ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ຫຼັງຈາກທີ່ມີການບວງສວງຮູບປັ້ນພະຍານາກ ທີ່ ວັດທົ່ງທາດ ພັດທະນາຮາມ ບ້ານຫ້ອມໃຕ້ ເມືອງຫາດຊາຍຟອງ ນະຄອນຫຼວງວຽງຈັນ ກໍ່ໄດ້ມີມວນຊົນຈໍານວນຫຼາຍຕ່າງພາກັນມາກາບໄຫວ້ ປູ່ພຣະຍານາກ ເຊິ່ງໄດ້ສົ່ງຜົນດີຕໍ່ກັບເສດຖະກິດໃນຂອບເຂດບໍລິເວນວັດ ໂດຍສະເພາະກໍແມ່ນປະຊາຊົນບ້ານຫ້ອມໃຕ້ ທີ່ມີລາຍຮັບເພີ່ມຂື້ນຈາກການຮັບນັກທ່ອງທ່ຽວຈາກທົ່ວທຸກທິດ

ແມ່ໄຊ ແມ່ຄ້າຂາຍກະທົງຮູບຊົງພະຍານາກ ໄດ້ບອກກັບອິນໄຊລາວວ່າ: ຫຼັງຈາກຮູບປັ້ນອົງປູ່ພະຍານາກທັງ 2 ອົງສ້າງສຳເລັດ, ຕົນເອງກໍ່ໄດ້ຮັບເອົາກະທົງຮູບຊົງພະຍານາກມາໃຫ້ປະຊາຊົນທີ່ມາກາບໄຫວ້ໄດ້ບູຊາ ໃນຂອບເຂດບໍລິເວນນີ້ ໂດຍຕົນເອງກໍ່ສັດທາໃນອົງປູ່ຢູ່ແລ້ວ ແລະ ນໍາມາໃຫ້ບູຊາກໍ່ທັງເປັນການໄດ້ເຮັດບຸນໄປນໍາອີກດ້ວຍ. ສະເລ່ຍແລ້ວມື້ໜື່ງໄດ້ຂາຍຢູ່ປະມານ 60-70 ອົງ, ສໍາລັບຄວາມສັກສິດຂອງອົງປູ່ນັ້ນ ແມ່ນຂື້ນກັບເຊື່ອຖື ແລະ ສັດທາຂອງແຕ່ລະຄົນ

ເອື້ອຍມ໊ອກ ແມ່ຄ້າທີ່ໄດ້ນໍາປາມາຂາຍກໍ່ໄດ້ບອກຕື່ມວ່າ: ທໍາອິດແມ່ນບໍ່ຄິດວ່າຈະໄດ້ຂາຍດີປານນີ້ ແຕ່ຫຼັງຈາກທີ່ໄດ້ມາຂາຍແລ້ວ ແມ່ນຂາຍດີຫຼາຍ ໂດຍສະເພາະກໍ່ແມ່ນວັນເສົາວັນທິດ ທີ່ມີປະຊາຊົນມາກາບໄຫວ້ອົງປູ່ຫຼາຍເປັນພິເສດ ເຮັດໃຫ້ຕົນເອງມີລາຍຮັບຂື້ນ ຈາກເມື່ອກ່ອນ

ບ່ອນສະແດງໂຄສະນາ

ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ທັງນີ້, ແມ່ຄ້າທີ່ມາຂາຍເຄື່ອງໃນບໍລິເວນນັ້ນໃຫ້ຮູ້ວ່າ ທາງຄະນະຮັບຜິດຊອບບ້ານ ແມ່ນບໍ່ໄດ້ມີການເກັບຄ່າເຊົ່ານໍາປະຊາຊົນທີ່ມາຂາຍເຄື່ອງຕ່າງໆ ເກັບສະເພາະຄ່າຂີ້ເຫຍື້ອເທົ່ານັ້ນ

ແນວໃດກໍ່ຕາມ, ໃນສະພາບເສດຖະກິດໃນໄລຍະນີ້, ວັດທົ່ງທາດ ກໍ່ຖືວ່າເປັນແຫຼ່ງທ່ອງທ່ຽວທາງວັດທະນະທຳ  ເປັນທີ່ເພີ່ງທາງຈິດໃຈຂອງປະຊາຊົນ  ແລະ ຍັງສາມາດສ້າງລາຍຮັບເຂົ້າຊຸມຊົນໃນບໍລິເວດນັ້ນອີກດ້ວຍ

LEAVE A REPLY

Please enter your comment!
Please enter your name here