ວັດປ່າເລໄລ ສີວິໄລ ຕັ້ງຢູ່ບ້ານຊາຍຟອງເໜືອ ເມືອງຫາດຊາຍຟອງ ນະຄອນຫຼວງວຽງຈັນ ໂດຍທ່ານສາມາດເດີນທາງໄປຕາມເສັ້ນທາງບ້ານຫ້ອມ ຈົນສຸດເສັ້ນທາງຄອນກີດ ແລ້ວລ້ຽວຊາຍໄປອີກ ປະມານ 3 ກິໂລແມັດ ກໍ່ຈະເປັນປ້າຍທາງເຂົ້າວັດແຫ່ງນີ້

ວັດປ່າເລໄລ ຕາມການເລົ່າຂອງເຈົ້າອະທິການວັດ ໄດ້ໃຫ້ຮູ້ວ່າ ສະຖານທີ່ແຫ່ງນີ້ ແມ່ນມີອາຍຸມາຫຼາຍກວ່າ 1000 ປີ ສ້າງຂຶ້ນໃນສະໄໝພະເຈົ້າໄຊວໍລະມັນ ສະໄໝຂອມ ມີປະຫວັດຄວາມເປັນມາຍາວນານ ມີປະຕິສັງຂອນເປັນວັດວາອາຣາມເກົ່າແກ່ ຢູ່ໃນບໍລິເວນຮົ່ວສວນຂອງປະຊາຊົນ ຕົກມາໃນສະໄໝຂອງເຈົ້າຟ້າງຸ່ມມະຫາລາດ ໄດ້ທ້ອນໂຮມອານາຈັກລາວລ້ານຊ້າງ ສະຖານທີ່ແຫ່ງນີ້ ໄດ້ມີຄວາມຮຸ່ງເຮືອງທາງດ້ານພຣະພຸດທະສາສະໜາ ຕົກມາສະໄໝຂອງພະເຈົ້າໄຊຍະເສດຖາທິລາດ ກໍ່ໄດ້ມີຄວາມຮຸ່ງເຮືອງທາງດ້ານພຣະພຸດທະສາສະໜາ ແລະ ໄດ້ສ້າງສາມາເລື້ອຍໆຈົນຮອດສະໄໝເຈົ້າອານຸວົງ ເຮັດໃຫ້ສະຖານທີ່ແຫ່ງນີ້ ຖືກທຳລາຍດ້ວຍສົງຄາມ ແລະ ໄພທຳມະຊາດຕ່າງໆ ເພາະວ່າໃກ້ກັບແມ່ນໍ້າຂອງ ແລະ ເຮັດໃຫ້ມີນໍ້າຖ້ວມຢູ່ເປັນປະຈໍາ ຈົນຫຼົງເຫຼືອເລັກໜ້ອຍ

ເຊິ່ງມາຮອດປະຈຸບັນ ໄດ້ມີການສ້າງສິມໃໝ່ ກວມເອົາພື້ນທີ່ສິມເກົ່າທີ່ໄດ້ຖືກທຳລາຍໄປແລ້ວນັ້ນ ແຕ່ຍັງສ້າງບໍ່ສຳເລັດ ແລະ ໄດ້ມີການສ້າງຫໍກອງເຈັດຊັ້ນຂຶ້ນມາໃໝ່ອີກດ້ວຍ

LEAVE A REPLY

Please enter your comment!
Please enter your name here