ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ຖ້າຍ້ອນກັບໄປໃນປີ ຄສ 1973 ຈົນມາຮອດປະຈຸບັນນັບເປັນເວລາ 47 ປີແລ້ວທີ່ ບໍລິສັດ ເບຍລາວ ຈໍາກັດ ໄດ້ຢູ່ຄຽງຄູ່ກັບສັງຄົມລາວຢ່າງສະໜິດແໜ້ນ ແລະ ໃນຕະຫຼອດໄລຍະທີ່ຜ່ານມາບໍລິສັດ ໄດ້ຖືເອົາການໂຄສະນາປະຊາສຳພັນ ຕິດພັນກັບການສົ່ງເສີມ ແລະ ຮັກສາ ວັດທະນະທຳ-ຮີດຄອງປະເພນີອັນດີງາມຂອງລາວຢູ່ສະເໝີ.

ເພື່ອຕໍ່ຍອດສື່ໂຄສະນາຂອງ ເບຍລາວ “ພູມໃຈໃນລາວເປັນລາວ” ທີ່ໄດ້ນໍາໃຊ້ລະຫວ່າງປີ 2017-2019 ແລະ ສານຕໍ່ເຈດຕະນາລົມໃນການສົ່ງເສີມ ແລະ ອະນຸລັກວັດທະນະທຳ-ຮີດຄອງປະເພນີຂອງລາວ ທາງ ບໍລິສັດ ເບຍລາວ ຈຳກັດ ຈຶ່ງໄດ້ສ້າງສື່ໂຄສະນາໂຕໃໝ່ພາຍໃຕ້ແນວຄວາມຄິດ: “ຄວາມເປັນລາວ ຫຼື Be Lao” ໂດຍໄດ້ຖ່າຍທອດຜ່ານໜັງໂຄສະນາ 4 ເລື່ອງ ທີ່ໄດ້ເວົ້າເຖີງຄຸນຄ່າ ຂອງຄວາມເປັນລາວ ແລະ ວັດທະນະທຳອັນດີງາມຂອງຊາດ ທີ່ເຮັດໃຫ້ຄົນລາວພາກພູມໃຈໃນຄວາມເປັນລາວ.

4 ຄຸນຄ່າທີ່ໄດ້ຍົກມານໍາສະເໜີໃນຄັ້ງນີ້ລວມມີ: 1). ຄວາມຈິງໃຈຂອງຄົນລາວ; 2).ຄວາມສາມັກຄີກົມກຽວ; 3). ປະເພນີບາສີສູ່ຂວັນສ້າງສັດທາ ແລະ 4). ບຸນປະເພນີປີໃໝ່ລາວ ເຊິ່ງແຕ່ລະເລື່ອງມີເນື້ອໃນດັ່ງລຸ່ມນີ້:

ບ່ອນສະແດງໂຄສະນາ

ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ
  1. ຄວາມຈິງໃຈຂອງຄົນລາວ

ໜັງເລືອງທີ່ 1 ມີຊື່ວ່າ “ຈິງໃຈ” ເປັນໜັງໂຄສະນາທີ່ໄດ້ເວົ້າເຖິງຄວາມຈິງໃຈຂອງຄົນລາວຜ່ານການເລົ່າເລື່ອງກ່ຽວກັບການຕ້ອນຮັບແຂກ-ຮັບຄົນ ເຊິ່ງຖືວ່າເປັນເອກະລັກຢ່າງໜື່ງທີ່ພົບເຫັນໃນວັດທະນະທຳຂອງຄົນລາວ ທີ່ບໍ່ຄືຊາດອື່ນ. ການເຊີນແຂກກິນເຂົ້າຮ່ວມພາແບບພີ່ນ້ອງ ແມ່ນການສະແດງອອກເຖີງຄວາມຈິງໃຈ ແລະ ຄວາມອົບອຸ່ນທີ່ຄົນລາວມອບໃຫ້ແກ່ເພື່ອນມິດ-ໝູ່ສະຫາຍ ແລະ ແຂກຕ່າງຖິ່ນທີ່ມາຢ້ຽມຢາມ. ອາຫານທີ່ກະກຽມໄວ້ຕ້ອນຮັບແຂກນັ້ນແມ່ນເຮັດດ້ວຍຄວາມເອົາໃຈໃສ່, ປານີດ ແລະ ພິຖີພິຖັນໃນທຸກຂັ້ນຕອນເພື່ອໃຫ້ໄດ້ອາຫານທີ່ແຊບຊ້ອຍ ເຊິ່ງລາຍການອາຫານທີ່ນິຍົມນຳມາປຸງແຕ່ງໄດ້ແກ່: ລາບ, ປີ້ງໄກ່, ຕໍາໝາກຫຸ່ງ, ແກງໝໍ່ໄມ້ ແລະ ອື່ນໆ ທີ່ເປັນອາຫານຕິດພັນກັບວິຖີຊິວິດຂອງຄົນລາວມາແຕ່ອາດີດຈົນເຖີງປະຈຸບັນ ທີ່ບົ່ງບອກເຖີງເອກະລັກຂອງຄວາມເປັນລາວ (Be Lao).

