ວັນທີ 30 ມິຖຸນາ 2020, ຄະນະສະເພາະກິດໄດ້ອອກມາຖະແຫຼງຂ່າວກ່ຽວກັບມາດຕະການຜ່ອນຜັນ ແລະ ມາດຕະການສືບຕໍ່ ໃນລະຫວ່າງວັນທີ 1 ຫາ 31 ກໍລະກົດ 2020 ໂດຍມີລາຍລະອຽດດັ່ງນີ້: 

ມາດຕະການຜ່ອນຜັນປະກອບມີ: 

  • ສາມາດຈັດລາຍການແຂ່ງຂັນກິລາທຸກປະເພດໄດ້
  • ເປີດກາຊີໂນ ທີ່ໄດ້ຮັບອະນຸຍາດຖືກຕ້ອງຕາມລະບຽບກົດໝາຍ
  • ສາມາດຈັດກິດຈະກຳຊຸມນຸມ, ງານສ້າງສັນ, ງານປະເພນີ ແລະ ງານດອງໄດ້ ບົນພື້ນຖານຈິດໃຈປະຍັດ ມັດທະຍັດ 

ມາດຕະການສືບຕໍ່ປະກອບມີ: 

  • ສືບຕໍ່ປິດດ່ານປະເພນີ ທ້ອງຖິ່ນ ແລະ ສາກົນ ສຳລັບການເຂົ້າອອກຂອງບຸກຄົນທົ່ວໄປ ສ່ວນຂົນສົ່ງສິນຄ້າແມ່ນສາມາດເຂົ້າອອກໄດ້ 
  • ສືບຕໍ່ປິດຮ້ານບັນເທີງ ຄາລາໂອເກະ ແລະ ຮ້ານເກມ
  • ສືບຕໍ່ໂຈະການອອກວິຊ່າ ທ່ອງທ່ຽວ ແລະ ຢ້ຽມຢາມ ສຳລັບບຸກຄົນທີ່ເດີນທາງມາຈາກປະເທດທີ່ຍັງມີການລະບາດ 

ມາດຕະການຕ່າງໆນີ້ ແມ່ນເປັນການຊົ່ວຄາວ ຖ້າຫສກມີການລະບາດຢູ່ແຂວງໃດແຂວງໜຶ່ງ ຈະໄດ້ມີການຈຳກັດການເຂົ້າອອກແຂວງນັ້ນໆແລະ ຖ້າຫາກມີການລະບາດຢູ່  2 ແຂວງຂຶ້ນໄປ ແມ້ນຈະໄດ້ກັບມາໃຊ້ມາດຕະການຕ່າງໆ ຕາມຄຳສັ່ງເລກທີ 06/ນຍ ຄືເກົ່າ 

LEAVE A REPLY

Please enter your comment!
Please enter your name here