ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ລາວ ໂທລະຄົມເປີດການນໍາໃຊ້ລະບົບ 5G ຢ່າງເປັນທາງການແລ້ວວໃນມື້ນີ້ (31 ສິງຫາ 2020) ເປັນເຄື່ອຂ່າຍທຳອິດໃນ ສປປ ລາວ 

ກ່ອນໜ້ານີ້ ໃນເດືອນຕຸລາ 2019 ລາວໂທລະຄົມ ໄດ້ມີການທົດລອງນໍາໃຊ້ລະບົບ 5G ມາແລ້ວ

ໂດຍທາງລາວໂທລະຄົມ ໄດ້ເປີດເຜີຍວ່າ: ພື້ນທີ່ໃຫ້ບໍລິການ 5G ໃນເບື້ອງຕົ້ນ ແມ່ນຈະຢູ່ບາງພື້ນທີ່ຂອງນະຄອນຫຼວງວຽງຈັນກ່ອນ ໂດຍປະກອບມີ ເຂດສີຫອມ, ຕະຫຼາດກາງຄືນແຄມຂອງ, ເຂດສາຍລົມ ແລະ ມະຫາວິທະຍາໄລແຫ່ງຊາດ (ວິທະຍາເຂດດົງໂດກ) ຫຼັງຈາກນັ້ນຈະຂະຫຍາຍໄປແຂວງໃຫ່ຍໃນທົ່ວປະເທດ 

ບ່ອນສະແດງໂຄສະນາ

ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ລະບົບ 5G ມີຫຍັງດີແດ່?

ລະບົບ 5G ມີສິ່ງທີ່ແຕກຕ່າງຈາກລະບົບ 4G ຢູ່ 3 ຢ່າງຄື: ຄວາມໄວໃນການຮັບ-ສົ່ງຂໍ້ມູນທີ່ໄວກວ່າ 4G ເຖິງ 20 ເທົ່າ, ຄວາມສາມາດໃນການຮອງຮັບການເຊື່ອມຕໍ່ໄດ້ຫຼາຍກວ່າ 4G 10 ເທົ່າ ຫຼື ເທົ່າກັບ 1,000,000 ອຸປະກອນ/sq.km. ດ້ວຍລະບົບ 5G ຈະເປີດໂລກ IOT (Internet of Things) ໄດ້ຢ່າງແທ້ຈິງ ແລະ ຈະເປັນພື້ນຖານເພື່ອຮອງຮັບການພັດທະນາເຕັກໂນໂລຊີ Smart Home, Smart City, Smart Transportation, Smart life, Smart health ແລະ ອື່ນໆ ໂດຍສັ່ງການຜ່ານມືຖືຂອງຄົນເຮົາໄດ້ ຫຼື ອຸປະກອນແຕ່ລະຊະນິດສາມາດສື່ສານກັນເອງໄດ້, ຄວບຄຸມກັນໄດ້  ແລະ ເຮັດວຽກປະສານກັນໄດ້ຢ່າງອັດຕະໂນມັດ

ແລະ ເວລາໃນການຕອບສະໜອງ ແມ່ນສັ້ນລົງ ເຖິງ 1 ມິນລີວິນາທີ (1 ms). ດ້ວຍຄຸນສົມບັດພິເສດດັ່ງກ່າວ 5G ຈະສາມາດຕອບໂຈດ ໃນສ່ວນຂອງກຸ່ມຄົນທີ່ມັກຫຼິ້ນເກມເຊິ່ງຕ້ອງການຄວາມໄວໃນການໂຕ້ຕອບສູງ ຫຼື ເວົ້າອີກຢ່າງຄືຖ້າ Latency ຍິ່ງຕໍ່າແມ່ນຍິ່ງດີ, ຕອບໂຈດການຂັບຂີ່ແບບບໍ່ມີຄົນຂັບທີ່ມີຄວາມປອດໄພສູງ ແລະ ນໍາໃຊ້ໃນທາງການແພດເຊັ່ນ: ການຜ່າຕັດທາງໄກ

ແນວໃດກໍ່ຕາມ, ອິນໄຊລາວເຮົາໄດ້ມີການເຮັດການສໍາຫຼວດວ່າຄົນລາວມີຄວາມພ້ອມທີ່ຈະນໍາໃຊ້ລະບົບ 5G ແລ້ວບໍ່? ໂດຍມີຜູ້ໃຫ້ຂໍ້ມູນທັ້ງໝົດ 500 ຄົນ ໄດ້ຜົນວ່າ 50% ຍັງຮູ້ສຶກທຳມະດາ ໃນຂະນະທີ່ ຄົນອີກ 50% ພ້ອມແລ້ວທິ່ຈະໃຊ້ງານລະບົບດັ່ງກ່າວ

ນອກນີ້ ຍັງມີຄວາມຄິດເຫັນເພິ່ມເຕິມອີກວ່າ: ອຸປະກອນຂອງຕົນຍັງບໍ່ຮອງຮັບລະບົບດັ່ງກ່າວ ແລະ ບາງຄົນກໍ່ບ່ອກວ່າຢາກໃຫ້ມີການຂະຫຍາຍເຄື່ອຂ່າຍໃຫ້ຄວບຄຸມທົ່ວປະເທດເສຍກ່ອນ 

ແນວໃດກໍ່ຕາມ, ຈາກການກວດສອບເບື້ອງຕົ້ນຜ່ານເວັບໄຊhttp://www.laotel.la/  ເຫັນວ່າຍັງບໍ່ມີການອັບເດດກ່ຽວໂປຣໂມຊັ່ນ ຫຼື ແພັກແກັດໃດໆກ່ຽວກັບລະບົບ 5G ເທື່ອ

LEAVE A REPLY

Please enter your comment!
Please enter your name here