ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ເມື່ອຮອດບຸນຫໍ່ເຂົ້າປະດັບດິນ ເຮົາມັກຈະເປັນໝາກໄມ້ປ່າຕ່າງໆ ທີ່ພໍ່ຄ້າແມ່ຂາຍ ນໍາມາວາງຂາຍຢູ່ຕາມທ້ອງຕະຫຼາດ ເຊິ່ງແນ່ນອນວ່າ ບາງຄົນອາດຈະຍັງບໍ່ເຄີຍເຫັນ ຫຼື ບາງຄົນອາດຈະເຄີຍເຫັນແລ້ວ ແຕ່ຍັງບໍ່ຮູ້ຊື່ຂອງໝາກໄມ້ຊະນິດນັ້ນໆ

ມື້ນີ້ ອິນໄຊລາວຈະພາມາຮູ້ຈັກກັບໝາກໄມ້ແຕ່ລະຊະນິດທີ່ເຮົາມັກຈະເຫັນໄດ້ໃນຍາມບຸນຫໍ່ເຂົ້າປະດັບດິນ

ໝາກຫວາຍ: ເປັນພຶດທີ່ມີທົ່ວໄປ ເຊິ່ງໃນທົ່ວໂລກມີຫວາຍເກືອບ 600 ຊະນິດ. ໃນ ສປປ ລາວ ຫວາຍເປັນພຶດເສດຖະກິດທີ່ສໍາຄັນຊະນິດໜຶ່ງ ເຊິ່ງສະແດງອອກໃນເຄື່ອງຈັກສານໃນບ້ານເຮົາ ທີ່ນິຍົມເອົາມາເປັນວັດຖຸດິບຫຼັກໆ  ເຊິ່ງຫວາຍທີ່ນໍາມາເຮັດເຄື່ອງຈັກສານຈະມີຫຼາກຫຼາຍຊະນິດ ເປັນຕົ້ນແມ່ນ ຫວາຍທອກ ຫວາຍແດງລາວ ຫວາຍບອງເອິ ຫວາຍໜາມຫ່າງ ແລະ ອຶ່ນໆອີກຫຼາຍຊະນິດໃນໝາກຫວາຍ ມີແຄລຊຽມ ແລະ ວິຕາມິນຊີ ໃນ 100 ກຣັມ ໃຫ້ພະລັງງານສູງເຖິງ 79 ແຄລໍຣີ ຄາໂບໄຮເດ 18,6 ກຣັມ

ບ່ອນສະແດງໂຄສະນາ

ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ໝາກເໝົ້າ: ເປັນໝາກໄມ້ທີ່ມີຄຸນຄ່າທາງໂພຊະນາການຫຼາກຫຼາຍ ໂດຍໝາກເໝົ້າສຸກຈະມີສານອາຫານທີ່ຈໍາເປັນຕໍ່ຮ່າງກາຍຫຼາຍຊະນິດເຊັ່ນ: ມີກົດອະມິໂນທີ່ຮ່າງກາຍຫຼາຍເຖິງ 18 ຊະນິດ ຈາກທັງໝົດ 20 ຊະນິດ. ນອກຈາກນີ້ຍັງມີແຄລຊຽມ, ທາດເຫຼັກ, ສັງກະສີ ແລະ ວິຕາມີນຕ່າງໆທີ່ເປັນປະໂຫຍດຕໍ່ຮ່າງກາຍ, ຊ່ວຍຕໍ່ຕ້ານອະນຸມູນອິດສະຫຼະໄດ້ຢ່າງດີ ແລະ ມີສັບພະຄຸນເປັນຢາສະໝຸນໄພຮັກສາອາການຕ່າງໆໄດ້ອີກ.
ໝາກສຸກສາມາດຮັບປະທານໄດ້ ຫຼື ຈະນໍາໄປຕໍາສົ້ມກໍໄດ້ ແລະ ໃນປັດຈຸບັນໄດ້ມີຜະລິດຕະພັນວາຍໝາກເໝົ້າອີກດ້ວຍ

ໝາກກໍ່ປ່າ ຫຼື ເກົາລັດປ່າ ມີໝາກຂ້ອນຂ້າງກົມ ສີຂຽວ ມີຂົນແຫຼມ ເມື່ອແກ່ອອກຈະມີສີນໍ້າຕານ ແລະ ແຕກອອກ ສ່ວນເນື້ອໃນເມັດກິນເປັນອາຫານ ລົດຊາດຄ້າຍໆເກົາລັດ ຖ້າຮັບປະທານກໍ່ຕ້ອງທຸບເອົາເປືອກທີ່ມີໜາມອອກກ່ອນ ແລ້ວນໍາມາຂົ້ວໃຫ້ຫອມເປັນອາຫານກິນຫຼີ້ນຂອງເດັກນ້ອຍສະໄໝກ່ອນ ມັກມີຕາມປ່າ ເຊິ່ງປັດຈຸບັນນີ້ ຫາກິນຍາກແລ້ວ ນອກຈາກສະເພາະໃນຍາມບຸນເຂົ້າປະດັບດິນນີ້ເທົ່ານັ້ນ

ໝາກເຄັງ ເປັນໝາກໄມ້ພື້ນບ້ານທີ່ເຮົາຈະມັກເຫັນຕາມຕະຫຼາດແຄມທາງໃນເຂດນອກ. ໝາກດິບນໍາມາຕົ້ມກິນແກ້ຮ້ອນໃນ ສ່ວນໝາກສຸກຈະເປັນສີດຳ ລົດຊາດຫວານປົນຝາດ ເຊິ່ງມາຮອດປັດຈຸບັນນີ້ ແມ່ນພົບເຫັນໜ້ອຍແລ້ວ ຈະເຫັນມີຂາຍໃນຕະຫຼາດສະເພາະໃນເວລາບຸນຫໍ່ເຂົ້າເທົ່ານັ້ນ

ໝາກຄໍ້ ສາມາດນໍາມາເປັນອາຫານ ດ້ວຍວິທີການຈຸ່ມໃສ່ນ້ຳອຸ່ນ, ຈະມີລົດຊາດມັນ ໂດຍສະເພາະແມ່ນຜູ້ເຖົ້າມັກບ່າຍກັບເຂົ້າໝຽວ. ຍອດອ່ອນສາມາດເຮັດເປັນອາຫານໄດ້ຫຼາຍລາຍການຈະມີລົດຊາດຫວານ. ໃບສາມາດນຳໄປໃຊ້ໃນການມຸງຫຼັງຄາ ແລະ ເຮັດເປັນສາດໄດ້

ແນວໃດກໍ່ຕາມ, ໃນຫໍ່ເຂົ້າຈະປະກອບໄປດ້ວຍ ອາຫານຄາວ ຫວານ ໝາກໄມ້ ເຂົ້າຕົ້ມ ແລະ ອຶ່ນໆ ເຊິ່ງມາຮອດປັດຈຸບັນ ໄດ້ມີອາຫານຫຼາກຫຼາຍຊະນິດທີ່ໄດ້ນຳມາໃສ່ໃນຫໍ່ເຂົ້າ

LEAVE A REPLY

Please enter your comment!
Please enter your name here