ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ວັດທົ່ງທາດ ຫຼັງຈາກທີ່ມີພິທີບ່ວງສ່ວງອົງປູ່ ສີສັດຕະນາກຄະລາດ ແລະ ອົງປູ່ ສີສຸດໂທນາກຄະລາດ ໃນວັນທີ 30 ສິງຫາ 2020 ທີ່ຜ່ານມາ ກໍ່ໄດ້ມີປະຊາຊົນທັງພາຍໃນນະຄອນຫຼວງ ແລະ ຕ່າງແຂວງຫຼັ່ງໄຫຼມາກາບສັກກະລະບູຊາຢ່າງໜາແໜ້ນ

ວັນທີ 13 ກັນຍາ 2020 ທີ່ຜ່ານມາ, ເຊິ່ງກົງກັບວັນອາທິດ ໄດ້ມີປະຊາຊົນຫຼັ່ງໄຫຼມາກາບໄຫວ້ອົງປູ່ພະຍານາກ ແລະ ໄດ້ມີການນໍາເອົາກະທົງຮູບພະຍານາກ ພ້ອມເຄື່ອງສັກກາລະບູຊາ ມາກາບໄຫວ້ເປັນຈໍານວນຫຼາຍ ເຮັດໃຫ້ມີການແຊຣຮູບພາບກະທົງທີ່ລອຍເຕັມແຄມຝັ່ງແມ່່ນໍ້າຂອງ ແລະ ມີການສະແດງຄວາມຄິດເຫັນຕ່າງໆນາໆໃນໂລກອອນລາຍ

ຮູບພາບວັນທີ 13 ກັນຍາ 2020 (ຄະນະຮັບຜິດຊອບຍັງບໍ່ໄດ້ອະນາໄມ)

ວັນທີ 14 ກັນຍາ 2020 ທີມຂ່າວອິນໄຊລາວ ໄດ້ລົງພື້ນທີ່ຕົວຈິງເພື່ອສອບຖາມບັນຫາດັ່ງກ່າວ ໂດຍໜຶ່ງໃນຄະນະຮັບຜິດຊອບວັດ ໄດ້ໃຫ້ສຳພາດວ່າ: ທີ່ເຫັນຮູບພາບແຊຣກັນໃນໂລກອອນລາຍນັ້ນ ແມ່ນຕອນທີ່ເຮົາຍັງບໍ່ໄດ້ເກັບມ້ຽນເທື່ອ. ເຊິ່ງທາງຄະນະຮັບຜິດຊອບຂອງພວກເຮົາ ກໍ່ໄດ້ມີການເກັບມ້ຽນຕະຫຼອດ ທັງໃນແຄມແມ່ນໍ້າຂອງ, ໜ້າອົງປູ່ ແລະ ຢູ່ບໍລິເວນຮອບໆວັດ, ຫຼັງຈາກນັ້ນພວກເຮົາຈະເກັບມາໂຮມກັນ ແລ້ວໃຫ້ລົດຂີ້ເຫຍື້ອມາຮັບໄປ

ບ່ອນສະແດງໂຄສະນາ

ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ໂດຍທາງຄະນະຍັງໃຫ້ຮູ້ອີກວ່າ:​ ປະລິມານຂີ້ເຫຍື້ອແມ່ນມີຈໍານວນເພີ່ມຂຶ້ນທຸກໆມື້ ໂດຍສະເພາະແມ່ນວັນເສົາ ແລະ ວັນອາທິດ ຈະມີຫຼາຍເປັນພິເສດ ສະເລ່ຍແລ້ວ ແມ່ນຫຼາຍກວ່າ 50 ຖົງດຳ/ມື້. ສຳລັບແຜນໃນອະນາຄົດຕໍ່ໜ້າ ຖ້າຍັງມີປະລິມານຂີ້ເຫຍື້ອເພີ່ມຂື້ນ ທາງເຮົາກໍ່ຈະໄດ້ເພີ່ມຮອບລົດຂີ້ເຫຍື້ອຈາກ 2 ຖ້ຽວ/ອາທິດ ເປັນ 3-4 ຖ້ຽວ/ອາທິດ ຫຼື ຫຼາຍກວ່ານັ້ນ ຕາມປະລິມານຂີ້ເຫຍື້ອ

ຮູບພາບວັນທີ 14 ກັນຍາ 2020 (ຫຼັງຈາກອະນາໄມແລ້ວ)
ເກັບໂຮມກັນໄວ້ ເພື່ອລໍຖ້າລົດມາຮັບໄປບໍ່ຂີ້ຫຍື້ອ


ເຖິງຢ່າງໃດກໍ່ຕາມ, ຈາກການສັງເກດຕົວຈິງເຫັນວ່າປະຊາຊົນຍັງມີການນໍາໃຊ້ວັດສະດຸທີ່ຍ່ອຍສະຫຼາຍໄດ້ຍາກມາເປັນສ່ວນປະກອບຂອງກະທົງ ເປັນຕົ້ນແມ່ນ ໂບເຫຼືອມ, ເຂັມມຸດຫົວສີ ແລະ ໂຟມອີກດ້ວຍ. ດັ່ງນັ້ນ, ພາກສ່ວນທີ່ກ່ຽວຂ້ອງກັບສິ່ງແວດລ້ອມ ຄວນຊ່ວຍໃຫ້ຄໍາແນະນໍາກັບປະຊາຊົນຕື່ມ ໃນການໃຊ້ວັດສະດຸທີ່ເປັນມິດກັບສິ່ງແວດລ້ອມ ເພື່ອບໍ່ໃຫ້ມີຜົນກະທົບໃນໄລຍະຍາວ

LEAVE A REPLY

Please enter your comment!
Please enter your name here