ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ຈາກກໍລະນີ ເກີດແຜ່ນດິນໄຫວ ໃນຕອນບ່າຍຂອງວັນທີ 8 ກໍລະກົດ 2020 ຂະໜາດ 3,2 ຣິກເຕີ ເລີກຈາກໜ້າດິນປະມານ ກິໂລແມັດ ບໍລິເວນບ້ານສະລາ ເມືອງໄຊສະຖານ ແຂວງໄຊຍະບູລີ ເຊິ່ງກ່ອນໜ້ານີ້ ກໍໄດ້ເກີດແຜ່ນດິນໄຫວຢູ່ ແຂວງໄຊຍະບູລີ ແລະ ໄຊສົມບູນ ເປັນຈໍານວນຫຼາຍຄັ້ງ ເຊິ່ງໃນວັນທີ 29 ພຶດສະພາ 2020 ກໍ່ໄດ້ເກີດແຜ່ນດິນໄຫວ ຢູ່ເມືອງໄຊສະຖານ ແຂວງໄຊຍະບູລີ ຂະໜາດ 2,1 ຣິກເຕີ, ມາຮອດວັນທີ 30 ມິຖຸນາ 2020 ກໍ່ໄດ້ເກີດແຜ່ນດິນໄຫວອີກ 1 ຄັ້ງ ທີ່ ແຂວງໄຊຍະບູລີ ຂະໜາດ 2,4 ຣິກເຕີ ແລະ ວັນທີ 2 ກໍລະກົດ 2020 ໄດ້ເກີດແຜ່ນດິນໄຫວຂະໜາດ 3,1 ຣິກເຕີ ທີ່ແຂວງໄຊຍະບູລີ ແລະ ຂະໜາດ 2,6 ຣິກເຕີ ທີ່ແຂວງໄຊສົມບູນ ໂດຍທັງໝົດ ແມ່ນບໍ່ມີລາຍງານຄວາມເສຍຫາຍ

ມື້ນີ້ ອິນໄຊລາວ ຈະມາບອກວິທີກຽມຕົວຮັບມືແຜ່ນດິນໄຫວ ທີ່ອາດຈະເກີດຂຶ້ນໄດ້ອີກ ແລະ ອາດມີຄວາມຮຸນແຮງກວ່າທຸກຄັ້ງທີ່ຜ່ານມາ ໃນອະນາຄົດ

ຮູບປະກອບ

ການປະຕິບັດຕົວ ເມື່ອເກີດແຜ່ນດິນໄຫວ

ບ່ອນສະແດງໂຄສະນາ

ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

•     ກ່ອນເກີດແຜ່ນດິນໄຫວ

  1. ຈັດກຽມສິ່ງທີ່ຈໍາເປັນ ເປັນຕົ້ນແມ່ນ ໄຟສາຍ ອຸປະກອນດັບເພີງ ນໍ້າດື່ມ ນໍ້າໃຊ້ ຢາ ອາຫານແຫ້ງ ໄວ້ໃຊ້ໃນກໍລະນີໄຟຟ້າດັບ ຫຼື ກໍລະນີສຸກເສີນ ແລະ ພຽງພໍກັບຈໍານວນສາມະຊິກພາຍໃນຄອບຄົວ
  2. ສາກໂທລະສັບ ແລະ ພຣາວເວີແບງ ໃຫ້ມີແບັດພຽງພໍຕໍ່ການໃຊ້
  3. ສຶກສາການປະຖົມພະຍາບານເບື້ອງຕົ້ນ
  4. ຄວນຮູ້ຈຸດເປີດປິດ ສະວິດນໍ້າປະປາ ໄຟຟ້າ ເພື່ອຕັດການສົ່ງຂອງນໍ້າ ແລະ ໄຟຟ້າ
  5. ບໍ່ຄວນວາງສິ່ງຂອງທີ່ມີນໍ້າໜັກຫຼາຍໄວ້ຢູ່ຈຸດສູງໆພາຍໃນເຮືອນ ເພາະອາດຈະຕົກລົງມາສ້າງຄວາມເສຍຫາຍໄດ້
  6. ບອກຕໍາແໜ່ງທີ່ປອດໄພພາຍໃນເຮືອນ ໃຫ້ສາມະຊີກທຸກຄົນ ເປັນຕົ້ນແມ່ນ ກ່ອງໂຕະ ພ້ອມກັບວິທີປ້ອງກັນຕົວຈາກສິ່ງຂອງ ມີການນັດຈຸດໝາຍ ໃນກໍລະນີທີ່ຕ້ອງພາກຈາກກັນ ເພື່ອກັບມາລວມກັນອີກຄັ້ງພາຍຫຼັງ
  7. ກຽມເບີສຸກເສີນໃຫ້ພ້ອມ
ຮູບປະກອບ

