ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ການເກັບກູ້ລະເບີດບໍ່ທັນແຕກ ໃນ ສປປ ລາວ ຊ່ວງໂຄວິດ-19 ມີອຸປະສັກແນ່ ແຕ່ນັກເກັບກູ້ລະເບິດ ກໍ່ຍັງເຮັດວຽກຕໍ່ດ້ວຍການຮັກສາມາດຕະການ ໃນການປ້ອງກັນພະຍາດໂຄວິດ-19 ຢ່າງເຂັ້ມງວດ

ໃນໄລຍະ 6 ເດືອນທຳອິດຂອງປີ 2020 ໂຄງການເກັບກູ້ລະເບິດແຫ່ງ ສາມາດທຳລາຍລະເບິດບໍ່ທັນໄດ້ທັງໝົດ 13,454 ໜ່ວຍ

ມື້ນີ້ຈະພາມາຮູ້ຈັກກັບ ສາວ ສຸກສາຄອນ ສາວບ້ານ ນາປຸ່ງເມືອງບົວລະພາ ແຂວງ ຄໍາມ່ວນ. ໃນປີ 2019 ລາວໄດ້ເຂົ້າມາເຮັດວຽກກັບອົງການເກັບລະເບີດແມັກ ແຂວງ ຄໍາມ່ວນ ໃນຕໍາແໜ່ງນັກກວດກູ້ຂອງທີມງານກວດກູ້ລະເບີດທີ່ໄດ້ຮັບທຶນສະໜັບສະໜູນຈາກລັດຖະບານປະເທດນໍເວ

ບ່ອນສະແດງໂຄສະນາ

ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ສຸກສາຄອນ ໄດ້ກ່າວວ່າ: ຄອບຄົວຂອງຂ້ອຍມີອາຊີບເປັນຊາວໄຮ່ຊາວນາ ແລະ ພວກເຮົາດໍາລົງຊີວິດດ້ວຍການເຮັດນາເປັນຫຼັກ, ພວກເພິ່ນບໍ່ມີທຶນຮອນທີ່ພຽງພໍໃນການສົ່ງຂ້ອຍໄປຮໍ່າຮຽນວິຊາຊີບຕໍ່. ສະນັ້ນ, ຫຼັງຈາກທີ່ຂ້ອຍຮຽນຈົບຊັ້ນມັດຖະຍົມປາຍ, ຂ້ອຍຈຶ່ງໄດ້ມາຊ່ວຍພໍ່ແມ່ເຮັດນາ.

ໃນດິນນາຂອງພວກເຮົາມີລະເບີດທີ່ບໍ່ທັນແຕກເປັນຈໍານວນຫຼາຍ. ເມືອໃດກໍ່ຕາມທີ່ພໍ່ຂ້ອຍພົບເຫັນລະເບີດ, ເພິ່ນຈະຍ້າຍມັນໄປໄວ້ປາຍໄຮ່ນາ. ເພິ່ນຮູ້ວ່າມັນອັນຕະລາຍໃນການເຄື່ອນຍ້າຍລະເບີດເຫຼົ່ານັ້ນດ້ວຍຕົນເອງ ແຕ່ລາວບໍ່ມີທາງເລືອກໃດໆເລີຍ, ການທີ່ປະຖິ້ມພວກມັນໄວ້ຢູ່ໄຮ່ນາ ມັນອາດສ້າງອັນຕະລາຍກ່າວການເຄື່ອນຍ້າຍມັນອີກກໍ່ເປັນໄດ້.

ຂ້ອຍໄດ້ເຮັດວຽກເກັບກູ້ລະເບີດຂອງທາງ ອົງການແມັກ ເກືອບໄດ້ 2 ປີແລ້ວ. ຂ້ອຍມີຄວາມສຸກ ແລະ ດີໃຈຫຼາຍທີ່ໄດ້ເຮັດວຽກກັບອົງການແມັກ ເຊິ່ງເຮັດໃຫ້ມີຂ້ອຍມີລາຍໄດ້ຊ່ວຍເຫຼືອຄອບຄົວ ແລະ ສົ່ງນ້ອງຂອງຂ້ອຍໃຫ້ໄດ້ຮຽນໜັງສືສູງໆ. ຂ້ອຍດີໃຈ ແລະ ພາກພູມໃຈຫຼາຍທີ່ໄດ້ເປັນສ່ວນໜື່ງຊ່ວຍໃຫ້ຊຸມຊົນປອດໄພຈາກລະເບີດທີ່ບໍ່ທັນແຕກທີ່ຕົກຄ້າງ ແລະ ຂ້ອຍຈະສືບຕໍ່ປະຕິບັດໜ້າທີ່ອັນມີກຽດນີ້ຕໍ່ໄປໃຫ້ດີ.

ຂອບໃຈຂໍ້ມູນ: MAG UXO

LEAVE A REPLY

Please enter your comment!
Please enter your name here