ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ໃນຄວາມຮູ້ສຶກຂອງຄົນໂດຍທົ່ວໆໄປ ມັກຈະໃຫ້ຄວາມສໍາຄັນຂອງປາ ຮອງລົງມາຈາກອາຫານປະເພດຊີ້ນສັດອື່ນໆ ເຊັ່ນ: ຊີ້ນໝູ, ຊີ້ນງົວຫຼື ຊີ້ນໄກ່, ຍົກເວັ້ນປະເທດທີ່ຢູ່ແຖບນໍເວ, ສະກອດແລນ ແລະ ຍີ່ປຸ່ນ ທີ່ຈະໃຫ້ຄວາມສໍາຄັນຂອງປາມາເປັນອັນດັບໜຶ່ງ ຮອງລົງໄປຄືຊີ້ນສັດຊະນິດຕ່າງໆ

ດັ່ງນັ້ນ, ປາຖືວ່າເປັນອາຫານທີ່ມີຄວາມເໝາະສົມຕໍ່ຮ່າງກາຍຂອງຄົນເຮົາ ເພາະມີໂປຣຕິນ ແລະ ແຮ່ທາດ ໃນປະລິມານສູງເຮົາຈຶ່ງໃຊ້ປາເປັນແຫຼ່ງອາຫານໂປຣຕິນ ເພາະໂປຣຕິນທີ່ໄດ້ຈາກປາຈະມີກົດອະມິໂນທີ່ຈໍາເປັນຄົບຖ້ວນ ແລະ ມີປະສິດທິພາບ

ໂປຣຕິນໃນປາຈະໃຫ້ປະໂຫຍດໃນຮ່າງກາຍໄດ້ດີ ຈາກໄຂ່ ແລະ ນົມ ເຊິ່ງຈະເຫັນໄດ້ວ່າປານັ້ນມີຄຸນຄ່າທາງໂພຊະນາການທີ່ສາມາດສະຫຼຸບໄດ້ດັ່ງນີ້:

ບ່ອນສະແດງໂຄສະນາ

ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ
  1. ປາເປັນແຫຼ່ງໂປຣຕິນທີ່ສໍາຄັນ, ຮອງລົງມາຈາກຊີ້ນສັດ ແລະ ໄຂ່.
  2. ປາມີປະລິມານໄຂມັນຕໍ່າ (ຍົກເວັ້ນປາທີ່ມີໄຂມັນສູງບາງຊະນິດເທົ່ານັ້ນ) ແລະ ໄຂມັນໃນປາສ່ວນຫຼາຍ ເປັນໄຂມັນບໍ່ອີ່ມໂຕເຊິ່ງສາມາດຫຼຸດຄໍເລດສະເຕີຣອນໃນເລືອດໄດ້. ປະລິມານຄໍເລດສະເຕີຣອນ ໃນຊີ້ນປາມີປະລິມານຕໍ່າ ຈຶ່ງນິຍົມນຳໄປໃຊ້ໃນການປິ່ນປົວ ແລະ ປ້ອງກັນ ພະຍາດໄຂມັນຕີບຕັນໃນຫຼອດເລືອດ.
  3. ປາທະເລທຸກຊະນິດມີແຮ່ທາດໄອໂອດີນ ເຊິ່ງເປັນແຮ່ທາດທີ່ສໍາຄັນຕໍ່ການດໍາລົງຊີວິດ.
  4. ປາເປັນແຫຼ່ງອາຫານທີ່ສໍາຄັນ ເພາະມີວິຕາມິນ A, D ແລະ B.
  5. ປາໃຫ້ພະລັງງານໜ້ອຍກວ່າຊີ້ນສັດ ໂດຍສະເພາະປະເພດ
  6. ຊີ້ນສັນໃນ, ຊີ້ນບໍ່ຕິດມັນ ຍົກເວັ້ນປາທີ່ມີໄຂມັນສູງເຊັ່ນປາສະຫວາຍປາມີແຮ່ທາດແຄວຊຽມຕໍ່າ ຍົກເວັ້ນໃນກໍລະນີທີ່ເຮົາສາມາດກິນໄດ້ເໝິດທັງໂຕ (ກະດູກ ແລະ ຊີ້ນ).
  7. ປາມີປະລິມານມິວຣີນສູງຄືກັນກັບຊີ້ນຕ່າງໆທີ່ມີສີແດງ. ດັ່ງນັ້ນຄົນທີ່ເປັນພະຍາດເກົ້າຄວນຫຼີກເວັ້ນເຊັ່ນກັນ.
  8. ປານໍ້າຈືດເປັນແຫຼ່ງສະສົມພະຍາດ, ດັ່ງນັ້ນ ຖ້າຈະກິນຄວນກິນໃຫ້ສຸກ, ບໍ່ແມ່ນສຸກໆດິບໆ ຫຼື ກິນແບບດິບໆ ເພາະວ່າປາມີໂຕອ່ອນຂອງພະຍາດໃບໄມ້ໃນຕັບ ເມື່ອເຮົາກິນປາທີ່ສຸກໆ ດິບໆ ເຮົາກໍຈະໄດ້ຮັບໂຕອ່ອນຂອງພະຍາດຊະນິດນີ້ເຂົ້າໄປ ເຊິ່ງພາໃຫ້ເກີດພະຍາດຕາມມາໄດ້.

ແນວໃດກໍ່ຕາມ, ການກິນອາຫານໃຫ້ຄົບ 5 ໝູ່, ກິນໃນປະລິມານທີ່ເໝາະສົມ, ຫຼີກລ່ຽງການກິນອາຫານທີ່ມັນ ອອກກຳລັງກາຍສະໝໍ່າສະເໝີ ກໍ່ເປັນການຮັກສາສຸຂະພາບ ແລະ ຫ່າງໄກຈາກພະຍາດເຊັ່ນກັນ

LEAVE A REPLY

Please enter your comment!
Please enter your name here