ອາໂວກາໂດ (avocado) ເປັນໝາກໄມ້ທີ່ມີເນື້ອເປັນເນີຍ ແລະ ຫຼາຍໆຄົນອາດຈະຍັງບໍ່ຮູ້ວ່າໝາກໄມ້ຊະນິດນີ້ ແມ່ນເປັນພຶດພື້ນເມືອງຂອງຣັດປວຍບຣາ ປະເທດເມັກຊີໂກ, ໝາກອາໂວກາໂດມີຮູບຮ່າງຄ້າຍຮູບໄຂ່ ຫຼື ກົມ, ປັດຈຸບັນ ມີການນໍາເອົາອາໂວກາໂດມາປູກໃນລາວຢ່າງຫຼວງຫຼາຍ ບາງຄົນປູກເປັນສວນເພື່ອຂາຍ ແລະ ບາງຄົນກໍ່ປູກໄວ້ຕາມເດີ່ນບານ ເພື່ອກິນພຽງໃນຄອບຄົວ

ອາໂວກາໂດ ເປັນໄມ້ຍືນຕົ້ນ ສູງສຸດປະມານ 18 ແມັດ, ໝາກຂອງມັນ ມີທັງເປືອກໜາ ແລະ ເປືອກບາງ ນວນສີຂຽວອອກເຫຼືອງ ຣົດຊາດມັນ ເນື້ອລະອຽດ ບໍ່ມີກິ່ນ ມີແກ່ນດຽວ ເຊິ່ງອາໂວກາໂດ ຈະແບ່ງອອກເປັນ 3 ເຜົ່າຄື:

•    ເຜົ່າກົວເຕມາລາ ໝາກສີຂຽວ ເມັດລຽບນ້ອຍ ຂ້ອນຂ້າງມົນກົມ ເນື້ອໜາ ໄຂມັນສູງ ມັກອາກາດໜາວເຢັນປານກາງ ເຊັ່ນ: ພັນ Hass ແລະ Pinkerton

•    ເຜົ່າອິນດີສະຕາເວັນຕົກ ຜິວໝາກລຽບເປັນມັນ ສີຂຽວອົມເຫຼືອງ ເປືອກໜາ ເມັດຢູ່ໃນໂພງເມັດແບບຫຼວມໆ ຣົດຊາດອອກຫວານອ່ອນ ໄຂມັນນ້ອຍ ມັກອາກາດຮ້ອນ ເຊັ່ນ: ພັນ  Peterson

•    ເຜົ່າເມັກຊີໂກ ໝາກນ້ອຍລຽບ ເມື່ອແກ່ຈະເປັນສີມ່ວງ ເປືອກບາງກວ່າອີກ 2 ເຜົ່າ ເປືອກຫຸ້ມເມັດບາງ ເມັດໃຫ່ຍຢູ່ໃນໂພງເມັດແບບຫຼວມໆ ມີໄຂມັນຫຼາຍທີ່ສຸດ ທົນອາກາດເຢັນໄດ້ດີທີ່ສຸດ

ປະໂຫຍດຂອງອາໂວກາໂດ ທີ່ມີຕໍ່ສຸຂະພາບ

  • ຊ່ວຍຫຼຸດນໍ້າໜັກ ແລະ ໄຂມັນຊະນິດແຫຼວ
  • ຊ່ວຍຫຼຸດຄວາມດັນໃນເລືອດໃຫ້ຕໍ່າລົງ
  • ປ້ອງກັນຄວາມສ່ຽງເສັ້ນເລືອດຫົວໃຈອຸດຕັນ ຫຼື ໄຂມັນອຸດຕັນເສ້ັນເລືອດສະໝອງ
  • ເໝາະສຳລັບແມ່ຍິງຖືພາ ເພາະຊ່ວຍບໍາລຸງການຈະເລີນເຕີບໂຕຂອງເດັກໃນທ້ອງ
  • ປ້ອງການອາການຊາ ທີ່ມີບັນຫາກ່ຽວກັບລະບົບປະສາດ
  • ຫຼຸດຄວາມສ່ຽງເກີດພະຍາດມະເຮັງ
  • ປ້ອງກັນ ແລະ ບັນເທົາອາການເປັນຫວັດ
  • ຊ່ວຍເລື່ອງລະບົບຂັບຖ່າຍໃຫ້ດີຂຶ້ນ
  • ບໍາລຸງສາຍຕາ

ນອກຈາກປະໂຫຍດດີໆຕໍ່ສຸຂະພາບແລ້ວ ອາໂວກາໂດ ມີປະໂຫຍດໃນເລື່ອງຂອງຄວາມງາມ ເພາະຍັງສາມາດນຳມາສະກັດເປັນເຄື່ອງສໍາອາງ ຫຼື ນໍ້າມັນສະກັດຈາກອາໂວກາໂດ ເພື່ອເລັ່ງການຈະເລີນເຕີບໂຕຂອງເສັ້ນຜົມ ແລະ ຍັງສາມາດນໍາມານວນຂອງອາໂວກາໂດມາມາກໜ້າອີກດ້ວຍ.

LEAVE A REPLY

Please enter your comment!
Please enter your name here