ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ມະຫາກຳສີມືຫັດຖະກຳລາວ ປີນີ້, ມາພາຍໃຕ້ຄຳຂວັນ “ຕາມຮອຍປູ່ຍ່າຕາຍາຍ” ເຊີນຊ່ວນຜູ້ເຂົ້າຮ່ວມງານ ນຸ່ງຊຸດຊົນເຜົ່າ, ຊຸດລາວບູຮານ ຫຼື ຊຸດຜ້າໄໝ ຜ້າຝ້າຍລາວ ເພື່ອເປັນການຮ່ວມອະນຸລັກ ແລະ ສົ່ງເສີມວັດທະນະທຳລາວ

ກິດຈະກຳຫຼັກພາຍໃນງານປະກອບມີ ການວາງສະແດງ ແລະ ຂາຍຜະລິດຕະພັນຫັດຖະກຳ ຂອງຫົວໜ່ວຍການຜະລິດ ແລະ ຊຸມຊົນບັນດາເຜົ່າ ທີ່ມາຈາກທົ່ວປະເທດ, ໂດຍມີຫ້ອງວາງສະແດງຫຼາຍກວ່າ 200 ຫ້ອງ.

ງານວາງສະແດງຄັ້ງນີ້, ເປັນການເປີດໂອກາດໃຫ້ຊາວຊ່າງຫັດຖະກຳ ໄດ້ນຳສະເໜີຜະລິດຕະພັນໃໝ່, ຜະລິດຕະພັນວັດທະນະທຳ ແລະ ຜະລິດຕະພັນເອກະລັກຊົນເຜົ່າ ສູ່ຜູ້ຊົມໃຊ້ໂດຍກົງ ເພື່ອພັດທະນາຫັດຖະກຳລາວ ໃຫ້ເຂັ້ມແຂງ ແລະ ຍືນຍົງ,

ບ່ອນສະແດງໂຄສະນາ

ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ແລະ ປີນີ້, ຄະນະຈັດງານຈະມຸ່ງເນັ້ນ ການແບ່ງປັນຄວາມຮູ້, ແນວທາງ ແລະ ແນວຄວາມຄິດ ໃນແບບ “ວິຖີໃໝ່ຂອງຫັດຖະກຳລາວ”. ໂດຍຈະມີການເສວະນາ ຫົວຂໍ້ທີ່ສຳຄັນຫຼາຍຫົວຂໍ້ ຄື: ການນຸ່ງຖືແບບລາວ, ການສ້າງຄວາມຍືນຍົງ ໃຫ້ແກ່ຊາວຊ່າງຫັດຖະກຳ, ການປົກປ້ອງການອອກແບບລາຍດັ້ງເດີມ ຈາກການລະເມີດລິຂະສິດ ຂອງ ຊົນເຜົ່າໂອມາ ແລະ ອື່ນໆ

ກິດຈະກຳທີ່ສຳຄັນອີກສ່ວນໜຶ່ງ ເພື່ອພັດທະນາສີໄມ້ລາຍມີຂອງຊາວຊ່າງຫັດຖະກຳ ແມ່ນການປະກວດ ຜະລິດຕະພັນດີເດັ່ນຂອງຫົວໜ່ວຍຜູ້ຜະລິດ ແລະ ໃນປີນີ້ ທາງສະມາຄົມໄດ້ເປີດກວ້າງໃຫ້ນັກຮຽນ ນັກສຶກສາ ສາມາດເຂົ້າຮ່ວມການແຂ່ງຂັນ ໂດຍການນຳສະເໜີແນວຄວາມຄິດ ທີ່ເປັນການອອກແບບ ຜະລິດຕະພັນ ນີ້ກໍ່ເພື່ອເປົ້າໝາຍໃນການຜະລິດຫັດຖະກຳແບບສ້າງມູນຄ່າເພີ່ມ. ການແຂ່ງຂັນຈັດຮ້ານງາມ ກໍ່ແມ່ນກິດຈະກຳການສົ່ງເສີມການຂາຍອີກແບບໜຶ່ງ ທີ່ທາງຄະນະຈັດງານໄດ້ພະຍາຍາມຍົກທັກສະ ຜູ້ປະກອບການ ຈາກລະດັບທ້ອງຖິ່ນສູ່ສາກົນ.

ສຳລັບສະຖານທີ່ຈັດງານ ແມ່ນຈະໄດ້ຈັດຂື້ນໃນລະຫວ່າງວັນທີ 10-18 ຕຸລາ 2020 ທີ່ ສູນການຄ້າລາວ-ໄອເຕັກ ນະຄອນຫຼວງວຽງຈັນ

LEAVE A REPLY

Please enter your comment!
Please enter your name here