ຜອ ອົງການອະນາໄມໂລກ ເຕືອນວິກິດໂຄວິດ-19 ຍັງບໍ່ເຖິງຂັ້ນຮ້າຍແຮງສຸດ ເມື່ອການລະບາດຂອງພະຍາດໂຄວິດ-19 ຍັງມີອັດຕາເພີ່ມຂຶ້ນເລື້ອຍໆ

ວັນທີ 30 ມິຖຸນາ 2020 ເວັບໄຊ Daily Mail Online ລາຍງານວ່າ ທ່ານ ດຣ ທີໂດຣສ ອັດຮານອມ ກີບຣີເຢຊຸສ ຜູ້ອໍານວຍການໃຫ່ຍອົງການອະນາໄມໂລກ  ກ່າວເຕືອນເຖິງວິກິດການລະບາດຂອງພະຍາດໂຄວິດ-19 ເຊິ່ງຂະນະນີ້ ຍອດຜູ້ຕິດເຊື້ອສະສົມທົ່ວໂລກມີຫຼາຍກວ່າ 10 ລ້ານກໍລະນີ ແລະ ເສຍຊີວິດຫຼາຍກວ່າ 5 ແສນຄົນ ເຊິ່ງການລະບາດຂອງພະຍາດໂຄວິດ-19 ອາດຈະຮ້າຍແຮງຂຶ້ນຕື່ມ ຖ້າລັດຖະບານດຳເນີນນະໂຍບາຍ ແລະ ມາດຕະການຮັບມືບໍ່ຖືກຈຸດ ແລະ ບໍ່ມີປະສິດທິພາບ

ທັງນີ້ ຜອ ອົງການອະນາໄມໂລກ ໄດ້ຍົກຕົວຢ່າງຫຼາຍໆປະເທດ ເປັນຕົ້ນແມ່ນ ເຢຍລະມັນ ສ ເກົາຫຼີ ແລະ ຍີ່ປຸ່ນ ທີ່ໄດ້ມີມາດຕະການທີ່ຊັດເຈນໃນການຄວບຄຸມການລະບາດຂອງພະຍາດໂຄວິດ-19

LEAVE A REPLY

Please enter your comment!
Please enter your name here