•     ຂະນະເກີດແຜ່ນດິນໄຫວ

  1. ຕັ້ງສະຕິ ເພື່ອຄິດຫາວິທີທາງຮັບມື
  2. ຖ້າຫາກຢູ່ໃນອາຄານ ຄວນຍືນ ຫຼື ໝອບ ຢູ່ບໍລິເວນທີ່ໂຄງສ້າງແຂງແຮງ ເຊັ່ນ ກ້ອງໂຕະທີ່ແຂງແຮງ ຢູ່ຫ່າງຈາກປະຕູ ລະບຽງ ປ່ອງຢ້ຽມ ແລະ ບໍ່ແນະນໍາໃຫ້ຮີບອອກຈາກອາຄານ ເພາະອາດຈະເກີດອຸບັດຕິເຫດອຶ່ນໆ ເປັນຕົ້ນແມ່ນ ລົ້ມ ຫຼື ມີສິ່ງຂອງຕົກໃສ່ ແລະ ຖ້າເປັນອາຄານສູງ ການອອກຈາກອາຄານ ແມ່ນບໍ່ຄວນໃຊ້ລິບເດັດຂາດ
  3. ຫາກຢູ່ນອກອາຄານ ຄວນຢູ່ໃນພື້ນທີ່ໂລ່ງ ແລະ ໃຫ້ຫຼີກລ່ຽງກຳແພງສູງ ຂົວ ຖະໜົນແຄບໆ ເສົາໄຟຟ້າ ແລະ ສິ່ງຫ້ອຍຕ່າງໆ ເພື່ອປ້ອງກັນການບາດເຈັບຈາກການລົ້ມທັບ ແລະ ຫາສິ່ງຂອງມາບັງຫົວໄວ້
  4. ອົບພະຍົບຕົວເອງໄປຈຸດທີ່ປອດໄພ
  5. ຫາກຂັບລົດຢູ່ ແມ່ນໃຫ້ຮີບຈອດລົດທັນທີ ແລ້ວໃຫ້ຢູ່ຫ່າງຈາກເສົາໄຟຟ້າ ປ້າຍໂຄສະນາ ແລະ ຂົວ
  6. ຂະນະເກີດເຫດບໍ່ຄວນໃຊ້ທຽນ ຫຼື ກັບໄຟ ເພາະອາດມີແກສຮົ່ວໃນພື້ນທີ່ນັ້ນໆ

•     ຫຼັງຈາກເກີດແຜ່ນດິນໄຫວ

  1. ໃຫ້ອອກຈາກອາຄານທີ່ເປ່ເພໂດຍດ່ວນ ເພາະອາດຈະເກີດຖະຫຼົມລົງມາ
  2. ໃສ່ເກີບຢູ່ສະເໝີ ເພາະອາດຈະມີເສດແກ້ວ ຫຼື ວັດຖຸແຫຼມໆ ແທງໄດ້
  3. ກວດການບາດເຈັບ ແລະ ປະຖົມເບື້ອງຕົ້ນໃຫ້ຜູ້ທີ່ໄດ້ຮັບບາດເຈັບ  ແລ້ວຮີບນໍາສົ່ງໂຮງໝໍດ່ວນ
  4. ຫ້າມໃຊ້ໂທລະສັບໂດຍບໍ່ຈໍາເປັນ
  5. ບໍ່ກົດນໍ້າຊັກໂຄກ ຈົນກວ່າຈະມີການກວດສອບວ່າທໍ່ນໍ້າບໍ່ມີການແຕກຫັກ ເພາະອາດສົ່ງກິ່ນບໍ່ດີອອກມາໄດ້

ເຖິງວ່າເຮົາບໍ່ສາມາດປ້ອງກັນ ການເກີດແຜ່ນດິນໄຫວໄດ້ ແຕ່ເຮົາສາມາດກຽມຄວາມພ້ອມ ແລະ ຮັບມືແຜ່ນດິນໄຫວທີ່ອາດຈະເກີດຂຶ້ນໄດ້ ຫາກເກີດຄວາມຮູ້ຄວາມເຂົ້າໃຈ ກໍ່ສາມາດຫຼຸດຜ່ອນຄວາມເສຍຫາຍ ແລະ ປ້ອງກັນຊີວິດທີ່ອາດຈະເກີດອັນຕະລາຍໄດ້

ຮຽບຮຽງໂດຍ ອິນໄຊລາວ

ຂໍ້ມູນ ກົມອຸຕຸນິຍົມວິທະຍາ (ປະເທດໄທ)

LEAVE A REPLY

Please enter your comment!
Please enter your name here