ຕາດວັງຫຼວງ ຖືວ່າເປັນສະຖານທີ່ທ່ອງທ່ຽວແຫ່ງໜຶ່ງທີ່ຫຼາຍໆຄົນໃຫ້ຄວາມສົນໃຈ ໂດຍສະເພາະໃນໄລຍະລະດູຝົນນີ້ ເພາະຈະມີນໍ້າຫຼາຍເປັນພິເສດ

ຕາດວັງຫຼວງ ແມ່ນຕັ້ງຢູ່ ບ້ານເວີນກະເບົາ ເມືອງປາກງື່ມ ນະຄອນຫຼວງວຽງຈັນ ຫ່າງຈາກເທດສະບານນະຄອນຫຼວງ ປະມານ 60 ກວ່າກິໂລແມັດ, ໂດຍທ່ານສາມາດເດີນທາງໄປຕາມເສັ້ນທາງເລກທີ 13 ໃຕ້,​ ກາຍຂົວບ້ານໄຮໄປອີກປະມານ 1 ກິໂລແມັດ ແລະ ລ້ຽວຊ້າຍເຂົ້າໄປອີກປະມານ 6 ກິໂລແມັດ ແລະ ເຂົ້າໄປທາງດິນແດງອີກ 100 ແມັດ ກໍ່ຈະຮອດຕາດວັງຫຼວງ

ສະຖານທີ່ແຫ່ງນີ້ ມີນ້ຳໃສໄຫຼເຢັນ ທຳມະຊາດອຸດົມສົມບູນ ເໝາະສົມກັບການທ່ອງທ່ຽວໃນລະດູຝົນ ສ່ວນລະດູແລ້ງນັ້ນ ນໍ້າຂ້ອນຂ້າງໜ້ອຍ ເຮັດໃຫ້ນັກທ່ອງທ່ຽວມັກຈະໄປທ່ຽວໃນຊ່ວງຍາມຝົນເປັນສ່ວນໃຫ່ຍ

ພາຍໃນຕາດຈະມີຕູບໄວ້ບໍລິການ ເພື່ອທີ່ຈະໃຫ້ນັກທ່ອງທ່ຽວໄດ້ນັ່ງຊຸມແຊວແຄມນໍ້າ ຫຼື ຖ້າທ່ານໃດທີ່ບໍ່ມັກນັ່ງຕູບກໍ່ສາມາດຖຶສາດ ໄປນັ່ງໄດ້, ໂດຍນັກທ່ອງທ່ຽວສ່ວນໃຫ່ຍ ແມ່ນຈະມັກເອົາອາຫານໄປແຕ່ງກິນ ກັບຄອບຄົວ ໝູ່ເພື່ອນ ແລະ ຫຼີ້ນນໍ້າເຢັນໆ ຂອງນໍ້າຕົກແຫ່ງນີ້

ແນວໃດກໍາຕາມ,​ ການໄປທ່ອງທ່ຽວນ້ຳຕົກ ຫຼື ຕາດ ໃນຊ່ວງຍາມຝົນກໍຕ້ອງມີຄວາມລະມັດລະວັງເປັນພິເສດເພາະເປັນລະດູທີ່ ມັກເກີດມີນ້ຳປ່າໄຫຼຊຸ, ສະນັ້ນກ່ອນເດີນທາງກໍຕ້ອງໄດ້ສຶກສາຂໍ້ມູນສະພາບ ອາກາດ ແລະ ຈຸດພິເສດຂອງ ສະຖານທີ່ເສຍກ່ອນ.

LEAVE A REPLY

Please enter your comment!
Please enter your name here