ດັ່ງຂ້າມຂອງ “ຢາກເປັນລູກເຂີຍ” ເພງເນື້ອໃນບໍ່ຊັບຊ້ອນ ດົນຕີຮ່ວມສະໄໝ ເອັມວີລຽບງ່າຍ ແຕ່ຄອນເຊັບໂດດເດັ່ນ ພຽງແຕ່ອັບລົງ Youtube ໃນເວລາ 3 ອາທິດ ຍອດວິວກໍ່ທະລຸ 23 ລ້ານວິວແລ້ວ

ຈຸດເລີ່ມຕົ້ນຂອງເພງ  “ຢາກເປັນລູກເຂີຍ” ເລີ່ມຈາກ ໂສພະນາ ຊ່າງພາບອິດສະຫຼະ ບ່າວນະຄອນປາກເຊ ແຂວງຈໍາປາສັກ ຢາກເຮັດເພງເພື່ອໂປຣໂມດຊ່ອງຢູທູບ SOPHANA CHANNEL ຈຶ່ງໄດ້ປຶກສາກັບ ແບກື່ ຫຼື ເຈົ້າຂອງຊ່ອງ Youtube: BIGYAI SEEHALAD ຈົນກາຍເປັນໂຄງການເພງແຈ້ງເກີດ

ເພງນີ້ນັກຮ້ອງທັງໝົດ 3 ຄົນ ຄື: ໂສພະນາ ແບກື່ ແລະ ນັກຮ້ອງເພງແຣັບ T JAME UNO ບ່າວເມືອງທ່າແຂກ

ໂສພະນາເຜີຍສາເຫດທີ່ໃຫ້ແບກື່ຮ້ອງເປັນພາສາໄທ ເພາະຄາແລັກເຕີຂອງແບກື່ໃນການເຮັດ Youtube ແມ່ນເປັນຄົນລາວທີ່ເວົ້າພາສາໄທ ລາວ ປະສົມກັນ ໂດຍທັງສອງໄດ້ກ່າວວ່າ ດົນຕີໄຮ້ພົມແດນ

ສ່ວນອີກສະເໜ່ນ້ອຍໆໃນເອັມວີ ແມ່ນນາງເອກເອັມວີ ທີ່ໄດ້ນ້ອງສາວຫຼ້າຂອງໂສພະນາ ທີ່ກຳລັງສຶກສາຢູ່ ຄະນະສຶກສາສາດ ມະຫາວິທະຍາໄລຈໍາປາສັກ

ວົງການເພງລາວ ໃຫ້ການຕ້ອນຮັບເພງນີ້ເປັນຢ່າງດີ  ແລະ ຄາດວ່າເພງນີ້ິອາດຈະທະລຸ 100 ລ້ານວິວໃນໄວໆນີ້

LEAVE A REPLY

Please enter your comment!
Please enter your name here