ແຟນເພຈ ສູນຂ່າວ ພະລັງງານ ແລະ ບໍ່ແຮ່ ລາຍງານວ່າ: ເມື່ອວັນທີ 19 ກໍລະກົດ 2020 ທ່ານ ຄຳມະນີ ອິນທິລາດ ລັດຖະມົນຕີກະຊວງພະລັງງານ ແລະ ບໍ່ແຮ່ ພ້ອມດ້ວຍຄະນະໄດ້ເດີນທາງໄປຕິດຕາມຄວາມຄືບໜ້າຂອງໂຄງການກໍ່ສ້າງເຂື່ອນໄຟຟ້າຫຼວງພະບາງ 

ໂດຍມີ ທ່ານ ສົມສະຫວາດ ເລັ່ງສະຫວັດ ອະດິດຮອງນາຍົກລັດຖະມົນຕີ ເດີນທາງຮ່ວມຄະນະ

ໂຄງການເຂື່ອນຫຼວງພະບາງ ຕັ້ງຢູ່ບ້ານຫ້ວຍຍໍ້ ເມືອງຈອມເພັດ ແຂວງຫຼວງພະບາງ ຫ່າງຈາກປາກອູ ແຂວງຫຼວງພະບາງ ປະມານ 1,5 ກິໂລແມັດ 

ປັດຈຸບັນໂຄງການໄດ້ເລີ່ມການກໍ່ສ້າງລວງໜ້າໄປບາງສ່ວນແລ້ວ ເປັນຕົ້ນແມ່ນ: ແຄມຄົນງານ, ຖະໜົນເຂົ້າສູ່ຈຸດສ້າງເຂື່ອນ, ປັບໜ້າດິນເພື່ອສ້າງຂົວຂ້າມນໍ້າຂອງ 

ເຂື່ອນໄຟຟ້າຫຼວງພະບາງ ເປັນໂຄງການເຂື່ອນກັ້ນນໍ້າຂອງ ແຫ່ງທີ່ 3 ຕໍ່ຈາກເຂື່ອນໄຊຍະບູລີ ແລະ ເຂື່ອນດອນສະໂຮງ ທີ່ສ້າງສຳເລັດແລ້ວ, ຄາດວ່າຈະສ້າງສຳເລັດໃນອີກ 7 ປີ 

LEAVE A REPLY

Please enter your comment!
Please enter your name here