  • ຄວາມສາມັກຄີກົມກຽວ

ໜັງເລື່ອງທີ່ 2 ແມ່ນໄດ້ເວົ້າເຖີງ ຄວາມສາມັກຄີກົມກຽວ ຂອງຄົນລາວຜ່ານການເລົ່າເລື່ອງ “ປະເພນີບຸນຊ່ວງເຮືອ”. ປະເພນີແຂ່ງຂັນເຮືອພາຍ ແມ່ນປະເພນີທີ່ສະແດງເຖີງຄວາມສາມັກຄີຂອງຄົນລາວໃນຫຼາຍດ້ານເປັນຕົ້ນແມ່ນ: ສີພາຍຕ້ອງມີຄວາມພ້ອມພຽງເພື່ອນຳເຮືອເຂົ້າສູ່ຫຼັກໄຊກ່ອນຄູ່ແຂ່ງ ແລະ ກອງເຊຍເອງກໍ່ມີຄວາມສາມາຄີພ້ອມພຽງກັນສົ່ງແຮງໃຈໃຫ້ບັນດາສີພາຍ ແລະ ເຮັດໃຫ້ການແຂ່ງຂັນມີສີສັນ ເຊິ່ງສິ່ງເຫຼົ່ານີ້ ເປັນພື້ນຖານໃຫ້ແກ່ຄວາມສາມັກຄີກົມກຽວທີ່ມີໃນສັັງຄົມລາວ ແລະ ເປັນເອກະລັກຂອງຄວາມເປັນລາວ (Be Lao).

  • ປະເພນີບາສີສູ່ຂວັນສ້າງສັດທາ

ໜັງເລື່ອງທີ່ 3 ໄດ້ຍົກເອົາ ປະເພນີບາສີສູ່ຂວັນ ເຊິ່ງເປັນວັດທະນະທຳຂອງຄົນລາວທີ່ສືບທອດ ແລະ ປະຕິບັດກັນມາຫຼາຍຊົ່ວອາຍຸຄົນ. ປະເພນີບາສີສູ່ຂວັນ ແມ່ນຮີດຄອງລາວທີ່ເປັນຈຸດໃຈກາງຂອງການສ້າງຂວັນກຳລັງໃຈໃນໂອກາດຕ່າງໆເຊັ່ນ: ສະເຫຼີມສະຫຼອງປີໃໝ່ລາວ, ການຕ້ອນຮັບສະມາຊິກໃນຄອບຄົວ ຫຼື ອົງກອນ, ງານຂື້ນບ້ານໃໝ່, ການຕ້ອນຮັບແຂກຈາກຕ່າງແດນ ຈົນໄປເຖີງການສູ່ຂວັນໃຫ້ຜູ້ທີ່ຈະເດີນທາງໄປຮຽນຕໍ່ ຫຼື ເຮັດວຽກຢູ່ຕ່າງແດນ ແລະ ອື່ນໆ. ປະເພນີບາສີສູ່ຂວັນສ້າງສັດທາຄືເອກະລັກຂອງຄວາມເປັນລາວ(Be Lao).

  • ບຸນປະເພນີປີໃໝ່ລາວ

ໜັງເລືື່ອງທີ່ 4 ໄດ້ຍົກເອົາການສະຫຼອງບຸນປະເພນີປີໃໝ່ລາວ ເປັນເທດສະການທີ່ຄົນລາວສະເຫຼີມສະຫຼອງຢ່າງຍິ່ງໃຫຍ່ ແລະ ຄຶກຄື້ນໃນແຕ່ລະປີ ເປັນເທດສະການທີ່ທຸກຄົນຕ່າງກໍ່ລໍຄອຍ. ຫຼາຍຄົນທີ່ພັດພາກຈາກບ້ານກໍ່ຖືໂອກາດຫວນກັບຄືນບ້ານເກີດເພື່ອສະຫຼອງປີໃໝ່ກັບສະມາຊິກໃນຄອບຄົວ ແລະ ໝູ່ຄູ່. ແຕ່ມີກິດຈະກຳໜຶ່ງທີ່ມີຄວາມສຳຄັນໃນການສະເຫຼີມສະຫຼອງປີໃໝ່ລາວຄື ການສົມມາ ພໍ່ແມ່ ແລະ ຜູ້ມີພະຄຸນ ເພື່ອສະແດງເຊິ່ງຄວາມກະຕັນຍູຮູ້ບຸນຄຸນຂອງລູກຫຼານ ທີ່ຖືວ່າເປັນເອກະລັກຂອງຄວາມເປັນລາວ (Be Lao).

ແນວໃດກໍ່ຕາມ, ທ່ານສາມາດຮັບຊົມ ແລະ ຕິດຕາມຮູບເງົາທີ່ດຶງເອົາຄວາມເປັນລາວ (Be Lao) ທັງ 4 ເລື່ອງນີ້ໄດ້ຜ່ານທາງເພສ ເບຍລາວ https://www.facebook.com/beerlao/ ເຊີ່ງຈະຖືກປ່ອຍອອກເປັນໄລຍະ ໂດຍເລີ່ມຈາກເລື່ອງ “ຈິງໃຈ” ທີ່ກຳລັງເຜີຍແຜ່ຢູ່ໃນຂະນະນີ້.

LEAVE A REPLY

Please enter your comment!
Please enter your name here