ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ເຂົ້າເໝົ້າ ແມ່ນໜຶ່ງໃນບັນດາອາຫານຫວານຂອງຄົນລາວເຮົາ ໂດຍສະເພາະແມ່ນຊາວໄຮ່ຊາວນາ. ເຊິ່ງຊາວນາ ຈະຮູ້ຈັກວິທີການເຮັດເຂົ້າເໝົ້າມາແຕ່ບູຮານ ໂດຍການນຳໃຊ້ເມັດເຂົ້າໜຽວ ຫຼື ເຂົ້າຈ້າວ ທີ່ອ່ອນພໍເປັນນໍ້ານົມ ເປັນສີຂຽວອ່ອນໆ ນຳມາ ຂົ້ວ ແລະ ຕໍາ ກໍ່ສາມາດກິນໄດ້ເລີຍ ຫຼື ຈະນໍາໄປແປຮູບເຮັດເປັນຂະໜົມຫວານແບບອື່ນໆກໍ່ໄດ້  

ມື້ນີ້ ອິນໄຊລາວ ຈະພາທຸກຄົນມາເຮັດ ເຂົ້າເໝົ້າໝາກພ້າວອ່ອນ ເຊິ່ງຖືວ່າເປັນອາຫານວ່າງຂອງຄົນລາວ ມາແຕ່ສະໄໝບູຮານ ທີ່ນັບມື້ນັບຫາກິນຍາກ

ສ່ວນປະກອບ ແລະ ວິທີປຸງແຕ່ງ

ບ່ອນສະແດງໂຄສະນາ

ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ສ່ວນປະກອບ

  1. ເຂົ້າເໝົ້າ 300 ກຣາມ
  2. ນໍ້າຕານ 150 ກຣາມ
  3. ໝາກພ້າວອ່ອນ ທີ່ຂູດແລ້ວ
  4. ນໍ້າຕົ້ມສຸກ 2 ບ່ວງ (ທີ່ລະລາຍເກືອ)
  5. ເກືອ 1 ບ່ວງກາເຟ


ວິທີປຸງແຕ່ງເຂົ້າເໝົ້າ

  1. ນໍາເອົາເຂົ້າເໝົ້າມາພົ່ມນໍ້າພໍປະມານ ແລ້ວຄົນໃຫ້ເຂົ້າກັນດີ ຈົນຮູ້ສຶກວ່າເຂົ້າເໝົ້າມີຄວາມຊຸ່ມ ແລະ ນຸ່ມ.
  2. ເມື່ອເຂົ້າເໝົ້າມີລັກສະນະອ່ອນນຸ່ມ, ໃຫ້ນໍາເອົາໝາກພ້າວ ແລະ ເກືອ(ເລັກໜ້ອຍ) ຄົນໃຫ້ເຂົ້າກັນ ກໍ່ຖືວ່າສໍາເລັດແລ້ວ

ນອກຈາກນີ້ແລ້ວ, ປັດຈຸບັນ ຍັງມີການນິຍົມເອົາເຂົ້າເໝົ້າໄປແປຮູບເຮັດເປັນຂະໜົມປະເພດອື່ນໆຕາມແຕ່ລະທ້ອງຖິ່ນອີກດ້ວຍ ເຊິ່ງແອັດມິນຈະນຳເອົາວິທີການແປຮູບມາໃຫ້ທຸກຄົນໄດ້ຮູ້ຈັກຕື່ມພາຍຫຼັງ

LEAVE A REPLY

Please enter your comment!
Please enter your name here