ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ເນື່ອງຈາກບັນດາປະເທດອ້ອມຂ້າງຂອງເຮົາ ຍັງພົບການລະບາດຢູ່ ທາງການລາວຈື່ງໄດ້ມີການຄຸມເຂັ້ມຕາມຊາຍແດນຂຶ້ນຕື່ມ ເພາະຍັງມີປະຊາຊົນຈາກປະເທດອ້ອມຂ້າງ ໂດຍສະເພາະແມ່ນຫວຽດນາມ ທີ່ມີການລັກລອບເຂົ້າເມືອງ ເພື່ອໃຊ້ປະເທດລາວເປັນທາງຜ່ານ ເພື່ອໄປຕໍ່ທີ່ປະເທດໄທ

ເມື່ອວັນທີ 27 ສິງຫາ 2020 ທີ່ຜ່ານມາ ສຳນັກຂ່າວ vnexpress ໄດ້ລາຍງານວ່າ: ເຈົ້າໜ້າທີ່ຊາຍແດນໃນພາກກາງຂອງປະເທດຫວຽດນາມ ໄດ້ກວດພົບກຸ່ມຄົນຫວຽດນາມ 13 ຄົນ ທີ່ພະຍາຍາມຂ້າມຊາຍແດນເຂົ້າມາປະເທດລາວ ເພື່ອທີ່ຈະລັກລອບໄປປະເທດໄທຕໍ່

ຄົນເຫຼົ່ານີ້ ໄດ້ເປີດເຜີຍວ່າ: ພວກເຂົ້າໄດ້ຈ່າຍເງິນໄປ 17 ລ້ານດົງ ຕໍ່ຄົນ ເພື່ອລັກລອບເຂົ້າມາໃນ ສປປ ລາວ ເມື່ອເຂົ້າລາວໄດ້ແລ້ວ ຄົນກຸ່ມນີ້ຈະເດີນທາງເພື່ອຂ້າມໄປປະເທດໄທຕໍ່ ເພາະນາຍໜ້າໄດ້ສັນຍາວ່າ ເມື່ອເຂົ້າໄປປະເທດໄທແລ້ວ ຈະມີວຽກເຮັດງານທຳ ແຕ່ຫຼັງຈາກຄົນກຸ່ມນີ້ຖືກຈັບໄດ້ ນາຍໜ້າຄົນດັ່ງກ່ວາກໍ່ໄດ້ຫຼົບໜີໄປ ທັງນີ້, ຕັ້ງແຕ່ງວັນທີ 1 ເມສາ 2020 ທີ່ປະເທດລາວ ໄດ້ປິດຊາຍແດນທັງໝົດກັບຫວຽດນາມ ເພື່ອສະກັດກັ້ນການແຜ່ລະບາດຂອງພະຍາດໂຄວິດ-19 ແລະ ຫຼ້າສຸດຫວຽດນາມເອງ ກໍ່ຍັງພົບການລະບາດອີກຮອບ

ບ່ອນສະແດງໂຄສະນາ

ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ເຖິງວ່າໃນຂະນະນີ້ ຈະເລີ່ມຄວບຄຸມໄດ້ແລ້ວ ແຕ່ການທີ່ຄົນຫວຽດນາມພະຍາຍາມຫຼົບໜີເຂົ້າມາລາວ ແລະ ໄປຕໍ່ທີ່ປະເທດໄທ ອາດຈະສົ່ງຜົນໃຫ້ເກີດການລະບາດຮອບໃໝ່ໃນ ສປປ ລາວ

ຂໍ້ມູນ: Trinh Quoc Dung/VNA via REUTERS

LEAVE A REPLY

Please enter your comment!
Please enter your name here