ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ຈຸລິນຊີຈາວປວກເປັນຈຸລິນຊີອີກຊະນິດທີ່ສາມາດນໍາມາໃຊ້ໃນການກະສິກໍາອິນຊີ ຊ່ວຍໃນການຈະເລີນເຕີບໃຫ່ຍຂອງພືດ, ສິ່ງສໍາຄັນກໍຄືມັນເປັນຈຸລິນຊີໃນທ້ອງຖິ່ນທີ່ສາມາດເຮັດໄດ້ງ່າຍ ໃຊ້ເວລາບໍ່ດົນ

ມື້ນີ້ ອິນໄຊລາວ ຈະພາທຸກຄົນມາຮຽນຮູ້ວິທີການເຮັດຈຸລິນຊີຈາວປວກໄວ້ໃຊ້ພາຍໃນຄົວເຮືອນ ມາເບິ່ງນຳກັນເລີຍ

ສິ່ງທີ່ຕ້ອງກຽມສໍາລັບການເຮັດຈຸລິນຊີຈາວປວກ:

ບ່ອນສະແດງໂຄສະນາ

ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ
  • ຈາວປວກບົດລະອຽດ 1 ກິໂລກຣາມ.
  • ເຂົ້າຫນື້ງແບບບໍ່ຕ້ອງສຸກຫຼາຍ ຄື ໃຫ້ເປັນເມັດໆ ອາດຈະເປັນເຂົ້າຈ້າວ ຫຼື ເຂົ້າຫນຽວ ກໍໄດ້ 3 ກິໂລກຣາມ.
  • ນໍ້າ 10 ລິດ.
  • ນໍ້າມວກເຂົ້າ 5 ລິດ.
  • ຊາມ ສໍາລັບໃຊ້ປະສົມ.
  • ຖັງທີ່ມີຝາປິດ ສໍາລັບເກັບເຊື້ອຈຸລິນຊີຈາວປວກ.

ວິທີເຮັດ:

  • ໃສ່ເຂົ້າຫນຶ່ງໃນຊາມ ພ້ອມກັບຈາວປວກ ແລ້ວໃຊ້ມືຄົນສ່ວນປະສົມໃຫ້ ເຂົ້າກັນ.
  • ນໍາໄປເທໃສ່ໃນຖັງຫມັກທີ່ກຽມໄວ້ແລ້ວ, ໃສ່ນໍ້າ ແລະ ນໍາເຂົ້າມວກລົງໄປ ຫຼັງຈາກນັ້ນໃຊ້ໄມ້ຄົນໃຫ້ເຂົ້າກັນ.
  • ຈາກນັ້ນປິດຝາປະໄວ້ 3 ມື້ ແລ້ວເປີດຝາຖັງຫມັກ ກໍຈະເຫັນເປັນເຊື້ອລາຂາວໆຄືດອກເຫັດນ້ອຍໆ
  • ໃຫ້ເທນໍ້າໃສ່ເພີ່ມອີກ 10 ລິດ ແລະ ຄົນໃຫ້ເຂົ້າກັນ, ຄົບ 10 ມື້ ກໍນໍາ ໄປໃຊ້ໄດ້ແລ້ວ

ປະໂຫຍດຂອງຈຸລິນຊີຈາວປວກ:

  • ນໍາໄປໃຊ້ເປັນໂຕຊ່ວຍຍ່ອຍສະຫຼາຍໃຫ້ເສດຜັກໃບໄມ້ຕ່າງໆຍ່ອຍເປັນປຸຍໄດ້ດີຂຶ້ນ. –
  • ນໍາໄປສີດພົ່ນພືດຜັກ, ຫມາກໄມ້ ເພື່ອໃຫ້ ເລັ່ງອອກດອກອອກຫມາກໄວຂຶ້ນ.
  • ນໍາເສດທີ່ຕອງອອກຈາກນໍ້າໄປຮອງກົ້ນຂຸມ ຕອນປູກພືດຕ່າງໆຈະຊ່ວຍ ໃນເລື່ອງໂຣກທາງຮາກຕ່າງໆ.
  • ນໍາໄປສີດພົ່ນ ກ້ອນເຫັດເພາະຈະຊ່ວຍໃຫ້ເຊື້ອເຫັດອອກດອກ ໃຫຍ່ຂຶ້ນ.

ວິທີການນໍາໄປໃຊ້:

  • ສໍາລັບວິທີການໃຊ້ໃຫ້ຕອງເອົາແຕ່ນໍ້າໄປໃຊ້ ໃນອັດຕາ 1 ຕໍ່ 10 ຄື: ຫົວເຊື້ອຈຸລິນຊີຈາວປວກ 1 ລິດ ໃຫ້ປະສົມນໍ້າ 10 ລິດ.
  • ຫົດລາດທາງດິນ ຫຼື ສີດພົ່ນລົງດິນກ່ອນກຽມຫນານປູກ, ໃຊ້ປະສົມດິນປູກ, ປຸຍຫມັກ ຈະເປັນການເພີ່ມຈຸລິນຊີດີ ແລະສານອາຫານໃຫ້ກັບພືດ.

LEAVE A REPLY

Please enter your comment!
Please enter your name here