ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ການເລີ່ມຕົ້ນເຮັດວຽກຫຍັງໃໝ່ໆ ບໍ່ໄດ້ຈໍາກັດສະເພາະນັກສຶກສາຈົບໃໝ່ເທົ່ານັ້ນ ຍັງລວມເຖິງຜູ້ທີ່ມີປະສົບການໃນການເຮັດວຽກມາກ່ອນແລ້ວ  

ທຸກໆຄົນລ້ວນແລ້ວແຕ່ຝັນຢາກເຮັດວຽກໃນອາຊີບທີ່ຕົນມັກ ທັງໃຝ່ຝັນປາຖະຫນາວ່າຖ້າໄດ້ເຮັດວຽກແນວນັ້ນຄົງມີຄວາມສຸກທຸກມື້ ເພາະຄົນເຮົາຕ້ອງ ຢູ່ໃນຊ່ວງອາຍຸການເຮັດວຽກໄປອີກຫລາຍສິບປີ

ອິນໄຊລາວຂໍແນະນໍາວ່າ ພຽງແຕ່ເຮົາຫາຕົວຕົນຂອງຕົວເອງໃຫ້ພົບ ທຸກ ຄົນກໍ່ມີໂອກາດໄດ້ວຽກທີ່ຮັກແນ່ນອນ ມາເບິ່ງກັນເລີຍວ່າມີຫຍັງແດ່

ບ່ອນສະແດງໂຄສະນາ

ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

1. ເຂົ້າໃຈ ແລະ ເຂົ້າເຖິງ ຄວາມຖະຫນັດຂອງຕົນເອງ

ທິດສະດີແວ່ນແຍງບອກໄວ້ວ່າ ການຢືນເບິ່ງຕົວເອງຊຶ່ງໆ ແລ້ວສັງເກດຄົນໃນແວ່ນແຍງ ຜ່ານກິດຈະກໍາທີ່ຕົວເອງເຮັດແລ້ວມັກບໍ່ແມ່ນເລື່ອງຍາກ ແຕ່ທີ່ຍາກ ຄືເຮົາທຸກຄົນບໍ່ເຄີຍຢຸດເບິ່ງ ແລະ ພິຈາລະນາຄວາມຖະຫນັດຂອງຕົນເອງ ດັ່ງນັ້ນ, ຖ້າມີເວລາ ຈົ່ງໃຊ້ເວລາປະເມີນຕົນເອງ ເພື່ອສໍາຫລວດຄວາມສົນໃຈ ແລະ ຄວາມສາມາດຂອງທ່ານເອງ ແລ້ວຄົ້ນຫາວ່າທ່ານມັກເຮັດວຽກແບບໃດ ເຊັ່ນ: ເວົ້າເກັງ, ມັກແຕ່ງຫນ້າ ເປັນຕົ້ນ

2. ບໍ່ເລີ່ມຕົ້ນ ແລ້ວຈະມີປະສົບການໄດ້ແບບໃດ

ການເລີ່ມຕົ້ນເຮັດຫຍັງໃຫມ່ໆ ບໍ່ໄດ້ຈໍາກັດຢູ່ສະເພາະນັກສຶກສາທີ່ຈົບໃຫມ່ເທົ່ານັ້ນ ແຕ່ຍັງລວມເຖິງຄົນທີ່ມີປະສົບການເຮັດວຽກແລ້ວ ແຕ່ບໍ່ເຄີຍເຮັດອາຊີບເສີມ ຫລື ຢາກປ່ຽນຂະແຫນງວຽກ ແຕ່ຍັງສັ່ນໆເຊັນໆຢ້ານນັ້ນກັງ ວົນນີ້ ແຕ່ມີຄວາມສາມາດລົ້ນເຫລືອ ແນະນໍາວ່າ ເລີ່ມຕົ້ນຈາກຄວາມມັກ ແລະ ພັດທະນາຕໍ່ດ້ວຍການຄິດໄອເດຍອອກມາເປັນຜົນງານທີ່ຈັບຕ້ອງໄດ້ ອາດເປັນໂຄງການ ຫຼື ໄອເດຍທີ່ສ້າງສັນລົງໄປໃນຜົນງານ ຈາກນັ້ນຊອກຫາຊ່ອງທາງໃນການປ່ອຍວຽກ ຫລື ປ່ອຍຂອງ ທີ່ຕົນມີຢູອອກໄປຍັງຕະຫລາດ ທີ່ມັກໄອເດຍແບບທີ່ເຮົາຄິດສ້າງສັນ ຈັງໃດກໍ່ມີຄົນຫັນມາສົນໃຈຜົນງານຂອງທ່ານ

