ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ເຟສບຸກເຜີຍເຄັດລັບການໃຊ້ງານຜ່ານລາຍການວິທະຍຸເປັນຄັ້ງທຳອິດໃນລາວ ໃນຊີຣີ້ Facebook Digital Literacy Tips ເພື່ອສ້າງຄວາມຮູ້ໃຫ້ຄົນລາວສາມາດໃຊ້ເຟສບຸກໄດ້ຢ່າງປອດໄພ

ທ່ານ ນາງ ມະນັດຊືນ ໂກວາພິຫວັດ ຜູ້ຈັດການຝ່າຍສື່ສານຂອງ ບໍລິສັດເຟສບຸກ ປະຈໍາປະເທດໄທ-ປະເທດລາວ ໄດ້ໃຫ້ສຳພາດສົດຈາກປະເທດໄທ ມາທາງລາຍການ “ຄວາມຮູ້ສູ່ຄວາມບັນເທິງ” ທາງຄື້ນ FM 90 Mhz ສະຖານີວິທະຍຸ Lao Youth Radio ໂດຍໃຫ້ຮູ້ວ່າ: ເຟສບຸກຕ້ອງການສ້າງຄວາມຮູ້ໃຫ້ແກ່ຜູ້ທີ່ຊົມໃຊ້ທົ່ວໄປ ເປັນຕົ້ນແມ່ນເຄັບລັບທີ່ຫຼາຍคนອາດຈະຍັງບໍ່ຮູ້ ຕະຫຼອດເຖິງການປ້ອງກັນຄວາມເປັນສ່ວນຕົວໃນເຟສບຸກ ເພື່ອເປັນການໃຊ້ສື່ອອນລາຍໃຫ້ປອດໄພ ຈຶ່ງຮ່ວມມືກັບ Lao Youth Radio ນຳສະເໜີເປັນຊີຣີ້ແບບຕໍ່ເນື່ອງ ອາທິດລະ1 ຄັ້ງ ຕິດຕໍ່ກັນເປັນເວລາ 4 ອາທິດ.

ອີກເຫດຜົນຫນຶ່ງທີ່ເຮັດໃຫ້ເກີດຊີຣີ້ການໃຫ້ຄວາມຮູ້ຄັ້ງນີ້ ເກີດຈາກຄົນລາວໃຊ້ເຟສບຸກກັນຢ່າງແຜ່ຫລາຍໃນຊີວິດປະຈຳວັນ ແລະ ເພື່ອທຸລະກິດ ດັ່ງນັ້ນ ການນຳສະເໜີເລື່ອງການຮັກສາຄວາມປອດໄພເທິງໂລກອອນລາຍຈຶ່ງເປັນເລື່ອງສຳຄັນ

ບ່ອນສະແດງໂຄສະນາ

ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ສຳລັບເຄັບລັບໃນ EP ທຳອິດນີ້ ແມ່ນ ການຕັ້ງຄ່າຄວາມເປັນສ່ວນຕົວ (Privacy check-up) ເຊິ່ງຢູ່ໃນແອັບເຟສບຸກ ໂດຍເຂົ້າໄປເບິ່ງທີ່ເມນູການຕັ້ງຄ່າ ເລືອກ ການຕັ້ງຄ່າຄວາມເປັນສ່ວນຕົວ ແລ້ວຈະເຫັນລາຍການ Privacy Shortcuts ໃຫ້ເລືອກທີ່ລາຍການດ້ານເທີງສຸດເຊິ່ງຂຽນວ່າ Check a few inmportant setting ກໍ່ຈະເຂົ້າສູ່ໜ້າລາຍການ Privacy check-up ໄດ້

ການເຮັດ Privacy check-up ປະກອບສ່ວນໄປດ້ວຍ 5 ຫົວຂໍ້ ທີ່ຈະຊ່ວຍໃຫ້ເຮົາກວດສອບບັນຊີຂອງຕົນເອງໄດ້ ວ່າເປີດໃຫ້ໃຜເຫັນໄດ້ແນ່ເຊັ່ນ: ເປີດໃຫ້ເຫັນໄດ້ທຸກຄົນ, ສະເພາະຫມູ່ຂອງຫມູ່, ສະເພາະຫມູ່, ຫລື ເຫັນໄດ້ສະເພາະເຈົ້າຂອງບັນຊີເທົ່ານັ້ນ ເພື່ອປ້ອງກັນບໍ່ໃຫ້ຄົນອື່ນນຳເອົາໄປໃຊ້ປະໂຫຍດໄດ້ ໂດຍຜູ້ໃຊ້ເຟສບຸກຕັ້ງຄ່າເອົາໄວ້ບໍ່ເຫມາະສົມ ຫລື ບໍ່ເຄີຍ ເຂົ້າກວດສອບເບິ່ງ, ກໍອາດເປີດໂອກາດໃຫ້ຜູ້ບໍ່ຫວັງດີນຳເອົາຂໍ້ມູນສ່ວນຕົວຂອງເຮົາ ໄປໃຊ້ເນວທາງບໍ່ດີ ເຊັ່ນ ປອມເປັນຕົວເຮົາ ຫລືໃຊ້ເປັນຂໍ້ມູນເພື່ອແຮ໋ກເຂົ້າລະບົບໄດ້

ສຳລັບລາຍລະອຽດໃນການຕັ້ງຄ່າ ຜູ້ໃຊ້ງານສາມາດເບິ່ງໄດ້ທີ່ Facebook Live ຊອງລາຍການໄດ້ທີ່ນີ້https://www.facebook.com/fm90laos/videos/919989955161984/

LEAVE A REPLY

Please enter your comment!
Please enter your name here