ວັນທີ 24 ກໍລະກົດ 2020, ທີ່ໂຮງແຮມ ດອນຈັນພາເລດ ໄດ້ຈັດກອງປະຊຸມ ວິຊາການ ແລະ ພິທີສະເຫຼີມສະຫຼອງວັນຜະດຸງຄັນສາກົນ ໂດຍການເປັນປະທານຂອງ ດຣ ບຸນແຝງ ພູມມະໄລສິດ ຮອງ ລັດຖະມົນຕີ ກະຊວງສາທາລະນະສຸກ, ທ່ານ ດຣ ປອນເມກ ດາລາລອຍ ປະທານສະພາຄຸ້ມຄອງວິຊາຊີບປິ່ນປົວ, ທ່ານ Victor Valdivieso ຮອງຜູ້ຕາງໜ້າອົງການ UNFPA ປະຈຳ ສປປ ລາວ ເຂົ້າຮ່ວມມີ ກົມອ້ອມຂ້າງ10 ກົມ 2 ຫ້ອງການ 2 ສູນ, ຜູ້ອຳນວຍການ, ຫົວຫນ້າພະຍາບານ ຕ່າງຫນ້າຜະດຸງຄັນ 5 ໂຮງຫມໍສູນກາງ, ອົງການ UNFPA, KOFIH, WHO ແລະ Save children ປະຈຳລາວ, ຜະດຸງຄັນ ຈາກທຸກແຂວງທົ່ວປະເທດ ແລະ ກົມການສຶກສາ ສາທາລະນະສຸກ

ໂດຍມີຈຸດປະສົງ ເພື່ອແລກປ່ຽນດ້ານວິຊາການ ການຜະດຸງຄັນ, ການລາຍງານການທົບທວນການຕາຍຂອງແມ່ໃນໄລຍະເກີດລູກ ແລະຮ່ວມງານສະເຫຼີມສະຫຼອງວັນຜະດຸງຄັນລາວ

ທ່ານ ບຸນແຝງ ພູມມະໄລສິດ ຮອງລັດຖະມົນຕີຄະນະພັກກະຊວງສາທາລະນະສຸກ ໄດ້ເປີດເຜີຍວ່າ: ໃນຊຸມປີຜ່ານມາ ການຂະຫຍາຍຕາໜ່າງ ແລະ ການບໍລິການສາທາລະນະສຸກ ນັບມື້ນັບທົ່ວເຖິງ ແລະ ມີຄຸນນະພາບດີຂຶ້ນ ອັນເຮັດໃຫ້ການເຈັບ ແລະ ການຕາຍ ເປັນຕົ້ນການເຈັບ ແລະ ການຕາຍຂອງແມ່ ແລະ ເດັກໄດ້ຫລຸດລົງ ແຕ່ຖ້າທຽບໃສ່ພາກພື້ນ ແລະ ສາກົນ ກໍຍັງສູງຢູ່. 

ທ່ານຍັງໃຫ້ຮູ້ອີກວ່າ: ການຕາຍຂອງແມ່ຕິດພັນກັບການຖືພາ, ການເກີດລູກ ຍັງເປັນສາເຫດຕົ້ນຕໍ ແລະ ທ້າທາຍໃນການບັນລຸເປົ້າໝາຍການພັດທະນາ ແບບຍືນຍົງ (SDGs) ຜົນການສຳຫລວດ ຫຼ້າສຸດ ໄດ້ຊີ້ໃຫ້ເຫັນວ່າໃນທົ່ວປະເທດທຸກໆມື້ນີ້ ມີແມ່ຍິງຫຼາຍກວ່າ 1 ຄົນ ໄດ້ເສຍຊີວິດ, ໃນ 1 ກໍລະນີທີ່ເສຍຊີວິດ ແລະ ຍັງມີອີກ30 ຄົນ ທີ່ຍັງມີຄວາມສ່ຽງ ໂດຍສະເພາະຜູ້ຢູ່ເຂດຊົນນະບົດຫ່າງໄກສອກຫຼີກ.  

LEAVE A REPLY

Please enter your comment!
Please enter your name here