ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ເນື່ອງໃນໂອກາດການກຳເນີດ ແລະ ຂະຫຍາຍຕົວຂອງອົງການແນວລາວສ້າງຊາດ ຈະໝູນວຽນມາບັນຈົບຄົບຮອບ 70 ປີນີ້ (13 ສິງຫາ 1950-13 ສິງຫາ 2020) ການເສີມຂະຫຍາຍມູນເຊື້ອອັນສະຫງ່າລາສີຂອງແນວລາວສ້າງຊາດຕ້ອງສຸມໃສ່ຈັດຕັ້ງປະຕິບັດຫນ້າທີ່ວຽກງານຄື:

1). ເພີ່ມທະວີກ້ອນກໍາລັງມະຫາສາມັກຄີທົ່ວປວງຊົນຢ່າງແໜ້ນແຟ້ນກ່ວາເກົ່າ ບົນພື້ນຖານຄວາມເປັນເອກະພາບໃນອຸດົມການແຫ່ງການສ້າງປະເທດໃຫ້ຮັ່ງມີເຂັ້ມແຂງ, ປະຊາຊົນຮັ່ງມີຜາສຸກ ແລະ ສັງຄົມມີປະຊາທິປະໄຕ, ສີວິໄລ ແລະ ຍຸຕິທໍາ; ຖືຄວາມສາມັກຄີເປັນອັນໜຶ່ງອັນດຽວ ຂອງທົ່ວປວງຊົນເປັນປັດໃຈການຕັດສິນການຄົງຕົວ ແລະ ຂະຫຍາຍຕົວຂອງຊາດ.

2). ປຸກລະດົມກໍາລັງແຮງຂອງປະຊາຊົນທຸກເຜົ່າ, ທຸກຊັ້ນຄົນ, ສາສະ ໜາ ແລະ ເພດ-ໄວ ເຂົ້າ ຮ່ວມໃນທຸກຂະບວນການວຽກງານ ແຫ່ງການພັດທະນາປະເທດຊາດຢ່າງຫ້າວຫັນ ແລະ ມີຜົນສໍາເລັດຢ່າງຈົບງາມ ບົນພື້ນຖານຄວາມຮັກຊາດ, ຈິດໃຈເອກະລາດ, ເປັນເຈົ້າຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ.

ບ່ອນສະແດງໂຄສະນາ

ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

3). ເພີ່ມທະວີບົດບາດ ແລະ ເຊີດຊູຄວາມສາມາດຂອງການຈັດຕັ້ງແນວລາວສ້າງຊາດ ເພື່ອເຕົ້າໂຮມຄວາມສາມັກຄີ ແລະ ເສີມຂະຫຍາຍສິດເປັນເຈົ້າ ຂອງປະຊາຊົນບັນດາເຜົ່າ, ສືບຕໍ່ປະຕິບັດພາລະກິດປຽນແປງໃໝ່ ໃຫ້ໄດ້ຮັບຜົນສໍາເລັດໃຫຍ່ຫຼວງກວ່າເກົ່າ, ຮັບປະກັນສະຖຽນລະພາບທາງດ້ານການເມືອງ ແລະ ຄວາມເປັນລະບຽບຮຽບຮ້ອຍຂອງສັງຄົມ; ພັດທະນາເສດຖະກິດ-ສັງຄົມໃຫ້ຂະຫຍາຍຕົວຢ່າງຕໍ່ເນື່ອງ, ເພີ່ມທະວີຄວາມເຊື່ອໝັ້ນຂອງມະຫາຊົນ ຕໍ່ການນໍາພາຂອງພັກ ແລະ ອົງການປົກຄອງຂັ້ນຕ່າງໆ.

4). ໂຄສະນາ, ສຶກສາອົບຮົມ, ປຸກລະດົມເສີມຂະຫຍາຍສິດເປັນເຈົ້າຂອງປະຊາຊົນບັນດາເຜົ່າ ໃນການປະຕິບັດແນວທາງ, ນະໂຍບາຍ, ລັດຖະທໍາມະນູນ, ກົດໝາຍ ແລະ ແຜນພັດທະນາເສດຖະກິດສັງຄົມ ຂອງຊາດແຕ່ລະໄລຍະ.

