ຄົນລາວສ່ວນໜຶ່ງ ບໍ່ພຽງແຕ່ລະເລີຍມາດຕະການ ການປ້ອງກັນໂຄວິດ-19 ສະເພາະຕົນເອງ ແຕ່ຍັງລະເລີຍຕໍ່ກັບມາດຕະການປ້ອງກັນພະຍາດໂຄວິດ-19 ຂອງສັງຄົມ ເຊິ່ງຈະເຮັດໃຫ້ການຄວບຄຸມພະຍາດໄດ້ຍາກຂຶ້ນ ຫາກມີການລະບາດຮອບສອງ 

ການຖືເບົາຍັງເປັນບັນຫາຂອງຄົນລາວ ບໍ່ຊ່ວຍເຫຼືອພາກລັດຖະບານຮັກສາມາດຕະການປ້ອງກັນພະຍາດໂຄວິດ-19 ໂດຍເຖິງວ່າຄະນະສະເພາະກິດ ຈະເນັ້ນຍໍ້າທຸກຄັ້ງໃນບົດແນະນຳ ແຕ່ປະຊາຊົນສ່ວນໃຫ່ຍຍັງບໍ່ສົນໃຈປະຕິບັດ ທັງໃນພື້ນທີ່ຊຸມຊົນທົ່ວໄປ ແລະ ຄົນອີກຈຳນວນບໍ່ນ້ອຍ ທີ່ບໍ່ເຮັດຕາມໃນພື້ນທີ່ນານາປະເທດໃຫ້ຄວາມສຳຄັນ ເປັນຕົ້ນແມ່ນສະໜາມບິນ

ພາບນີ້ ຖ່າຍເມື່ອວັນທີ່ 18 ກໍລະກົດທີ່ຜ່ານມາ ໃນຫ້ອງພັກຜູ້ໂດຍສານ ສະໜາມບິນພາຍໃນປະເທດແຫ່ງໜຶ່ງ ໂດຍໃນມື້ດັງກ່າວ ເຮົາຍັງເຊື່ອວ່າບໍ່ມີຜູ້ຕິດເຊື້ອຢູ່ໃນລາວ (ແຕ່ມາມື້ນີ້ ເຮົາຮູ້ແລ້ວວ່າ ໃນມື້ນັ້ນ ໄດ້ມີມີຜູ້ຕິດເຊື້ອເດິນທາງເຂ້າມາຍັງ ສປປ ລາວ ທີ່ສະໜາມບຶນວັດໄຕແລ້ວ)

ນອກຈາກຜູ້ໂດຍສານກຸ່ມດັ່ງກ່າວຈະບໍ່ໃຫ້ຄວາມສໍາຄັນກັບເລື່ອງເຄື່ອງໝາຍຮັກສາໄລຍະຫ່າງຢູ່ຕັ່ງ, ຍັງບໍ່ໃສ່ໜ້າກາກອະນາໄມ, ແລະ ຈັບກັນເປັນກຸ່ມຍ່າງໄປມາເພື່ອຖ່າຍພາບໝູ່ໃນຂອບເຂດຫ້ອງພັກຜູ້ໂດຍສານ. ເຊິ່ງລ້ວນແຕ່ຂັດກັບມາດຕະການທີ່ລັດຖະບານຂໍຄວາມຮ່ວມມືຈາກປະຊາຊົນ ໃນການຮັກສາຄວາມເປັນລະບຽບຮຽບຮ້ອຍໃນສັງຄົມ ທັງສິ້ນ

ທັງນີ້, ອິນໄຊລາວພົບວ່າ ທາງສະໜາມບິນ ແລະເຈົ້າໜ້າທີ່ ບໍ່ໄດ້ລະເລີຍໃນການປະຕິບັດງານ ໂດຍມີການແຈ້ງໃຫ້ຄົນເຂົ້າຫ້ອງພັກຜຸ່ໂດຍສານທຸກຄົນ ຕ້ອງສວມໜ້າກາກອະນາໄມ ແລະເທິງຕັ່ງນັ່ງ ກໍ່ມີຂໍ້ຄວາມບນປ້າຍຕິດໄວ້ຢ່າງຊັດເຈນທັງພາສາລາວ ແລະອັງກິດ. ຍິ່ງໄປກວ່ານັ້ນ, ຄົນສ່ວນໃຫ່ຍໃນສະໜາມບິນ ກໍ່ຍັງໃຫ້ຄວາມເຂັ້ມງວດໃນການຮັກສາມາດຕະການປ້ອງກັນໂຄວິດ-19 ຢູ່ເປັນຢ່າງດີ, ແຕ່ກຸ່ມຜູ້ໂດຍສານຢິງໃນພາບ ກໍ່ຍັງບໍ່ໃສ່ໃຈກົດລະບຽບ ແລະ ແນວທາງການປະຕິບັດທີ່ສັງຄົມກຳລັງປະຕິບັດກັນຢູ່

ດັ່ງນັ້ນ ຈົນມື້ນີ້ແລ້ວ ເຮົາສົມຄວນຄິດໄດ້ເອງແລ້ວບໍ່ ວ່າການຮັກສາກົດລະບຽບເພື່ອຄວາມປອດໄພຂອງສັງຄົມໂດຍລວມນັ້ນ ນອກຈາກຈະຊ່ວຍຮັກສາພາບລັກອັນດີຂອງປະເທດລາວ ແລະຊ່ວຍຫຼຸດຜ່ອນພືດຕິກຳສ່ຽງບໍ່ໃຫ້ພະຍາດລະບາດໄດ້ແລ້ວ ຍັງແມ່ນເລື່ອງທີ່ເຮົາຄວນໃຫ້ຄວາມສຳຄັນໃນການປະຕິດບັດຕາມໃຫ້ຫຼາຍພຽງໃດ

ໜ້າກາກອະນາໄມ ຖຶກຖິ້ມປະໄວ້ເທິງຕັ່ງ ຫຼັງຈາກກຸ່ມຜູ້ໂດຍສານຍິງທັງໝົດຍ່າງຂຶ້ນຍົນບິນ

LEAVE A REPLY

Please enter your comment!
Please enter your name here