ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ຈາກການເຮັດແບບສອບຖາມເມື່ອບໍ່ດົນມານີ້ ໂດຍເພສ InsideLaos ໄດ້ໂພສສຳຫຼວດວ່າຜູ້ໃຊ້ Facebook ຄົນລາວ ມັກສື່ສັງຄົມອອນລາຍໃດຫຼາຍທີ່ສຸດ ໂດຍອ້າງອິງຈາກສື່ສັງຄົມອອນລາຍທີ່ຄົນລາວໃຊ້ຫຼາຍ 2 ລາຍການຄື: Facebook ກັບ Instagram ແລະສື່ສັງຄົມອອນລາຍມາແຮງຈາກຈີນອີກໜຶ່ງລາຍການ ກໍ່ຄື Tiktok

ຜົນການສຳຫຼວດເຫັນວ່າ ຄົນລາວທີ່ໃຊ້ Facebook ໃນປັດຈຸບັນ ປະມານ 15% ເຫັນວ່າ Tiktok ເປັນສື່ສັງຄົມອອນລາຍທີ່ໜ້າສົນໃຈຫຼາຍກວ່າ Facebook ແລະ Instagram, ໃນຂະນະທີ່ 57% ແມ່ນຍັງມັກ Facebook, ແລະ ອີກ 28% ຕອບວ່າ Instagram ເປັນສື່ສັງຄົມອອນລາຍທີ່ໜ້າສົນໃຈຫຼາຍທີ່ສຸດ

ຜົນການສຳຫຼວດສະແດງໃຫ້ເຫັນວ່າ ຜູ້ນິຍົມໃຊ້ Facebook ໃນປັດຈຸບັນ ກໍ່ໃຊ້ສື່ສັງຄົມອອນລາຍອຶ່ນໄປພ້ອມໆ ກັນ ແລະ ຍັງສະແດງໃຫ້ເຫັນວ່າ Tiktok ມີອິດທິພົນຕໍ່ການເລືອກໃຊ້ສື່ສັງຄົມອອນລາຍຂອງຄົນລາວອີກດ້ວຍ

ບ່ອນສະແດງໂຄສະນາ

ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ແນວໃດກໍຕາມ, ການສໍາຫຼວດນີ້ບໍ່ໄດ້ລວມເຖິງຜູ້ທີ່ປ່ຽນໃຈຈາກ Facebook ໄປໃຊ້ Instagram  ແລະ  Tiktok ຢ່າງສົມບູນແລ້ວ ເຊິ່ງຫາກຄິດລວມຜູ້ທີ່ບໍ່ກັບມາໃຊ້ Facebook ອີກ ຜົນການສຳຫຼວດນີ້ອາດຫຼາຍຂື້ນ ຫຼື ໜ້ອຍລົງກວ່ານີ້ກໍໄດ້ ນອກຈາກນີ້ ຍັງເປັນການເກັບຂໍ້ມູນແບບເລືອກ 1 ຄໍາຕອບເທົ່ານັ້ນ ຜົນການສຳຫຼວດຈຶ່ງບໍ່ໄດ້ສະແດງວ່າ ຜູ້ຕອບແບບສອບຖາມມັກສື່ສັງຄົມອອນລາຍພຽງຕົວດຽວ

ສຳລັບການສຳຫຼວດຄັ້ງນີ້ InsideLaos ໃຊ້ເວລາເກັບຂໍ້ມູນ 10 ມື້ ລະຫວ່າງວັນທີ 27 ກໍລະກົດ ຫາ 6 ສິງຫາ 2020, ໂດຍມີຜູ້ຕອບແບບສອບຖາມທັງໝົດ 754 ບັນຊີ, ແລະ ໃຊ້ການສຸ່ມສົ່ງຄຳຖາມຢ່າງບໍ່ເປັນທາງການ ໄປຍັງຜູ້ທີ່ຍັງໃຊ້ Facebook ໃນຊ່ວງເວລາດັ່ງກ່າວ

ສຳລັບໃຜທີ່ເຫັນດີນຳ ຫຼື ບໍ່ເຫັນດີນໍາ ກັບຜົນການສຳຫຼວດຄັ້ງນີ້ ສາມາດສະແດງຄວາມຄິດເຫັນໄວ້ຢູ່ຄອມເມັ້ນເລີຍ

LEAVE A REPLY

Please enter your comment!
Please enter your name here