ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ພະນັກງານ-ລັດຖະກອນ ແມ່ນຜູ້ຖືກຮັບບັນຈຸໃຫ້ເຮັດວຽກ ໃນຕໍາແໜ່ງໃດໜຶ່ງ ໃນອົງການຈັດຕັ້ງຂອງພັກ-ລັດ, ຕັ້ງແຕ່ຂັ້ນສູນກາງ ຕະຫຼອດເຖິງຂັ້ນທ້ອງຖິ່ນ ເຊິ່ງຈະໄດ້ຮັບເງິນເດືອນ, ເງິນບໍາເນັດ, ເງິນອຸດໜູນບໍານານ ແລະ ຜົນປະໂຫຍດອື່ນໆ ຈາກການປະຕິບັດຫນ້າທີ່ວຽກງານ

ພະນັກງານ-ລັດຖະກອນ ແມ່ນມີໜ້າທີ່ດັ່ງນີ້:  

  1. ປະຕິບັດຫນ້າທີ່ຂອງຕົນຢ່າງເປັນປົກກະຕິ ພ້ອມທັງຮັບປະກັນ ປະສິດທິຜົນ
  2. ເຂົ້າຮ່ວມການເຄື່ອນໄຫວວຽກງານຕ່າງໆຢູ່ໃນອົງການຈັດຕັ້ງບ່ອນຕົນສັງກັດ
  3. ອໍານວຍຄວາມສະດວກ ແລະ ໃຫ້ການບໍລິການແກ່ປະຊາຊົນດ້ວຍຄວາມຈິງໃຈ, ວ່ອງໄວ, ເປັນທໍາ ແລະ ສະເຫມີພາບ
  4. ລາຍງານການປະຕິບັດວຽກງານຂອງຕົນໃຫ້ຂັ້ນເທິງ ຕາມຄວາມເປັນຈິງ ແລະ ຢ່າງເປັນປົກກະຕິ
  5. ປະຕິບັດຫນ້າທີ່ອື່ນຕາມທີ່ໄດ້ກໍານົດໄວ້ໃນກົດຫມາຍ.

ອີງຕາມ ປະມວນກົດຫມາຍອາຍາມາດຕາ 366 ໄດ້ລະບຸເຖິງການກົດຫນ່ວງ ຖ່ວງດືງເອກະສານ ເຊິ່ງຖືວ່າເປັນການກະທໍາຜິດທາງອາຍາຂອງ ພະນັກງານ-ລັດຖະກອນ. ໂດຍເນື້ອໃນໄດ້ລະບຸຊັດເຈນວ່າ: ພະນັກງານຜູ້ໃດ ຕາມທີ່ໄດ້ກໍານົດໄວ້ໃນມາດຕາ 354 ຂອງປະມວນກົດຫມາຍອາຍາ ຫາກໄດ້ສໍ້ລາດບັງຫຼວງ ໃນສະຖານການກົດຫນ່ວງ, ຖ່ວງດຶງ ເອກະສານ ດ້ວຍການກັກ, ຫນ່ວງຫນ່ຽວ, ແກ່ຍາວ ເວລາໃນການແກ້ໄຂເອກະສານທາງການ ໂດຍຜູ້ມີຖານະຕໍາແຫນ່ງ, ສິດອໍານາດ, ຫນ້າທີ່ຊຶ່ງກໍ່ຄວາມເສຍຫາຍແກ່ຜົນປະໂຫຍດ ຂອງລັດ, ຂອງສັງຄົມ ແລະ ຜົນປະໂຫຍດອັນຊອບທໍາຂອງພົນລະເມືອງ ຈະຖືກລົງໂທດຕັດອິດສະລະພາບແຕ່ ສາມ ເດືອນ ຫາ ຫນຶ່ງປີ ແລະ ຈະຖືກປັບໃຫມແຕ່ 1.000.000 ກີບ ຫາ 5.000.000.ກີບ.

ບ່ອນສະແດງໂຄສະນາ

ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ໃນກໍລະນີການກະທໍາຜິດ ເປັນອາຈິນ ຫຼື ສ້າງຄວາມ ເສຍຫາຍຢ່າງຫຼວງຫຼາຍ ຈະຖືກລົງໂທດຕັດ ອິດສະລະພາບແຕ່ ຫນຶ່ງປີ ຫາ ຫ້າປີ ແລະ ຈະຖືກປັບ ໃຫມແຕ່ 5.000.000 ກີບຫາ 10.000.000 ກີບ.

LEAVE A REPLY

Please enter your comment!
Please enter your name here