ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ວັດໄຕນ້ອຍ ຣັດຕະນະມຸງຄຸນ ຕັ້ງຢູ່ ເມືອງສີໂຄດຕະບອງ ນະຄອນຫລວງວຽງຈັນ, ເມື່ອກ່ອນວັດແຫ່ງນີ້, ເຄີຍເປັນວັດທີ່ເຈົ້າມະຫາອຸປະຣາຊເພັດຊະຣາຊ ເຄີຍອຸປະຖຳຄ້ຳຊູ ແລະ ຊ່ວຍເຫຼືອໃນການປະຕິສັງຂອນ ແລະທີ່ສຳຄັນ ໃນວັດໄຕນ້ອຍນີ້ ຍັງເປັນບ່ອນປະດິດສະຖານຂອງພຣະພຸດທະຮູບທອງສຳຣິດທີ່ເມື່ອກ່ອນ ປະດິດສະຖານຢູ່ໜ້າກົມມະລຽນຂອງວັດສີສະເກດ

ພຣະທອງສຳຣິດອົງນີ້ ເມື່ອກ່ອນເປັນພຣະປະທານຂອງວັດກາງ (ບໍລິເວນໂຮງແຮມລ້ານຊ້າງປັດຈຸບັນນີ້) ເຊິ່ງວັດກາງເປັນວັດທີ່ຮຸ່ງເຮືອງເຫຼືອງເຫຼືອມຂອງພຣະພຸດທະສາສະໜາ ໃນຍຸກຂອງເຈົ້າສຸຣິຍະວົງສາ ທັມມິກກະຣາຊ ຄສ 1618-1695 ພຣະອົງນີ້ແມ່ນມີຮູບຮ່າງລັກສະນະ ທັງພຣະພັກ ຕັ້ງແຕ່ເກດຮອດພຣະບາທນັ້ນ ແມ່ນເພິ່ນຄົງຖອນແບບອອກມາຈາກ ພຣະເຈົ້າໃຫຍ່ອົງຕື້ ຂອງວັດອົງຕື້ ມະຫາວິຫາຣ ຕ່າງແຕ່ຂອງໜາດຂອງພຣະອົງນີ້ຈະນ້ອຍກວ່າພຣະເຈົ້າອົງຕື້

ເມື່ອເມືອງວຽງຈັນໄດ້ມີການບູຣະນະປະຕິສັງຂອນຈາກການທີ່ເປັນເມືອງຮ້າງຢ່າງເປັນຈິງເປັນຈັງ ເຊິ່ງບັນດາວັດວາອາຮາມໃນເຂດນອກກຳແພງເມືອງເຊັ່ນ : ວັດສີຖານ, ວັດຊຽງແວ່, ວັດຫົວເມືອງ, ວັດຂຸນຕາ, ວັດອູບມຸງ, ວັດໄຕນ້ອຍ, ວັດໄຕໃຫຍ່, ວັດໂພນໄຊ , ວັດໂພນພະເນົາ , ວັດໜອງບອນ, ວັດທາດຫລວງ ແລະ ວັດອື່ນໆອີກລວມປະມານ 40 ກວ່າວັດແມ່ນໄດ້ມີການບູຣະນະປະຕິສັງຂອນຄືນໃນປີ ຄສ 1954 ເປັນຕົ້ນມາ

ບ່ອນສະແດງໂຄສະນາ

ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ນອກຈາກນີ້, ວັດໄຕນ້ອຍ ແລະ ວັດໄຕໃຫຍ່ ກໍ່ເປັນວັດທີ່ກ່ຽວພັນກັນມາແຕ່ໃນອະດິດ ເພາະໃນຍາມຮອດບຸນນະມັດສະການພຣະທາດຫລວງ ເວລາແຫ່ຜາສາດເຜິ້ງ ທັງ 2 ວັດກໍ່ຈະມີການແຫ່ຜາສາດເຜິ້ງໄປຫາກັນ ຄ້າຍຄືວັດອົງຕື້ ກັບ ວັດອິນແປງ ແຕ່ດຽວນີ້ວັດໄຕນ້ອຍແມ່ນບໍ່ມີການແຫ່ຜາສາດເຜິ້ງ ໃນຍາມບຸນນະມັດສະການພຣະທາດຫລວງແລ້ວ

ຂອບໃຈຂໍ້ມູນຈາກ: ຄັງ-ສາງ Kung-Sung

LEAVE A REPLY

Please enter your comment!
Please enter your name here