ກົມຄວບຄຸມພະຍາດຕິດຕໍ່ກະຊວງສາທາລະນະສຸກ ໄດ້ລາຍງານ ການເຝົ້າລະວັງພະຍາດໄຂ້ຍຸງລາຍປະຈໍາວັນທີ 13 ກໍລະກົດ 2020 ໃຫ້ຮູ້ວ່າ:

ມີຜູ້ຕິດເຊື້ອພະຍາດໄຂ້ຍຸງລາຍ 91 ກໍລະນີ ແລະ ເສຍຊີວິດ 00 ກໍລະນີ. ກໍລະນີສະສົມທັງໝົດແຕ່ວັນທີ 28 ທັນວາ 2019 ຫາ 12 ກໍລະກົດ 2020 ມີ 2.990 ກໍລະນີ ມາເຖິງວັນທີ 13 ກໍລະກົດ 2020 ຜູ້ຕິດເຊື້ອພະຍາດດັ່ງກ່າວເພີ່ມອີກ 91 ກໍລະນີ ລວມເປັນ 3.089 ກໍລະນີ ແລະ ເສຍຊີວິດ 8 ກໍລະນີ.

ສຳລັບແຂວງທີ່ມີການລາຍງານຜູ້ຕິດເຊື້ອໄຂ້ຍຸງລາຍຫຼາຍກວ່າໝູ່ແມ່ນ ນະຄອນຫລວງວຽງຈັນ ເຊິ່ງມີເຖິງ 642 ຄົນ, ຮອງລົງມາແມ່ນແຂວງ ວຽງຈັນ 395 ກໍລະນີ, ອັດຕະປື 351 ກໍລະນີ, ບໍລິຄຳໄຊ 358 ກໍລະນີ, ສະຫວັນນະເຂດ 294 ກໍລະນີ ແລະ ຄໍາມ່ວນ 211 ກໍລະນີ. ຈໍານວນຜູ້ເສຍຊີວິດຍ້ອນພະຍາດດັ່ງກ່າວ ທັງໝົດ 8 ຄົນ ໃນນັ້ນນະຄອນຫລວງ 3 ຄົນ, ບໍລິຄຳໄຊ 2 ຄົນ, ຄຳມ່ວນ 1 ຄົນ, ໄຊຍະບູລີ 1 ຄົນ ແລະ ຊຽງຂວາງ 1 ຄົນ. ສ່ວນແຂວງອື່ນຍັງບໍ່ມີລາຍງານຜູ້ເສຍຊີວິດເທື່ອ.

LEAVE A REPLY

Please enter your comment!
Please enter your name here