ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ກ່ອນໜ້ານີ້ໄດ້ເກີດມີຝົນຕົກໜັກຕິດຕໍ່ກັນ 3-4 ມື້, ເຊິ່ງນັບແຕ່ ວັນທີ 1-6 ສິງຫາ 2020 ໄດ້ເຮັດໃຫ້ສາຍນໍ້າຊັນ; ນໍ້າລາດ, ນໍ້າໝາງ ແລະນໍ້າປາງ ແລະ ສາຍນໍ້າອື້ນໆ ຂຶ້ນສູງໄຫລຖ້ວມບາງບ້ານຂອງເມືອງບໍລິຄັນທີ່ຢູ່ບ່ອນຕໍ່າ ແລະ ເຮັດໃຫ້ບ້ານເຮືອນປະຊາຊົນສ່ວນໜື່ງໃນເຂດພື້ນທີ່ຢູ່ລຽບຝັ່ງແມ່ນ້ຳດັ່ງກ່າວຈໍານວນ 8 ບ້ານຄື: ບ້ານວັດທາດ, ນາແຫນ, ຫາດດອນຄູນ, ຫາດໂພ, ໂພນຂາມ, ທົ່ງພັນຄຳ, ກົກໂພ, ໂພນມຸງຄູນ ແລະ ບ້ານອື່ນໆຈໍານວນໜຶ່ງທັງໝົດ 522 ຄອບຄົວ 

ໄດ້ສົ່ງຜົນກະທົບໃນຄັ້ງນີ້ເປັນຕົ້ນແມ່ນລະບົບໄຟຟ້າ, ນ້ຳປະປາ ແລະ ພື້ນຖານໂຄງລ່າງດ້ານສາທາລະນະ, ໄຮ່-ນາ,ຮົ້ວ-ສວນ ແລະ ສັດລ້ຽງຈຳນວນໜຶ່ງຜົນເສຍຫາຍໃນເບື່ອງຕົ້ນ ນໍ້າຖ້ວມເນື້ອທີ່ໄຮ-ນາ 80 ເຮັດຕາ, ສ່ວນມັນຕົ້ນ 7,2 ເຮັດຕາ, ສັດລ້ຽງຄວາຍ-ງົວ 2 ໂຕ, ໝູ 33 ໂຕ, ແບ້ 4 ໂຕ, ສັດປີກ 65 ໂຕ, ໜອງປາ 15 ໜອງ; ທຽບໃສ່ປີ 2018 ຖືກຜົນກະທົບນໍ້າຖ້ວມ 17 ບ້ານ, 492 ຄອບຄົວ.

ການກະກຽມຮັບມືທາງເມືອງມີຈຸດເຕືອນທີ່ທັນສະໄໝ, ເຮືອກູ້ໄຟກຽມພ້ອມ ແລະໄດ້ແຕ່ງຄະນະຮັບຜິດຊອບໄພພິບັດຂັ້ນເມືອງຢ່າງຈະແຈ້ງປະຈໍາການປົກກະຕິກຽມພ້ອມ 24 ຊົ່ວໂມງ.

ບ່ອນສະແດງໂຄສະນາ

ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ສໍາລັບຈຸດທີ່ມີຄວາມສ່ຽງແມ່ນທາງຄະນະຮັບຜິດຊອບໄດ້ລົງສົມທົບກັບອໍານາດການປົກຄອງບ້ານເຄື່ອນຍ້າຍຂຶ້ນສູ່ຈຸດປອດໄພທີ່ທາງຄະນະຮັບຜິດຊອບໄດ້ກໍານົດໄວ້.

ມາຮອດປະຈຸບັນ, ເຮັດໃຫ້ປະຊາຊົນຢູ່ເຂດນ້ຳຖ້ວມຂາດແຄນນ້ຳກິນ ເຂົ້າສານອາຫານ ແລະ ເຄື່ອງອຸປະໂພກ-ບໍລິໂພກປະຈໍາວັນ ເຊິ່ງທາງອຳນາດການປົກຄອງທຸກຂັ້ນ ໂດຍສະເພາະການນໍາຂັ້ນແຂວງກໍໄດ້ມີຄວາມເປັນຫ່ວງເປັນໄຍນຳພໍ່ແມ່ປະຊາຊົນໄດ້ນຳເອົາເຄື່ອງມາຊ່ວຍເຫລືອ ຈໍານວນໜຶ່ງ ນ້ຳດື່ມ,ອາຫານສຳເລັດຮູບ ແລະ ເຄື່ອງໃຊ້ອື່ນໆທີ່ຈໍາເປັນ ອີກເທື່ອໜຶ່ງຮຽກຮອງມາຍັງບັນດາທ່ານທີ່ຍາກຊ່ວຍເຫລືອປະຊາຊົນທີ່ຖືກນໍ້າຖ້ວມທາງເມືອງກໍຍິນດີຕ້ອງຮັບພ້ອມຮັບເອົາເຄື່ອງຊ່ວຍເຫຼືອຈາກບັນດາທ່ານ.

LEAVE A REPLY

Please enter your comment!
Please enter your name here