5). ຫັນທິດລົງກໍ່ສ້າງແນວໂຮມຂັ້ນເມືອງໃຫ້ເປັນຫົວໜ່ວຍເຂັ້ມແຂງຮອບດ້ານ, ສ້າງແນວໂຮມ ຂັ້ນບ້ານໃຫ້ເປັນຫົວໜ່ວຍພັດທະນາ ເປັນບ່ອນຈັດຕັ້ງປະຕິບັດຕົວຈິງໃນທຸກຂົງເຂດວຽກງານຂອງ ແນວໂຮມ. ພ້ອມກັນນີ້, ອົງການແນວລາວສ້າງຊາດ ແລະ ອົງການພາຄີໃຫ້ສືບຕໍ່ປຸກລະດົມ ແລະ ຊຸກຍູ້ ປະຊາຊົນສ້າງປັບປຸງກອງທຶນພັດທະນາຂັ້ນບ້ານ ໃຫ້ເກີດດອກອອກຜົນ ເພື່ອເປັນມາດຖານຕົວຈິງອັນໜຶ່ງໃນການແກ້ໄຂຄວາມທຸກຍາກ.

6). ສ້າງສາຍພົວພັນມິດຕະພາບກັບບັນດາອົງການຈັດຕັ້ງແນວໂຮມ ຂອງບັນດາປະເທດເພື່ອນມິດຍຸດທະສາດ, ເປີດກວ້າງການພົວພັນຮ່ວມມືກັບຕ່າງປະເທດ, ພາກພື້ນ ແລະ ສາກົນ; ປະກອບສ່ວນ ເພີ່ມທະວີສາຍພົວພັນມິດຕະພາບ ລະຫວ່າງປະຊາຊາດໃນການຮ່ວມມື ແລະ ການພັດທະນາ ລວມທັງ ການສະຫນັບສະໜູນຂະບວນການຕໍ່ສູ້ ເພື່ອສັນຕິພາບ ແລະ ຄວາມກ້າວໜ້າທາງສັງຄົມໃນໂລກ.

7) ປີ 2020 ແມ່ນປີທີ່ມີຄວາມໝາຍສໍາຄັນຍິ່ງໃຫຍ່ຂອງພັກຂອງຊາດ, ອົງການແນວລາວສ້າງຊາດ ແລະອົງການຈັດຕັ້ງມະຫາຊົນ ເພາະວ່າມີວັນຄົບຮອບສ້າງຕັ້ງໃຫຍ່ໆຄື: ວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 65 ປີ, ວັນສະຖາປານາ ສປປລາວຄົບຮອບ 45 ປີ, ວັນຄ້າຍວັນເກີດທ່ານປະທານ ໄກສອນ ພົມວິຫານ ຄົບຮອບ 100 ປີ, ວັນສ້າງຕັ້ງແນວລາວສ້າງຊາດ ຄົບຮອບ 70 ປີ ແລະວັນສ້າງຕັ້ງອົງການຈັດຕັ້ງມະຫາຊົນ(ແມ່ຍິງ, ຊາວໜຸ່ມ). ພັກ ແລະ ລັດຖະບານກໍ່ໄດ້ມີຂໍ້ຕົກລົງ ແລະ ຄໍາແນະນໍາລະດັບຊາດໃນການສະເຫລີມສະຫລອງວັນສໍາຄັນດັ່ງກ່າວ. ສໍາລັບແນວລາວສ້າງຊາດກໍ່ໄດ້ມີແຜນການຈັດກິດຈະກຳ ເພື່ອຂໍ່ານັບຮັບຕ້ອນ ແລະ ສະເຫລີມສະຫລອງ ແຕ່ວ່າໄລຍະນີ້ພະຍາດໂຄວິດ 19 ແຜ່ລະບາດທົ່ວໂລກ, ລັດຖະບານລາວມີຄວາມເປັນຫ່ວງເປັນໃຍຕໍ່ສຸຂະພາບ ແລະຊີວິດຂອງປະຊາຊົນລາວ ຈິ່ງອອກນິຕິກໍາຫລາຍສະບັບເພື່ອຢັງຢັ້ງ ແລະສະກັດກັ້ນການແຜ່ລະບາດຢູ່ ສປປລາວ ຈິ່ງພາໃຫ້ກິດຈະກຳ ແລະ ຂະບວນການຕ່າງໆຖືກໂຈະ ແລະ ເລື່ອນ ຈົນກ່ວາສະພາບເຂົ້າສູ່ປົກກະຕິ.

LEAVE A REPLY

Please enter your comment!
Please enter your name here