ວັນທີ 30 ກໍລະກົດ 2020 ທີ່ ໂຮງແຮມ La Seine Hotel by Burasari, ນະຄອນຫຼວງວຽງຈັນ ກຸງສີໄດ້ຖະແຫຼງຂ່າວເປີດໂຕສະຖາບັນການເງິນຈຸລະພາກທີ່ບໍ່ຮັບເງິນຝາກ ກຸງສີ ຈຳກັດ (KSM) ຫຼື “ກຸງສີ ມັນນີ້ລາວ” ເຊິ່ງເຮັດໃຫ້ຄົນລາວສາມາດເຂົ້າເຖິງເງິນກູ້ສ່ວນບຸກຄົນໄດ້ຢ່າງສະດວກ ແລະ ງ່າຍດາຍ.

ທ່ານ ວິບູນ ຈິຣະພັດທະນະກູນ ປະທານ ກຸງສີ ມັນນີ້ລາວ ໄດ້ກ່າວໃນພິທີຖະແຫຼງຂ່າວວ່າ: ກຸງສີ ມັນນີ້ລາວ ມີຈຸດໝາຍທີ່ຈະເຮັດໃຫ້ຄົນລາວສາມາດເຂົ້າເຖິງການບໍລິການດ້ານການເງິນຈາກສະຖາບັນການເງິນມາດຕະຖານ. “ນີ້ເປັນຄັ້ງທຳອິດທີ່ຄົນລາວສາມາດກູ້ຢືມໄດ້ໂດຍບໍ່ມີຫຼັກຊັບ ຫຼື ຜູ້ຄ້ຳປະກັນ ແລະ ຖືວ່າເປັນອີກກ້າວໜຶ່ງ ຂອງກຸງສີ ໃນການໃຫ້ບໍລິການດ້ານການເງິນທີ່ດີທີ່ສຸດສຳລັບສັງຄົມລາວ

ສະຖາບັນການເງິນຈຸລະພາກທີ່ບໍ່ຮັບເງິນຝາກ ກຸງສີ ຈຳກັດ ຫຼື “ກຸງສີ ມັນນີ້ລາວ” ເປັນເຈົ້າຂອງໂດຍ ບໍລິສັດ ກຸງສີ ບໍລິການເຊົ່າສິນເຊື່ອ ຈໍາກັດ ຫຼື “ກຸງສີ ລິດຊິ້ງລາວ”  ທ່ານ ວິບູນ ຈິຣະພັດທະນະກູນ ກ່າວຕື່ມ 

ນອກຈາກນີ້, ທ່ານ ຈັນສະໝອນ ເພັດຊົມພູ ຫົວໜ້າຝ່າຍຂາຍສິນເຊື່ອສ່ວນບຸກຄົນ ກໍ່ໄດ້ໃຫ້ສຳພາດວ່າ: ສຳລັບເງື່ອນໄຂໃນການກູ້ຍືມເງີນແມ່ນເຮົາຈະມີຢູ່ສອງເງື່ອນໄຂຄື: 1, ສຳລັບພະນັກງານປະຈຳ ສີ່ງທີ່ຕ້ອງມີແມ່ນ ບັດປະຈຳໂຕ ຫຼື Passports, ເອກະສານທາງດ້ານການເງີນເປັນຕົ້ນແມ່ນໃບຢັ້ງຢືນເງີນເດືອນ ຫຼື Statement ເງີນເດືອນ ແລະ 2,ແມ່ນສຳລັບຊາວຄ້າຂາຍ ລູກຄ້າຕ້ອງມີ ບັດປະຈຳໂຕ, Passports ຫຼືປື້ມສຳມະໂນຄົວ ທີ່ສາມາດຢັ້ງຢືນຕົວຕົນຂອງເຮົາໄດ້ ຫຼືວ່າຖ້າລູກຄ້າມີບັນຊີເງີນຝາກ ເຮົາກໍ່ຈະໃຫ້ມີ Statement ຫຼືຖ້າບໍ່ມີ ກໍ່ຈະມີທີມງານລົງໄປກວດປະເມີນທຸລະກິດຂອງລູກຄ້າຕົວຈີງ 

ທ່ານຍັງໄດ້ກ່າວຕື່ມວ່າ: ໂດຍທັງສອງສ່ວນນີ້ ແມ່ນເຮົາພິຈາລະນາໃຫ້ສາມເທົ່າຂອງລາຍໄດ້ ເປັນການເລີ່ມຕົ້ນ ໃນກໍລະນີວ່າ ລູກຄ້າມີລາຍໄດ້10 ລ້ານກີບ ເຮົາກໍ່ສາມາດປ່ອຍເງີນກູ້ໄດ້ສູງສຸດ 30 ລ້ານກີບ, ແຕ່ສຳລັບຜູ້ທີ່ມີລາຍໄດ້ຕໍ່າລົງມາ ສູງສຸດແມ່ນສາມເທົ່າຂອງເງີນເດືອນ

LEAVE A REPLY

Please enter your comment!
Please enter your name here