ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ພິທີອຸໂບສົດສັງຄະກັມ ເປັນທຳນຽບຂອງພຣະສົງ-ສໍາມະເນນ ຕ້ອງໄດ້ລົງອຸໂບສົດ ໃນທຸກໆເຄີ່ງເດືອນ, ຕາມວິໄນສົງກຳນົດໄວ້ວ່າ ພຣະສົງຈະຕ້ອງໄດ້ເຮັດການສັງຄະກັມ ສູດປະຕິໂມກ ທີ່ ສິມໃນທຸກໆ ມື້ຂຶ້ນ ແລະ ແຮມ 15ຄໍ່າ ຫຼື ແຮມ 14 ຄໍ່າ ເຊິ່ງຫຼາຍໆຄົນເອີ້ນການປະຕິບັດນີ້ວ່າ ລົງອຸໂບ

 ເລື່ອງເລົ່າແຕ່ສະໄໝພຸດທະການ ກ່ຽວກັບ ພິທີອຸໂບສົດສັງຄະກັມ

ໃນສະໄໝພຸດທະການ ເມື່ອພຣະພຸດເຈົ້າຊົງປະກາດພຣະສາສະໜາແລະ ມີຜູ້ມາຂໍອຸປະສົມບົດບັນພະຊາເປັນພຣະສາວົກ ພຣະພຸດອົງຊົງກ່າວ ເອຫິພິກຂຸອຸປະສຳປະທາ (ພຣະພຸທເຈົ້າບວດໃຫ້ໂດຍພຣະອົງເອງ) ເມື່ອມີພຣະສົງສາວົກຫຼາຍຂື້ນ ພຣະພຸດອົງຊົງໃຫ້ພຣະສົງສາວົກເຫຼົ່ານັ້ນ ຈາຣິກໄປຍັງທິດຕ່າງໆ ເພື່ອເຜີຍແຜ່ພຣະພຸດສາສະໜາ ແລະ ພຣະທັມຄຳສອນຂອງພຣະອົງ ຜູ້ທີ່ໄດ້ຟັງພຣະທັມນັ້ນມີຄວາມເຫຼື້ອມໃສສັດທາຂໍບວດເປັນພຣະສາວົກຫຼາຍຂື້ນ ພຣະສົງສາວົກ ເຫຼົ່ານັ້ນກໍນຳຜູ້ທີ່ຈະບວດໃນພຣະພຸທສາສະໜາເຂົ້າເຝົ້າພຣະພຸດທະເຈົ້າ ເພື່ອຊົງເມດຕາບວດໃຫ້ແກ່ຜູ້ມີຈິດສັດທາເຫຼົ່ານັ້ນ ຊຶ່ງພຣະສົງທີ່ຈາຣິກໄປເຜີຍແຜ່ພຣະພຸດສາສະໜາແລະ ພຣະທັມຄຳສອນໃນທີ່ຕ່າງໆນັ້ນ ຕ່າງກໍຢູ່ຫ່າງໄກ ຈາກທີ່ພຣະພຸດທະອົງຊົງປະທັບຢູ່ ຈຶ່ງມີຄວາມລຳບາກໃນການເດີນທາງມາເຂົ້າເຝົ້າພຣະພຸດທະເຈົ້າ

ບ່ອນສະແດງໂຄສະນາ

ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ດັ່ງນັ້ນ, ພຣະພຸດທະເຈົ້າຈຶ່ງມີພຣະບໍຣົມພຸດທານຸຍາດໃຫ້ພຣະສົງສາວົກເຫຼົ່ານັ້ນບວດໃຫ້ແກ່ຜູ້ມີຄວາມເຫຼື້ອມໃສສັດທາ ຊຶ່ງເປັນການລົດຂັ້ນຕອນຄວາມລຳບາກແກ່ເຫຼົ່າພຣະສົງສາວົກ ໃນສະໄໝພຸດທະການນັ້ນ ພຣະທັມພຣະວິນັຍທີ່ພຣະພຸດທະເຈົ້າ ຊົງບັນຍັດໄວ້ໃຫ້ພຣະສົງສາວົກປະຕິບັດຕາມນັ້ນຍັງບໍ່ໄດ້ຈົດບັນທຶກຮວບຮວມເປັນຄຳພີ ພຣະໄຕຼປິດົກໄຈ້ແຍກເປັນໝວດໝູ່ຄືໃນປັດຈຸບັນ ຈຶ່ງຕ້ອງອາໄສການຈົດຈຳທ່ອງຈຳໂດຍການສູດສືບຕໍ່ໆ ກັນເອີ້ນວ່າ “ການສູດພຣະປາຕິໂມກ” ເມື່ອມີເຫດການຕ່າງໆທີ່ພຣະສົງສາວົກຈະຕ້ອງຕັດສິນໃຈຮ່ວມກັນ ປຶກສາຫາລືເພື່ອແກ້ບັນຫາ ຫຼື ທຳກິດບາງຢ່າງຮ່ວມກັນດ້ວຍເຫດນີ້ ພຣະອົງຈຶ່ງກຳນົດໃຫ້ພຣະສົງຕ້ອງປະຊຸມຮ່ວມກັນເອີ້ນວ່າ ທຳສັງຄະກັມ ຄື ທໍາກິດຂອງສົງເຊັ່ນ:  ການສູດພຣະປາຕິໂມກ ການອຸປະສົມບົດບັນພະຊາ ການກຣານກະຖິນ ແລະ ການປະວາຣະນາກັມ ເປັນຕົ້ນ ໂດຍໃຫ້ທຳ ສັງຄະກັມໃນບໍຣິເວນທີ່ກຳນົດໄວ້ເທົ່ານັ້ນ ເພື່ອບໍ່ໃຫ້ຄາຣະວາດມາຫຍຸ້ງກ່ຽວກັບກິດຂອງສົງແຕ່ໃນສະໄໝພຸດທະການ

ທັງນີ້, ສຳລັບໃນນະຄອນຫຼວງວຽງຈັນ ໄດ້ຈັດພິທີດັ່ງກ່າວໃນສະເພາະຊ່ວງເຂົ້າພັນສາເທົ່າ ເພື່ອເປັນການສະດວກໃນການໄປມາຂອງພຣະສົງ, ສະເພາະເຂດເມືອງຈັນທະບູລີ ໃນປີນີ້ ໄດ້ກຳນົດຈັດ 7 ຄັ້ງ ໃນທົ່ວເມືອງ ໂດຍໄດ້ກຳນົດເອົາວັດຕ່າງໆທີ່ມີຄວາມສາມາດໃນການຕ້ອນຮັບຄະນະສົງຈາກທົ່ວເມືອງ ເຊີ່ງໃກ້ໆຈະມາຮອດນີ້ ແມ່ນຈະໄດ້ຈັດຂຶ້ນທີ່ວັດຊຽງຍືນ ໂດຍຈະມີພຣະສົງເຂົ້າຮ່ວມປະມານ 250 ອົງ

ສຳລັບທ່ານໃດ ທີ່ມີຄວາມປະສົງຢາກໄປສ້າງໂຮງທານ ກໍ່ສາມາດໄປໄດ້

LEAVE A REPLY

Please enter your comment!
Please enter your name here