ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ກະຊວງສາທາລະນະສຸກລາຍງານ ມີຜູ້ເສຍຊີວິດຈາກພະຍາດໄຂ້ຍຸງລາຍເພີ່ມ 1 ກໍລະນີ ຂະນະທີ່ຕົວເລກສະສົມທະລຸ 6,531 ເສຍຊີວິດສະສົມ 12 ກໍລະນີ  

ກະຊວງສາທາລະນະສຸກ ໄດ້ລາຍງານກ່ຽວກັບພະຍາດໄຂ້ຍຸງລາຍໃນວັນທີ 21 ກັນຍາ 2020 ທີ່ຜ່ານມາໃຫ້ຮູ້ວ່າ: ມີຜູ້ເສຍຊີວິດຈາກພະຍາດໄຂ້ຍຸງລາຍ ເພີ່ມ 1 ກໍລະນີ ຜູ້ກ່ຽວແມ່ນປະຊາຊົນ ບ້ານ ຍໍ້, ເມືອງບຸນເໜືອ ແຂວງ ຜົ້ງສາລີ,​ ເພດຊາຍ ອາຍຸ 40 ປີ ໂດຍເລີ່ມມີອາການຕັ້ງແຕ່ ວັນທີ 4 ສິງຫາ 2020 ໄຂ້, ເຈັບຫົວ, ປວດຕາມຕົນໂຕ, ມີຈຸດຈ້ຳເລືອດ, ປີ່ນປົວຢູ່ໂຮງໝໍແຂວງ ອຸດົມໄຊ ໃນວັນທີ 6 ກັນຍາ 2020 ແລະ ໄດ້ເກັບຕົວຢ່າງເຊຣອມໃນວັນດຽວກັນ ຜົນກວດພົບເຊື້ອໄຂ້ຍຸງລາຍ ທ່ານໝໍແນະນຳໃຫ້ນອນຕິດຕາມຢູ່ໂຮງໝໍ ແຕ່ຄົນເຈັບບໍ່ນອນ, ມາຮອດວັນທີ 8 ກັນຍາ 2020 ຄົນເຈັບມາປີ່ນປົວຢູ່ໂຮງໝໍແຂວງອຸດົມໄຊ, ຍ້ອນອາການບໍ່ດີຂື້ນ, ຄົນເຈັບມີອາການເລືອດດັງອອກ, ເຈັບທ້ອງ, ຮາກອອກເລືອດ, ຊອກ ແລະ ເສຍຊີວິດໃນວັນທີ 9 ກັນຍາ 2020. 

ເລີ່ມແຕ່ວັນທີ 28 ທັນວາ 2019-21 ກັນຍາ 2020 ມີຜູ້ຕິດເຊື້ອສະສົມທັງໝົດ 6,531 ກໍລະນີ ແລະ ເສຍຊີວິດແລ້ວທັງໝົດ 12 ກໍລະນີ ໃນນີ້ ແຂວງທີ່ພົບຜູ້ຕິດເຊື້ອສະສົມຫຼາຍທີ່ສຸດຍັງແມ່ນນະຄອນຫຼວງວຽງຈັນ,​ ບໍລິຄໍາໄຊ ແລະ ບໍ່ແກ້ວ

ບ່ອນສະແດງໂຄສະນາ

ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

LEAVE A REPLY

Please enter your comment!
Please enter your name here