ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ເພື່ອເປັນການປົກປັກຮັກສາ, ເສີມຂະຫຍາຍມູນເຊື້ອວັດທະນະທຳ-ຮີດຄອງປະເພນີອັນດີງາມທີ່ເປັນເອກະລັກສະ ເພາະຂອງຊາວຫຼວງພະບາງ ໃນການນ້ອມລະນຶກເຖິງຄຸນຂອງພະພຸດ, ພະທຳ ແລະ ພະສົງ ໃຫ້ມີຄວາມຈະເລີນຮຸ່ງເຮືອງ ເໝືອນດັ່ງແສງທຽນແສງໄຟທີ່ໄຕ້ບູຊາເຊິ່ງໄດ້ກາຍເປັນວັດທະນະທຳທີ່ໄດ້ສືບທອດ ແລະ ຄົງຄຸນຄ່າຕະຫຼອດມາ. 

ນະຄອນຫຼວງພະບາງ ໄດ້ກຳນົດໃນການຈັດງານບຸນອອກພັນສາປະວໍລະນາ ແລະ ບຸນບຸນໄຫຼເຮືອໄຟ ໃລະຫວ່າງ ວັນທີ 1- 3 ຕຸລາ2020ເຊິ່ງມີລາຍລະອຽດດັ່ງນີ້:

1. ແຕ່ລະວັດ ທີ່ຢູ່ພາຍໃນເທດສະບານນະຄອນ ຫຼວງພະບາງ ເລີ້ມໄຕ້ໂຄມໄຟ (ໂຄມດາວ, ໂຄມບັ້ງ ແລະ ອື່ນໆ ທີ່ໄດ້ດ້ວຍທຽນໄຂ) ໃຫ້ມີຄວາມເປັນສິຣິມຸງຄຸນ, ຮຸ່ງເຮືອງເຫຼືອງເຫຼື້ອມ, ສະຫວ່າງສະໄຫວ ໃນລະຫວ່າງວັນທີ 1–4 ຕຸລາ 2020.

ບ່ອນສະແດງໂຄສະນາ

ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

2. ມື້ອອກໃໝ່ 14-15 ຄໍ່າ ເດືອນ 11 ພສ 2563 ກົງກັບ ວັນທີ 1-2 ຕຸລາ(10) 2020. ມື້ບຸນນະມັດສະການພະທາດຈອມສີ.

  • ປະຊາຊົນຊາວພຸດທະສາສະນິກະຊົນສາມາດໄປຮ່ວມສິນກິນທານໄດ້ທີ່ພະທາດຈອມສີ ພະທາດສັກສິດ ມິ່ງບ້ານມິ່ງເມືອງ ຂອງຊາວຫຼວງພະບາງ
  • ຕອນຄ່ຳເລີ້ມແຕ່ເວລາ 18:30 ເປັນຕົ້ນໄປ ເຊີນທ່ຽວຊົມຄວາມສວຍງາມແສງ, ສິຂອງການໄຕ້ປະທີບ(ໂຄມໄຟ)
  • ມື້ ແຮມ 1 ຄ່ຳ ເດືອນ 11 ພສ 2563 ກົງກັບວັນເສົາ ວັນທີ 3 ຕຸລາ 2020

ມື້ບຸນໄຫຼເຮືອໄຟ

  • ເວລາ 18:00 ເຕົ້າໂຮມເຮືອໄຟຂອງແຕ່ລະພາກສ່ວນທີ່ເຂົ້າຮ່ວມປະກວດ ຢູ່ໜ້າຫໍພິພິດທະພັນ(ຕິນພູສີ). ເວລາ 18:30 ການນໍາຂັ້ນແຂວງ, ນະຄອນ ແລະ ແຂກຖືກເຊີນ ມາເຖິງສະຖານທີ່ເປີດງານ.
  • ເວລາ 18:30 >ເລີ້ມພິທີທາງສາສະໜາ ເທດສະຫຼອງເຮືອໄຟຢູ່ “ວັດປ່າຮວກ” ຈຳນວນ 1 ກັນ.
  • ເວລາ 19:00 >ເປີດພິທິບຸນໄຫຼເຮືອໄຟຢ່າງເປັນທາງການ ຕາມຮີດຄອງປະເພນີ, ຫຼັງຈາກນັ້ນຊົມຄວາມສວຍງາມຂອງຂະບວນເຮືອໄຟແຕ່ລະພາກສ່ວນ ແຫ່ໄປຕາມເສັ້ນທາງສີສະຫວ່າງວົງ ຈົນເຖິງທ່ານ້ຳຂອງວັດຊຽງທອງ ແລະ ເຄື່ອນເຮືອໄຟລົງນ້ຳຕາມລໍາດັບ

LEAVE A REPLY

Please enter your comment!
Please enter your name here