ປະຊາຊົນທ້ອງຖິ່ນໄດ້ລາຍງານໃຫ້ຮູ້ວ່າ: ວັນທີ 3 ກໍລະກົດ 2020 ໄດ້ເກີດເຫດນ້ຳພາງ ລົ້ນຂຶ້ນຝັ່ງ ໄຫຼເຂົ້າຖ້ວມໄຮ່ນາ ແລະ ບ້ານເຮືອນຂອງປະຊາຊົນ ໃນເຂດບ້ານສີບຸນເຮືອງ ເມືອງທ່າໂທມ ແຂວງໄຊສົມບູນ ເນື່ອງຈາກວ່າມີຝົນຕົກໜັກ ເປັນເວລາຫຼາຍຊົ່ວໂມງຕິດຕໍ່ກັນ

ເຊິ່ງກ່ອນໜ້ານີ້, ກົມອຸຕຸໄດ້ແຈ້ງເຕືອນໄພ ຝົນຕົກໜັກ ວັນທີ 02 ຫາ 04 ກໍລະກົດ 2020, ເນື່ອງຈາກວ່າຄວາມກົດດັນຕ່ຳຂອງອາກາດມີກຳລັງປານກາງປົກຄຸມຢູ່ທົ່ວທຸກພາກຂອງປະເທດລາວ ພ້ອມດຽວກັນ ລົມມໍລະສຸມຕາເວັນຕົກສ່ຽງໃຕ້ມີກຳລັງແຮງເພີ່ມຂື້ນພັດປົກຄຸມ ໃນໄລຍະວັນທີ 02 ຫາ 03 ກໍລະກົດ 2020 ເຊິ່ງຈະເຮັດໃຫ້ມີຝົນຕົກໃນລະດັບຄ່ອຍ ຫາ ປານກາງ ເປັນບໍລິເວນກວ້າງ ແລະ ຕົກຫນັກຢູ່ບາງທ້ອງຖິ່ນບັນດາແຂວງບໍລິຄຳໄຊ, ຄຳມ່ວນ, ສະຫວັນນະເຂດ, ສາລະວັນ, ຈຳປາສັກ, ເຊກອງ ແລະ ອັດຕະປື ພ້ອມມີລົມພັດແຮງເປັນບາງໂອກາດ.

ແນວໃດກໍ່ຕາມ,​ ຂໍອົງການປົກຄອງທຸກພາກສ່ວນ ແລະ ປະຊາຊົນບັນດາເຜົ່າ ຈື່ງມີສະຕິລະມັດລະວັງຕໍ່ສະພາບຝົນຕົກໜັກ ທີ່ຈະສືບຕໍ່ໄປຈົນຮອດວັນທີ 4 ກໍລະກົດ ເຊິ່ງອາດຈະເຮັດໃຫ້ມີນ້ຳຖ້ວມອັ່ງຢູ່ບັນດາແຂວງດັ່ງກ່າວ ແລະ ຂໍໃຫ້ຕິດຕາມຂ່າວພະຍາກອນເປັນປະຈໍາ

ພາບໂດຍ: ຄຳໄຂ ພົມມະໄກສອນ ແລະ vanh keomani

LEAVE A REPLY

Please enter your comment!
Please enter your name here