ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ບຸນ​ອອກ​ພັນ​ສາ​ປະ​ວໍ­ລະ­ນາ ຖື​ເປັນ​ງານ​ບຸນ​ສຳ­ຄັນ​ທາງ​ພະ​ພຸດ​ທະ​ສາ­ສະ­ໜາ ເວົ້າ​ລວມ ເວົ້າ​ສະ­ເພາະ ງານ​ບຸນ​ສຳ­ຄັນ​ຂອງ​ປວງ​ຊົນ​ລາວ​ທັງ​ຊາດ ນອກຈາກ​ນັ້ນ, ບຸນ​ອອກ​ພັນ​ສາ​ປະ​ວໍ­ລະ­ນາ ຍັງ​ກາຍ­ເປັນ​ວັດ­ທະ­ນະ­ທຳ​ອັນ​ຊົງ​ຄຸນ­ຄ່າ​ທີ່​ຖືກ​ສົ່ງ­ຕໍ່​ຈາກ​ບັນ­ພະ­ບຸ­ລຸດ ນັບ​ແຕ່​ສະ­ໄໝ​ເຈົ້າ­ຟ້າ​ງຸ່ມ ທີ່​ເປັນ​ຜູ້­ນຳ​ເອົາ​ພຸດ​ທະ​ສາ­ສະ­ໜາ​ມາ​ໃຫ້​ປວງ​ຊົນ​ລາວ​ໄດ້​ຮຽນ​ຮູ້ ແລະ ປະ­ຕິ­ບັດ​ກັນ​ມາ ເຊິ່ງ​ໃນ​ແຕ່​ລະ​ປີ​ໄດ້​ມີ​ຫຼາຍ​ກິດຈະ­ກຳ​ປິ່ນ​ອ້ອມ ເປັນ­ຕົ້ນ ປະ­ເພ­ນີ​ໄຕ້​ໂຄມ­ໄຟ ແລະ ໄຫຼ­ເຮືອ­ໄຟ (ເຮືອ​ໄຟ​ບົກ ແລະ ເຮືອ​ໄຟ​ນ້ຳ) ທີ່​ໄດ້​ປະ­ຕິ­ບັດ​ກັນ​ມາ

ສະເພາະ ວັດອົງຕື້ ມະຫາວິຫານ ກໍ່​ໄດ້ມີການ​ຈັດ​ກິດ­ຈະ­ກຳ​ດັ່ງ­ກ່າວ​ຂຶ້ນ​ໃນ​ທຸກ​ປີ ແຕ່ເນື່ອງຈາກວ່າປີນີ້ ມີການແຜ່ລະບາດຂອງພະຍາດໂຄວິດ-19 ໃນຫຼາຍໆປະເທດ ແລະ ເຖິງວ່າ ສປປ ລາວ ເຮົາຈະບໍ່ມີການລະບາດຮອບໃໝ່ແລ້ວກໍ່ຕາມ ເພື່ອບໍ່ເປັນການປະໝາດ ວັດອົງຕື້ ຈື່ງໄດ້ຕັດຫຼາຍໆກິດຈະກຳອອກ

ພຣະມະຫາສິງຫາ ໄຂ່ອຳພອນ ຄະນະຮັບຜິດຊອບຝ່າຍການຕ່າງປະເທດ ທັງເປັນຕົວແທນຈາກວັດອົງຕື້ ມະຫາວິຫານ ໄດ້ສຳພາດໃນວັນທີ 24 ກັນຍາ 2020 ນີ້ວ່າ: ໃນອີກບໍ່ດົນນີ້ ເຮົາກໍ່ຈະມີການຈັດງານ ບຸນສຳຄັນທາງພຣະພຸດທະສາສະໜາ ຄືງານ “ມະຫາປະວໍລະນາ ພາສຸກໃຈ” ເຊິ່ງຄະນະສົງວັດອົງຕື້ ໄດ້ຈັດງານນີ້ເປັນປີທີ 4 ແລ້ວ. ໃນມື້ງານບຸນນັ້ນ ກໍ່ຈະໄດ້ມີການໄຫວ້ພຣະ, ຮັບສິນ, ຟັງທັມມະເທດສະໜາ, ວຽນທຽນ ແລະ ຈຸດສຳຄັນແມ່ນການໄຕ້ໂຄມໄຟ ເຊິ່ງປີນີ້ແມ່ນໄດ້ກະກຽມໄວ້ທັງໝົດ 1000 ດວງ.

ບ່ອນສະແດງໂຄສະນາ

ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ພຣະມະຫາສິງຫາ ຍັງໄດ້ກ່າວຕື່ມອີກວ່າ: ໃນ 3 ປີທີ່ຜ່ານມາ, ທາງວັດອົງຕື້ ໄດ້ຈັດງານບຸນອອກພັນສາ ນອກຈາກຈະມີການໄຕ້ໂຄມໄຟແລ້ວ ຍັງມີການຈັດການສະແດງວັດທະນາທຳຂອງຊົນເຜົ່າ, ການຟ້ອນ, ງານວາງສະແດງຮູບພາບວັດລາວ ແລະ ການນຸ່ງຊຸດລາວເຜົ່າຕ່າງໆ ແຕ່ເນື່ອງຈາກວ່າປີນີ້ ມີການລະບາດຂອງພະຍາດໂຄວິດ-19 ທາງວັດຈື່ງໄດ້ມີການງົດການສະແດງສິນລະປະ-ວັດທະນາທຳ, ການແຕ່ງຊຸດຊົນເຜົ່າອອກໄປກ່ອນ

ສຳລັບພິທີການໄຕ້ໂຄມໄຟ ແມ່ນຈະໄດ້ຈັດຂື້ນໃນວັນທີ 2 ຕຸລາ 2020 ກົງກັບວັນສຸກ ຂື້ນ 15 ຄໍ່າ ເດືອນ 11 ປີຊວດ ແລະ ໃນຕອນເຊົ້າຂອງວັນທີ 3 ກັນຍາ 2020 ກໍ່ຈະໄດ້ມີພິທີໃສ່ບາດຍາດນໍ້າ ຕາມປະເພນີລາວເຮົາ

LEAVE A REPLY

Please enter your comment!
Please enter your name here