ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ມື້ນີ້ແອັດມິນມີເກັດຄວາມຮູ້ດີໆ ມາຝາກທຸກຄົນ ແອັດມິນເຊື່ອວ່າພຸດທະສາຊານິກາຊົນຫຼາຍໆຄົນ ອາດຈະເຄີຍໄດ້ຍິນ ຫຼື ຮູ້ຈັກນໍ້າປານະ ກັນມາແນ່ແລ້ວ

ນໍ້າປານະແມ່ນນໍ້າທີ່ພຣະສົງ ສຳມະເນນ ສາມາດສັນໄດ້ ແຕ່ບໍ່ແມ່ນນໍ້າທຸກຊະນິດ ຈະເອີ້ນນ້ໍາປະນະໄດ້ ເພາະໃນຫຼັກວິໄນນັ້ນ ມີຂໍ້ລະບຸໄວ້ວ່າແບບໃດທີ່ສາມາດສັນໄດ້ ຫຼື ບໍ່ໄດ້ ມາເບິ່ງນໍາກັນເລີຍ

ນໍ້າປານະຕາມຫຼັກວິໄນສົງນັ້ນ ແມ່ນເຄື່ອງດື່ມຫຼືນໍ້າຄັ້ນຈາກໝາກໄມ້ທີ່ສຸກເອງໂດຍທໍາມະຊາດ ຫ້າມສຸກດ້ວຍໄຟ ຄວນເກັບຮັກສາໄວ້ໃນເວລາ 1 ມື້ 1 ຄືນ ຫຼັງຈາກນັ້ນຖືວ່າສັນບໍ່ໄດ້ ໝາກໄມ້ທີ່ສາມາດນໍາມາເຮັດນໍ້າປະນະໄດ້ນັ້ນ ບໍ່ຄວນເປັນໝາກໄມ້ໜ່ວຍໃຫ່ຍ ແລະ ບໍ່ມີນວນປົ່ນຢູ່ ໂດຍວິທີທີ່ຖືກຕ້ອງໃນການເຮັດນໍ້າປານະນັ້ນ ແມ່ນປອກເປືອກ ຄວ້ານເອົານວນຂອງໝາກໄມ້ທີ່ສຸກເອງ ມາບີບເອົາແຕ່ນໍ້າ ຈາກນັ້ນຕື່ມນໍ້າສະອາດລົງໄປໃຫ້ພໍດີ ປຸງລົດຊາດດ້ວຍເກືອ ແລະ ນໍ້າຕານ ໝາກໄມ້ທີ່ພຣະພຸດທະເຈົ້າໄດ້ອະນຸຍາດໄວ້ມີ 8 ຊະນິດຄຶ:

ບ່ອນສະແດງໂຄສະນາ

ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ
  1. ນໍ້າທີ່ເຮັດມາຈາກໝາກມ່ວງ
  2. ນໍ້າທີ່ເຮັດມາຈາກໝາກຫວ້າ
  3. ນໍ້າທີ່ເຮັດມາຈາກໝາກກ້ວຍມີເມັດ
  4. ນໍ້າທີ່ເຮັດມາຈາກໝາກກ້ວຍທີ່ບໍ່ມີເມັດ
  5. ນໍ້າທີ່ເຮັດມາຈາກໝາກຊາງ
  6. ນໍ້າ ໝາກຈັນ ຫຼື ໝາກ ອະງຸ່ນ
  7. ນໍ້າເຫງົ້າຫົວບົວ
  8. ນໍ້າໝາກລິນຈີ່ ຫຼື ໝາກຝາງ

ສ່ວນນໍ້າທີ່ຄ້າຍຄືກັບນໍ້າປານະ ແຕ່ບໍ່ສາມາດສັນໄດ້ຕາມຫຼັກວິໄນ ນໍ້າຈາກເຂົ້າ ບໍ່ວ່າຈະເປັນເຂົ້າສາລີ ເຂົ້າເປືອກ ເຂົ້າໜຽວ ເຂົ້າຟ່າງ ໝາກເດືອຍ ລວມໄປຈົນຮອດກາເຟ ຫຼື ນໍ້າທີ່ປະສົມນົມທຸກຊະນິດ

ແຕ່ມາຮອດປະຈຸບັນ ຫຼາຍສະຖານທີ່ປະຕິບັດທຳ ກໍ່ໄດ້ມີການອະນຸໂລມຕາມຍຸກສະໄໝ ເພື່ອຄວາມສະດວກສະບາຍ ທີ່ຊາວພຸດຈະມາເຮັດບຸນ ຖວາຍນໍ້າປະນະ ເປັນຕົ້ນແມ່ນ: ບໍ່ຈໍາເປັນຕ້ອງຜ່ານຄວາມຮ້ອນ ຫຼື ສຸກໂດຍທໍາມະຊາດ ຂໍພຽງແຕ່ບໍ່ມີນວນ ຫຼື ເນື້ອຂອງໝາກໄມ້ປະສົມຢູ່ ຫຼື ນໍ້າປະເພດນົມກໍ່ສາມາດຖວາຍເປັນນໍ້າປານະໄດ້ແລ້ວເຊັ່ນກັນ

ທາງທີ່ດີ ຄວນມີການສຶກສາວ່າ ວັດທີ່ເຮົາຈະໄປເຮັດບຸນນັ້ນ ຮັບນໍ້າປານະປະເພດໃດແນ່ ເພື່ອຈະເປັນການເຮັດບຸນທີ່ໄດ້ບຸນ ແລະ ບໍ່ເດືອດຮ້ອນຕົນເອງອີກດ້ວຍ

LEAVE A REPLY

Please enter your comment!
Please enter your name here