ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ວັນທີ 10 ສິງຫາ 2020, ສູນຂ່າວສານການແພດສຸຂະສຶກສາ ໄດ້ລາຍງານຕົວເລກຜູ້ຕິດເຊື້ອໄຂ້ຍຸງລາຍ ໂດຍໂຕເລກຫຼ້າສຸດ ທີ່ລາຍງານໃນວັນ 8 ສິງຫາ 2020 ມີຜູ້ຕິດເຊື້ອພະຍາດໄຂ້ຍຸງລາຍສະສົມທັງໝົດ 4,707 ກໍລະນີ ເຊິ່ງໃນນີ້ຕິດເຊື້ອເພີ່ມ 194 ກໍລະນີ ແລະ ເສຍຊີວິດແລ້ວ 9 ກໍລະນີ, ຈາກບົດລາຍງານສັງເກດເຫັນວ່າ ຕົວເລກຜູ້ຕິດເຊື້ອສະສົມຫຼາຍທີ່ສຸດແມ່ນ ນະຄອນຫຼວງວຽງຈັນ ມີຜູ້ຕິດເຊື້ອ 1,065 ກໍລະນີ ເພີ່ມຂຶ້ນ 38 ກໍລະນີ ຮອງລົງມາແມ່ນແຂວງບໍລິຄໍາໄຊ ມີ 542 ກໍລະນີ ເພີ່ມຂຶ້ນ 10 ກໍລະນີ ແລະ ແຂວງວຽງຈັນ ມີ 541 ກໍລະນີ ເພີ່ມຂຶ້ນ 76 ກໍລະນີ ສ່ວນແຂວງທີ່ມີຜູ້ຕິດເຊື້ອໜ້ອຍທີ່ສຸດ ແມ່ນ ແຂວງຊຽງຂວາງ ມີ 1 ກໍລະນີ ແລະ ແຂວງຫົວພັນ ມີ 2 ກໍລະນີ

ທາງຄະນະສະເພາະກິດຍັງໄດ້ຮຽກຮ້ອງໃຫ້ພໍ່ແມ່ປະຊາຊົນ, ຊຸມຊົນ ແລະ ອໍານາດການປົກຄອງ ຮ່ວມແຮງຮ່ວມໃຈກັນ ໃນການປ້ອງກັນ ບໍ່ໃຫ້ຍຸງກັດ ແລະ ທໍາລາຍແຫຼ່ງເພາະພັນຂອງຍຸງເປັນປະຈໍາທຸກໆອາທິດ ໃຫ້ຖືວ່າ ແມ່ນຫນ້າທີ່ຮັບຜິດຊອບ ຂອງຫມົດທຸກຄົນ

ຖ້າຫາກທ່ານເປັນໄຂ້ ໃຫ້ຮີບຮ້ອນໄປພົບແພດຫມໍດ່ວນ ເພື່ອຮັບການປິ່ນປົວແຕ່ຫົວທີ ໃຫ້ທ່ວງທັນກັບເວລາ, ບໍ່ໃຫ້ຊື້ຢາມາກິນເອງ. ພ້ອມດຽວກັນນັ້ນ ຮຽກຮ້ອງໃຫ້ບັນດາທ່ານປະຕິບັດຕາມ 5 ປ ຢ່າງຖືກຕ້ອງ ແລະ ເຂັ້ມງວດ ກໍ່ຈະສາມາດຫຼຸດຜ່ອນ, ປ້ອງກັນການ ເຈັບເປັນ ແລະ ສະກັດກັ້ນການແຜ່ລະບາດຂອງເຊື້ອພະຍາດໄຂ້ຍຸງລາຍ

ບ່ອນສະແດງໂຄສະນາ

ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

LEAVE A REPLY

Please enter your comment!
Please enter your name here