ອີງຕາມ ປະມວນກົດໝາຍອາຍາ ສະບັບເລກທີ 26/ສພຊ ລົງວັນທີ 17 ພຶດສະພາ 2017ມາດຕາທີ 144 ການກີດຂວາງການຈະລາຈອນທາງບົກ ໄດ້ລະບຸໄວ້ວ່າ

ບຸກຄົນໃດ ຫາກໄດ້ກີດຂວາງການຈະລາຈອນທາງບົກ ດ້ວຍການ ຂຸດ ເຈາະ ຫຼື ຕັດ, ວາງສິ່ງກີດຂວາງ, ມ້າງ, ຮື້ຖຶນ, ຍົກຍ້າຍ ເຮັດໃຫ້ຫຍຸ້ງຍາກ ໂດຍບໍ່ຖືກຕ້ອງຕາມກົດໝາຍຈະຖືກລົງໂທດ ຕັດອິດສະລະພາບ ແຕ່ ສາມເດືອນ ຫາ ສອງປີ ຫຼື ດັດສ້າງໂດຍບໍ່ຕັດອິດສະລະພາບ ແລະ ຈະຖືກປັບໃໝ ແຕ່ 1,000,000 ກີບ ຫາ 5,000,000 ກີບ

ໃນກໍລະນີເປັນການກະທຳຜິດ ທີ່ພາໃຫ້ເກີດອຸບັດເຫດໃນການຈະລາຈອນ ຈະຖືກລົງໂທດໜັກກວ່າເກົ່າ ດ້ວຍການຕັດອິດສະລະພາບ ແຕ່ ຫົກເດືອນ ຫາ ສາມປີ ແລະ ຈະຖືກປັບໃໝ ແຕ່ 3,000,000 ກີບ ຫາ 10,000,000 ກີບ

ແນວໃດກໍ່ຕາມ ກຸ່ມເຍົາວະຊົນທີ່ເຕັ້ນຢູ່ຕາມຖະໜົນ ຈາກການເປີດເຜີຍຂອງຜູ້ໃຊ້ເຟສບຸກ TC Khampheuan Lks ທີ່ໄດ້ລະບຸວ່າເປັນອາຈານຂອງນັກຮຽນກຸ່ມດັ່ງກ່າວ ໄດ້ໃຫ້ຮູ້ວ່າ ນັກຮຽນກຸ່ມນີ້ ແມ່ນໄດ້ຮັບການໃສ່ລະບຽບຕາມຂັ້ນຕອນຂອງໂຮງຮຽນແລ້ວ ຕາມສິດທີຂອງເດັກ

ອາຈານຍັງໄດ້ລະບຸອີກວ່າ ຂ້ອຍຫວັງວ່າ ຂະເຈົ້າຈະຄິດໄດ້ໃນວັນຂ້າງໜ້າ ຂ້ອຍຢາກເຫັນອະນາຄົດທີ່ດີຂອງຂະເຈົ້າ ຖ້າມື້ໜຶ່ງເຂົາປ່ຽນແປງ ຄິດໄດ້ ສັງຄົມຄົງໃຫ້ໂອກາດ

LEAVE A REPLY

Please enter your comment!
Please enter your name here