ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ໃນວັນທີ 5 ສິງຫານີ້, ຫ້ອງການສາທາລະນະສຸກເມືອງລະຄອນເພັງ ແຂວງສາລະວັນ ໄດ້ຈັດພິທີທຳລາຍຜະລິດຕະພັນເຄື່ອງສຳອາງທີ່ມີສານຕ້ອງຫ້າມ, ອາຫານໝົດອາຍຸ, ເຊື່ອມຄຸນນະພາບ, ບໍ່ມີສະຫລາກ ແລະ ບໍ່ຮັບປະກັນຄຸນນະພາບ ຂຶ້ນຢູ່ທີເດີນຫ້ອງການສາທາລະນະສຸກເມືອງ, ເປັນກຽດເຂົ້າຮ່ວມໂດຍ ທ່ານ ພູວຽງ ຜີ່ນຄຳຜີວ ກຳມະການພັກເມືອງ-ຫົວໜ້າຫ້ອງການສາທາລະນະສຸກເມືອງ ພ້ອມພາກສ່ວນພະແນກສາທາລະນະສຸກແຂວງ, ມີຄະນະກຳມະການຄຸ້ມຄອງ, ຕິດຕາມກວດກາ, ສະກັດກັ້ນ ເຄື່ອງ ອຸປະໂພກ ແລະ ບໍລິໂພກ, ເຄື່ອສໍາອາງຕ້ອງຫ້າມ ແລະ ສິນຄ້າໝົດອາຍຸ ຂັ້ນເມືອງເຂົ້າຮ່ວມ.

ເພື່ອເຮັດໃຫ້ປະຊາຊົນຊາວເມືອງລະຄອນເພັງ ໄດ້ບໍລິການຊົມໃຊ້ ຜະລິດຕະພັນປະເພດອາຫານເຄື່ອງດື່ມ, ເຄື່ອງກົດສະເມຕິກ ແລະ ເຄື່ອງສຳອາງ ທີ່ຮັບປະກັນຄຸນນະພາບ ແລະ ຖືກຕ້ອງຕາມລະບຽບກົດໝາຍ ຜູ້ປະກອບການມີຄວາມເປັນລະບຽບຮຽບຮ້ອຍ ແລະ ເປັນເອກະພາບ ໃນຂອບເຂດທົ່ວປະເທດ ເວົ້າລວມເວົ້າສະເພາະໃນຂອບເຂດເມືອງລະຄອນເພັງ ບາງຊະນິດສິນຄ້າ ບໍ່ທັນໄດ້ຮັບປະກັນຄຸນນະພາບ ຫລື ໝົດອາຍຸນໍາໃຊ້ເຊັນ ອາຫານປະເພດກະປ໋ອງ, ໜີ່, ນົມ, ນໍ້າແປບຊີ, ເຄື່ອງດື່ມຕ່າງໆ ແລະ ເຄື່ອງສຳອາງຈໍານວນໜຶ່ງ.

ຈໍານວນຮ້ານທີ່ກວດທັງໝົດ 77 ຮ້ານ, ກວດພົບ 51 ຮ້ານ, ບໍ່ພົບ 26ຮ້ານ, ລວມມູນຄ່າທັງໝົດທີຍຶດໄດ້ 10,738,000 ກີບ. ສິນຄ້າດັ່ງກ່າວແມ່ນໄດ້ນໍາເອົາມາຈູດທໍາລາຍ.

ບ່ອນສະແດງໂຄສະນາ

ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ດັ່ງນັ້ນ, ຈຶ່ງຮຽກຮ້ອງໃຫ້ຜູ້ປະກອບການຖືສຳຄັນໃນການປະຕິບັດລະບຽບກົດໝາຍ ແລະ ກວດກາເບິ່ງສິນຄ້າກ່ອນທີຈະນໍາມາວາງຂາຍ ສ່ວນຜູ້ບໍລິໂພກກ່ອນຈະຊື້ເຄື່ອງບໍລິໂພກປະເພດອາຫານແຫ້ງກໍ່ຄວນກວດກາເບິ່ງ ວັນເດືອນປີຜະລິດໃຫ້ລະອຽດເພື່ອໃຫ້ໄດ້ຮັບສີນຄ້າທີດີ ມີຄຸນນະພາບ ແລະ ປອດໄພຕໍ່ສຸຂະພາບ.

LEAVE A REPLY

Please enter your comment!
Please enter your name here