ຄວບຄຸມ ແລະ ແກ້ໄຂການລະບາດຂອງພະຍາດໂຄວິດ-19 ແລະ ໃຫ້ພາກສ່ວນກ່ຽວຂ້ອງ ຜັນຂະຫຍາຍ ແລະ ຈັດຕັ້ງປະຕິບັດຕາມຄຳແນະນະສະບັບນີ້ ຢ່າງເຂັ້ມງວດ

LEAVE A REPLY

Please enter your comment!
Please enter your name here