ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ສູນເລືອດແຫ່ງຊາດ ອົງການການແດງລາວ ຮ່ວມກັບ ບໍລິສັດເບຍລາວ ຈຳກັດ ໄດ້ຈັດກິດຈະກຳບໍລິຈາກເລືອດ ພາຍໃຕ້ໂຄງການ “ໃຫ້ເລືອດໃຫ້ຊີວິດ” ເພື່ອແກ້ໄຂການຂາດແຄນເລືອດໃນປັດຈຸບັນ ຂຶ້ນແຕ່ເວລາ 8:30-15:30 ໂມງ ຂອງວັນທີ 18 ກັນຍາ 2020 ທີ່ ສູນການຄ້າລາວ-ໄອເຕັກ ຫຼັງໃໝ່ (ຊັ້ນ 4)

ທ່ານ ຄຳຮຸ່ງ ເຮືອງວົງສີ ປະທານອົງການກາແດງລາວ ໄດ້ເປີດເຜີຍວ່າ: ເພື່ອສືບຕໍ່ໃຫ້ການຊ່ວຍເຫຼືອ ບັນເທົາທຸກ ແກ່ປະຊາຊົນລາວບັນດາເຜົ່າ ຜູ້ທີ່ຖືກເຈັບເປັນ ຈາກສະພາບທົ່ວໄປຄວາມຕ້ອງການເລືອດຢູ່ໃນຂອບເຂດທົ່ວປະເທດທີ່ມີຢູ່ໃນປັດຈຸບັນ ທີ່ຜ່ານມາບັນດາສູນເລືອດໃນທົ່ວປະເທດ ກໍ່ໄດ້ສຸມໃສ່ຈັດຕັ້ງປຸກລະດົມ ເຊີນຊວນທຸກຊັ້ນຄົນຕ່າງໆເຂົ້າຮ່ວມບໍລິຈາກເລືອດຢ່າງເປັນຂະບວນການຟົດຟື້ນ ແລະ ໄດ້ຮັບຜົນດີພໍສົມຄວນ. ແນວໃດກໍ່ຕາມເມື່ອອີງໃສ່ຄວາມຕ້ອງການແລ້ວ ຍັງເຫັນວ່າມີຄວາມຈຳເປັນຕ້ອງໄດ້ເພີ່ມທະວີການເອົາໃຈໃສ່ ໃນການປຸກລະດົມເຊີນຊວນການບໍລິຈາກເລືອດໃຫ້ຫຼາຍຂຶ້ນ ເນື່ອງຈາກວ່າປັດຈຸບັນຢູ່ຫຼາຍແຂວງ ບໍ່ສາມາດອອກເຄື່ອນໄຫວຮັບບໍລິຈາກເລືອດໄດ້ຕາມເປົ້າໝາຍທີ່ວາງໄວ້ຮ່ວມກັນ ຍ້ອນການລະບາດຂອງພະຍາດໂຄວິດ-19 ແລະ ການລະບາດຂອງພະຍາດໄຂ້ຍຸງລາຍຢູ່ແຂວງຕ່າງໆ.

ທ່ານຍັງເປີດເຜີຍອີກວ່າ: ໃນ 8 ເດືອນຂອງປີ 2020 ຜ່ານມາ ທົ່ວປະເທດເຈາະເກັບເລືອດໄດ້ພຽງ 37.178 ຖົງ ຖ້າທຽບໃສ່ແຜນການປີປະຕິບັດໄດ້ພຽງແຕ່ 61,24% ຂອງແຜນການປີເທົ່ານັ້ນ.

ບ່ອນສະແດງໂຄສະນາ

ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

LEAVE A REPLY

Please enter your comment!
Please enter your name here