3. ຄິດຢາງດຽວບໍ່ໄດ້ ຕ້ອງລົງມືເຮັດພອມ

ຫາກມີໃຈມັກ ແລະ ຮັກ ການລົງມືເຮັດທັນທີຍອມໄດ້ປຽບ ເຊັ່ນ: ລອງເຮັດວຽກທີ່ມັກນອກເວລາວຽກ ຫລື ນອກເວລາຮຽນເພີ່ມເຕີມໃນມື້ພັກ ເຊິ່ງອາດເປັນຫລັກສູດສັ້ນໆກໍ່ໄດ້ ການເຮັດແນວນີ້ ຄືກັບທ່ານລອງກ້າວ ຂາຂ້າງຫນຶ່ງເພື່ອລອງຟັງເບິ່ງກ່ອນ ຫາກແມ່ນກໍ່ໃຊ້ຂາ ອີກຂ້າງຫນຶ່ງກ້າວນໍາໄປ ແຕ່ຫາກບໍ່ແມ່ນກໍ່ຍັງສາມາດຖອຍທັນ ບໍ່ສ່ຽງເຈັບຕົວຫາກບໍ່ລອດ

4. ຢຸດຢູ່ກັບບອນຊີວິດບໍ່ພັດທະນາ

ຄົນບາງຄົນຍອມອົດທົນຢູ່ກັບວຽກທີ່ຕົນເອງບໍ່ມັກທັງທີ່ຮູ້ສຶກເບື່ອຫນ່າຍເຕັມທີ ພຽງເພາະຮູ້ສຶກວ່າການຢູ່ ລ້າໆກໍ່ດີຢູ່ແລ້ວເພາະຢ້ານການເລີ່ມຕົ້ນໃຫມ່ ໃນຂະນະ ທີ່ຄົນອື່ນກ້າວໄປຂ້າງຫນ້າຢູ່ຕະຫລອດເວລາ ເຄີຍຮູ້ບໍ່ວ່າສັດຕູທີ່ຮ້າຍກາດທີ່ສຸດແມ່ນຄວາມຂີ້ຄ້ານເມີນເສີຍ ຖ້າທ່ານຢູ່ລ້າໆບໍ່ເຮັດຫຍັງເລີຍ ທ່ານກໍຈະບໍ່ມີທາງເຄື່ອນໄປສູ່ເປົ້າຫມາຍໄດ້

5. ເລີ່ມຕົ້ນໄວ ຄິດໃຫ້ແປກ ແຕກຕາງໃນໄອເດຍ

ສໍາລັບຫນຸ່ມສາວໄວເຮັດວຽກ ຊ່ວງອາຍຸ 20-30 ປີ ເປັນໄລຍະທີ່ເຫມາະສົມສໍາລັບການຄົ້ນຫາຕົວເອງ ໃນໄລຍະນີ້ ອາດຈະລອງເຮັດວຽກຫລາຍໆແບບ ເພື່ອຕອບຕົວເອງວ່າ ວຽກແບບໃດທີ່ແມ່ນຕົວທ່ານ ວຽກແບບໃດທີ່ຈະເຮັດໃຫ້ທ່ານມີໂອກາດ ກ້າວຫນ້າໃນຫນ້າທີ່ວຽກງານ ລວມເຖິງເບິ່ງເຫັນພາບຕົວເອງໃນຍາມອອກບໍານານ ຍິ່ງເລີ່ມຕົ້ນໄວ ກໍ່ມີໂອກາດຄົ້ນພົບຕົວເອງໄດ້ໄວ ແລະ ເມື່ອຊັດເຈນແລ້ວວ່າທ່ານຕ້ອງການຫຍັງ ບາດນີ້ກໍໃສ່ເກຍເດີນຫນ້າໄປຊອກລ້າຫາຄວາມຝັນໄດ້ເລີຍ.

ຄວາມຝັນບໍ່ແມ່ນສິ່ງທີ່ສົມບູນແບບສະເຫມີໄປ ແຕ່ຖ້າທ່ານຊັດເຈນວ່າ ນີ້ແມ່ນວຽກທີ່ທ່ານມັກ ທ່ານໃຝຝັນທີ່ຈະໄດ້ເຮັດມັນ ແລະ ມີຄວາມສຸກທີ່ໄດ້ເຮັດ ທ່ານກໍຈະມີພະລັງສາມາດຟັນຜ່າອຸປະສັກໄປສູ່ຄວາມສໍາເລັດໄດ້ຢ່າງບໍ່ຫນ້າເຊື່ອເລີຍ

LEAVE A REPLY

Please enter your comment!
Please enter your name here