ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ທ່ານ ພັທ ຄຳໝອກ ພົມມະວົງສາ ຫົວໜ້າກອງບັນຊາການ ປກສ ເມືອງຈັນທະບູລີ ນະຄອນຫລວງວຽງຈັນ ໃຫ້ຮູ້ວ່າ: ໃນໄລຍະ 6 ເດືອນຕົ້ນປີ 2020 ສະພາບປາກົດການຫຍໍ້ທໍ້ເກີດຂຶ້ນຢູ່ເມືອງຈັນທະບູລີ ທັງໝົດ 224 ເລື່ອງ, ອັນໄດ້ສ້າງຄວາມເສຍຫາຍເປັນຈຳນວນບໍ່ໜ້ອຍຄື: ເງິນກີບ 1.244.500.000 ກວ່າກີບ, ເງິນບາດໄທ 4.223.350 ບາດ ແລະ ເງິນໂດລາສະຫະລັດ 399.000 ກວ່າໂດລາ, ຄໍາຮູບປະພັນ ໜັກ 5 ບາດ 2 ສະຫລຶງ, ລົດຈັກ 30 ຄັນ.

ທ່ານ ພັທ ຄຳໝອກ ພົມມະວົງສາ ໃຫ້ຮູ້ຕື່ມວ່າ: ຕໍ່ສະພາບການທີ່ເກີດຂຶ້ນທາງຄະນະພັກຄະນະກອງບັນຊາການຂອງພວກເຮົາໄດ້ເອົາໃຈໃສ່ຊີ້ນຳ-ນຳພາບັນດາເລົ່າລົບວິຊາການສະເພາະ, ພະນັກງານກໍ່ສ້າງຮາກຖານ, ກຸ່ມບ້ານສຸ່ມໃສ່ແກ້ໄຂປາກົດການຫຍໍ້ທໍ້ 6ເດືອນຕົ້ນປີຜ່ານມາແລະ ສາມາດແກ້ໄຂໄດ້ຈຳນວນ 151 ເລື່ອງ, ກັກຕົວຜູ້ຖືກຫາໄດ້ຈໍານວນ 181 ຄົນ, ຍິງ 17 ຄົນ, ເກັບກູ້ເຄື່ອງຂອງກາງຄືນໄດ້ເງິນກີບ186.300.000 ກີບ, ເງິນບາດໄທ 656.400 ບາດ, ເງິນໂດລາສະຫະລັດ 3.500 ໂດລາ, ຍຶດຂອງກາງປະເພດຢາເສບຕິດໄດ້ຢາບ້າ 5.314 ເມັດ, ຢາໄອສ 1,6 ກຣາມ, ເຮໂລອິນ 0,18 ກຣາມ.

ບ່ອນສະແດງໂຄສະນາ

ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

LEAVE A REPLY

Please enter your comment!
Please enter your name here